Epaileak Matoren inguruan esandakoarekin ados dago Torres-Dulce
Pablo Ruz Auzitegi Nazionaleko epaileak Gurtel auzian Ana Mato Osasun ministroa auzipetuen aulkira eramatea proposatu du. Jesus Sepulveda Pozueloko alkate ohi eta Matoren senarra izandakoak egindako delituetan parte hartzea egotzi dio Ruzek ministroari. Senarrak egin zituen delituei etekina atera ziela uste du epaileak. Eduardo Torres-Dulce Estatuko fiskal nagusia Ruzen iritziarekin ados azaldu da.
?Printzipioz, nahiz eta argibideetako epailearen autoa irakurtzeko aukerarik ez izan, irizpide horrekin ados gaude?, ziurtatu du Torres-Dulcek Kongresuko pasilloetan. Fiskalburuak Fiskaltzaren 2013ko Memoria aurkeztu du Ganberan.
Torres-Dulceren hitzetan, legez kanpoko jatorria duen oro itzuli beharko luke Matok erantzukizun zibila izan duela frogatzen baldin badute, nahiz eta delituan ez parte hartu.
Ministroa foruduna denez erregu-gutuna eskatzea beharrezkoa ote den galdetu diote kazetariek fiskalburuari. Beharrezkoa izango ez dela uste du fiskal nagusiak, kasu honetan forudunak erantzukizun penalik ez duelako.
?Erantzukizun penala dagoen kasuetan eragina du forudun izateak, baina erantzukizun zibilak ez du eraginik nahiz eta delitua izan?, azpimarratu du.
Kataluniako fiskal nagusiari, ?aurpegiratzeko ezer?
Bestalde, Jose Maria Romero de Tejada Kataluniako fiskal nagusiari ?aurpegiratzeko ezer? ez duela ziurtatu du Torres-Dulcek. Artur Mas Generalitateko presidentearen eta Kataluniako Gobernuaren beste arduradun batzuen aurka kereila aurkezteko orduan izandako eztabaida aztertu du fiskalburuak.
Kataluniako lankideek ?Ministerio Fiskalaren Estatutu Organikoa bete? zutela adierazi du Torres-Dulcek. ?Ondorioz, ez dut aurpegiratzeko ezer?, esan du.
Zure interesekoa izan daiteke
Podemos Euskadi: "Zein erraza den bizikidetzaz aritzea jauregi batetik egiten duzunean"
Podemos Euskadik Felipe VI.aren Gabonetako hitzaldia kritikatu du. Leticia Jimenezek azaldu duenez, elkarbizitzan oinarritu da hitzaldia, gehiengo sozialaren benetako arazoak alde batera utziz.
Euskadiko PPren ustez, Espainiako erregearen hitzaldia "lezio bikaina" da demokratentzat
Euskadiko Alderdi Popularreko idazkari nagusi Esther Martinezen ustez, Felipe VI.a Espainiako erregearen Gabon gaueko hitzaldia "lezio bikaina" izan zen demokratentzat, demokrazia eta askatasuna defendatzeko egindako deiagatik. "Herritarren erantzukizunari dei egiteko lezio baliotsua, askatasunean oinarritutako bizikidetzatik abiatuta, erronkak eraiki eta aurre egin ahal izateko", ziurtatu du.
EAJk faltan bota ditu diktadurari, euskal eta kataluniar nazioei eta euskarari buruzko aipamenak Erregearen diskurtsoan
Maribel Vaquero EAJk Kongresuan duen bozeramaileak Felipe VI.aren Gabonetako diskurtsoan hainbat hutsune somatu dituela esan du, besteak beste, frankismoaren amaierari eta diktadura eta Trantsizioko dokumentuak desklasifikatu beharrari buruzko erreferentzia esplizituagoa, baita euskal eta kataluniar nazioaren aitortza ere. Vaquerok ere deitoratu du Erregeak ez aipatzea euskararen erabilerari lotutako azken eraso eta eztabaidak, aurten garrantzi berezia izan dutenak.
Mazonek Feijoori bidalitako mezuak, Goidiaren egunean: "Hau hondamendi bat izango da, presi"
Carlos Mazon Valentziako Generalitateko presidente ohiak Alberto Núñez Feijoo popularren buruzagiarekin hitz egin zuen Goidiaren egunean, 20:08tik 23:29ra. Gauak aurrera egin ahala aitortu egin zion: "Hondamendi itzela izango da hau, presi".
Felipe VI.ak eztabaida politikoan tentsioak sortzen duen gogaitasunaz ohartarazi du eta elkarrizketa eskatu du elkarbizitza "hauskorra" babesteko
Gabonetako Mezua, bere erregealdiko laburrena, ezohiko formatuan eta tonu zuzenean egin du. Errege Jauregiko zutabe-aretotik, konfiantza-krisia, erakundeen eredugarritasuna eta herritarrak kezkatzen dituzten arazo nagusiak izan ditu hizpide.
Euskararen aurkako "oldarraldia marra gorri guztiak gainditzen" ari dela salatu du EH Bilduk
Euskalgintzaren Kontseiluak larunbat honetarako Bilbao Arenan antolatu duen ekitaldian parte hartzeko deia egin du koalizio subiranistak, "euskaltzaleen indar eta batasun erakustaldiarekin" bat egiteko.
Jon Insausti: "Politika ez da pankartetatik edo sare sozialetatik egiten"
Urriaren 29an hartu zuen Gipuzkoako hiriburuko aginte-makila, Eneko Goiak uko egin ostean, baina dio ez duela "minutu bat ere" galdu.
Ibarrola eta Garcia Adanero Iruñeko zinegotzien dimisioa eskatu dute, "diskurtso xenofoboak" egiteagatik
EH Bildu, Geroa Bai eta Contigo-Zurekin taldeek egindako dimisio eskaera babestuko du PSNk. Sexu-eraso bat leporatzen zitzaien gizonen eta Udal Gobernuaren aurka, "kontrastatu gabe eta zorroztasunik gabe, gezurrak eta faltsukeriak" zabaltzea leporatu diete Ibarrolari eta Garcia Adanerori.
Eusko Legebiltzarrak "eztabaidak errespetuz" egiteko deia egin du, De Andresi aipamen berezirik egin gabe
PPko presidenteak EH Bilduren "sarraskia" etorriko zela esan ondoren, koalizio abertzaleak babesa eskatu zion Legebiltzarreko Mahaiari baina honek ez dio zigorrik ezarri De Andresi.
Frankistek torturatutako Txomin Letamendiren oroimena gordetzearen alde mintzatu da Pradales
Imanol Pradales lehendakaria Txomin Letamendi gudariaren memoriaren alde mintzatu da astelehen honetan, frankismo garaian jasan zituen tortura basatien ondorioz hil zela 75 urte bete direnean.