Ana Mato, osasun erreformaren eta ebola krisiaren ministroa
Ana Mato ministroak osasunaren erreforma polemikoa aurrera eraman zuen eta ebolaren krisiagatik kritika gogorrak jaso zituen udazkenean, baina Gurtel sarean ustez izandako inplikazioak dimisioa ematera eraman du.
Mato 1959ko irailaren 24an jaio zen, Madrilen. Zientzia Politikoetan eta Soziologian lizentziaduna da Complutense Unibertsitatean. Jorge Verstringeren eskutik politikan hasi zen 1983an, Aliantza popularrean.
1991eko maiatzaren 26an diputatu aukeratu zuten hauteskundeetan, Madrilgo Asanbladan. Estutuaren Garapenerako Batzordean PPko bozeramailea izan zen.
1993ko ekainean, hauteskunde orokorretan, Madrilgo diputatu aukeratu zuten Kongresuan. RTVEko Administrazio-kontseiluan PP ordezkatu zuen, eta 1994ko ekainean entitatearen Kontrol Batzorderako Taldearen bozeramaile izendatu zuten.
Aznarrek Zuzendaritza Nazionalean sartu zuen
1996ko urtarrilaren 20an PPko Zuzendaritza Nazionalean barneratu zuen Jose Maria Aznarrek. 1996ko martxoaren 3an, hauteskundeetan, Alderdi Popularrak garaipena lortu zuen eta Mato Madrilgo diputatu hautatu zuten. Gutxi geroago, Telekomunikazioen arloan PPko talde parlamentarioaren bozeramailea izendatu zuten.
2003ko uztailaren 7an alderdiko Antolakuntza arloko koordinatzailea izendatu zuten.
2000. urtean eta 2004an diputatu aukeratu zuten berriro. 2004an PPk hauteskundeak galdu zituen eta Matok alderdiaren Antolakuntza koordinatzailea izateari utzi zion.
PPren XV. Kongresu Nazionalean, 2004ko urrian, Mariano Rajoy alderdiko presidente berriak Zuzendaritza Batzordean sartu zuen.
Politika nazionalera itzuli zen PPko zerrendetan sartu zutenean, 2008ko martxoaren 9ko hauteskundeetan, Madrilen hirugarren tokian. Berriz diputatu aukeratu zuten.
2011ko uztailean, hauteskunde-kanpaina zuzentzeko ardura hartu zuen azaroaren 20ko hauteskunde orokorretara begira. PPk gehiengoa absolutua lortu zuen.
PPko zerrendan hirugarren lekuan aurkeztu zen Ana Mato, eta diputatu hautatu zuten berriro. Rajoyk Osasun ministro izendatu zuen abenduaren 21an.
Osasun erreforma, Gurtel eta ebola
16/2012 lege-dekretuaren bidez osasun erreforma onartu zuen Matok ministro gisa. Osasun zerbitzuetan 7.000 milioi euro gutxiago xahutzea bilatzen zuen erreformak. Erreformaren kontra protestak eta mobilizazioak izan ziren.
2013ko otsailaren 1ean Poliziaren txosten baten berri eman zuen Pablo Ruz Auzitegi Nazionaleko epaileak. Gurtel sareak Jesus Sepulveda Pozuelo de Alarconeko alkate ohiari (Matoren senar ohia) bidaiak eta opariak ordaindu zizkiola azaltzen zuen. Era berean, Matok opari batzuk jaso zituela zioen txostenak.
Egun batzuk geroago, Senatuaren kontrol saioan, otsailaren 19an, akusazioak gezurrak zirela esan eta dimisioa ematea baztertu zuen Matok.
Bestalde, udazkenean ebolaren krisiarekin egindako kudeaketagatik kritika gogorrak jaso zituen ministroak. Gaixotasunaren jarraipena egiteko Batzorde Berezi bat martxan jarri zuen Gobernuak.
zuen Gobernuak.Zure interesekoa izan daiteke
Gerra Zibileko bi gudulariren gorpuzkiak berreskuratu dituzte Saibigainen, Abadiñon
Igande honetako lanetan, beste bi gudulariren gorpuzkiak atera dituzte lurpetik Saibigainen, Abadiñon. 2023tik, 5 pertsonaren gorpuzkiak aurkitu dituzte bertan.
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" jarri ostean
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek, eta jada sendagiria eman diotela. Ostiralean, Alberto Gonzalez Amador Ayusoren bikotekidea auzitara eramango dutela zabaldu zen. Madrilgo Auzitegiak iruzur fiskala egotzita epaituko du.
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.