Frantzian dauden euskal presoek Espainian bete ahalko dute zigorra
Europar Batasuneko edozein kartzelatan zigorra betetzen ari diren presoek beren jatorrizko herrialdean bete ahalko dute zigorra, Espainiako Diputatuen Kongresuak gaur onartu duen legeari esker. Hala, Frantziako kartzelatan zigorra betetzen ari diren euskal presoek zigorra Espainian betetzeko aukera izango dute.
Behe-ganberako osoko bilkurak Europar Batasuneko ebazpen penalak aitortzeko legea onartu du babes zabalarekin. Hori bai, Diputatuen Kongresuak Senatura bidalitako testuan hainbat aldaketa egin dituzte, eta azken bertsio hori da gaur onartu dutena.
Halaber, aurrekari penalei buruzko informazioa trukatzeko eta Europar Batasuneko ebazpen judizialei buruzko gogoetak elkartrukatzea ahalbidetuko duen legea onartu dute.
Onartutako lege horiei esker, beste herrialdeetan emandako epaiak eta babes aginduak propiotzat hartuko ditu Espainiak, eta, aldi berean, beste herrialdeek bere egingo dituzte Espainiako auzitegi eta epaileen erabakiak.
Bestalde, aurrerantzean epaileek eta fiskalek Europar Batasuneko edozein herritarren delitu historialera sarbidea izango dute, zigortu duten herrialdea edozein dela ere.
Emilio Olabarria EAJko ordezkaria pozik agertu da lege horiek Espainiako ordenamendu juridikoak dituen disfuntzioak konpontzeko balioko dutelako.
Bestalde, Iker Urbina Amaiurreko diputatuak adierazi du Espainia Europar Batasuneko legedira egokitu behar izateak zer pentsatua eman beharko liekela PPri eta PSOEri, eta euskal presoen sakabanaketa politikari amaiera jartzeko eskatu du.
Zure interesekoa izan daiteke
Epaileak Jose Luis Rodriguez Zapatero inputatu du Plus Ultra auzian, eta dirua zuritzeagatik ikertuko du
Espainiako Gobernuak Plus Ultra airelineari emandako 53 milioi euro modu irregularrean erabili ote ziren ikertzen ari da Jose Luis Calama Auzitegi Nazionaleko magistratua. Inputatu gisa deklaratu beharko du Zapaterok ekainaren 2an.
Plus Ultra auziko epaileak uste du Zapaterok eta bere ingurukoek 1,9 milioi euroko irabaziak izan zituztela
Espainiako Gobernuko presidente ohia ekainaren 2rako deitu dute Auzitegi Nazionalera, eragimen-trafikoa eta lotutako beste delitu batzuk egotzita.
Zapaterok ziurtatu du “inoiz” ez duela Plus Ultraren aldeko gestiorik egin
Gobernuko presidente ohiak adierazi duenez, bere "jarduera publiko eta pribatu guztia legea erabat errespetatuz egin da beti".
Gobernuak espero du “Justiziak justizia egitea” Zapaterorekin, eta haren ondarea defendatu du
Gobernuaren bozeramaile Elma Saizek adierazi du pandemian hainbat airelineari emandako maileguek enpresak eta lanpostuak salbatzeko aukera eman zutela.
Zer da Plus Ultra auzia eta zer lotura du, ustez, Zapaterorekin?
Ustezko ustelkeria auzia 2021ean Plus Ultra konpainiari emandako 53 milioi euroko erreskate publikoarekin lotuta dago. Auzitegi Nazionala ikertzen ari da ea Zapaterok bitartekari lana egin ote zuen erreskatea lortzeko, ordain ekonomikoen truke.
PSOEk Zapatero babestu du, Plus Ultra auzian inputatu ostean
Justiziarekiko errespetua eskatu dute sozialistek, eta Jose Luis Rodriguez Zapatero Espainiako Gobernuko presidente ohiaren errugabetasun-presuntzioa azpimarratu dute.
Voxek eskatutako zentsura mozioari ez ikusiarena egin dio PPk, eta fokua Sanchezen inbestidurako alderdiengan jarri du
Auzitegi Nazionalak inputatu gisa deklaratzera deitu du datorren ekainaren 2an, Plus Ultra hegazkin konpainiaren erreskatearen auzian. Albisteak erreakzio soka luzea ekarri du panorama politikoan.
Munduko Futbol Txapelketaren egoitza izateko Bilbo hautagai izango den zalantzak dituela aitortu du Etxanobek
Elixabete Etxanobe Bizkaiko ahaldun nagusiak Euskadi Irratian adierazi duenez, inplikatutako erakundeek "hausnarketa sakona" egiten jarraitzen dute Bilbo 2030eko Munduko Futbol Txapelketaren egoitzetako bat izateko aukerari buruz. Bestalde, sozialistek eta popularrek Etxanoberen zalantzak kritikatu dituzte eta aukera "historikoa" dela uste dute.
Krisia “gainditutzat” eman dute Nafarroako Gobernuan
Hezkuntza itunduaren harira joan den ostegunean parlamentuan izandako haustura konpontzeko goi-bilera egin dute exekutiboa osatzen duten hiru alderdiek.
Pandemien Itunari "behin betiko bultzada" ematea eskatu du Pedro Sanchezek, "osasun globala indartzeko"
Espainiako Gobernuko presidenteak Munduko Osasun Erakundearen (MOE) 79. batzarrean parte hartu du, Genevan (Suitza). Bertan, munduko herrialde guztietan osasuna hobetzeko neurriak hartzearen alde egin du, eta azpimarratu du lan egin behar dela arreta ona jasotzea sorterriaren araberakoa izan ez dadin.