Ana Mato Gurtel sarearekin aberastu zela uste du Ruz epaileak
Pablo Ruz Auzitegi Nazionaleko epaileak Gurtel auzian inputatutako ehundik gora lagunetako 43, Ana Mato Osasun ministroa tartean, auzipetuen aulkira eramatea proposatu du. Jesus Sepulveda Pozueloko alkate ohi eta Matoren senarra izandakoak egindako delituetan parte hartzea egotzi dio Ruzek ministroari. Senarrak egin zituen delituei etekina atera ziela uste du epaileak.
Gaur kaleratutako autoarekin, uztailaren 29an zabaldutako aparteko piezaren instrukzioa itxi du epaileak. 1999tik 2005era Gurtel auziarekin zerikusia izan dezaketenen auzipetzeak jasotzen dira lehendabiziko pieza horretan. Luis Barcenas PPko diruzain ohia da inputatu nagusienetakoa. Urtebete baino gehiago darama espetxeratuta.
Urrats horrekin, Ruz epaileak auzipetuen ahozko epaiketa abiarazteko bidea zabaldu du. Auziaren atal honetan, epaileak bertan behera utzi du Angel Acebes buruzagi popularraren inputazioa, eta Alderdi Popularra sarearen erantzule zibil modura mantentzea erabaki du.
Epailearen esanetan, Mato Gurtel sareak senarrari emandako opariekin aberastu zen. Horren ildotik, deliturik egotzi ez badio ere, ministroa erantzule zibil gisa epai dezakete.
Hain zuzen ere, Gurtel sareak 70 opari egin zizkien Mato-Sepulveda senar-emazteei 2000. eta 2004. urteen artean, ?zerbitzu turistikoak? gehienak, hau da, bidaiak (hegazkinez, trenez eta autoz) eta ostatuak.
43 inputatu
Autoaren arabera, Francisco Correa eta Pablo Crespo enpresaburuek sare ustel bat zuzendu zuten, eta horretan, besteak beste, Luis Barcenas, Alvaro Lapuerta eta Angel Sanchis PPko diruzain ohiek, Guillermo Ortega (Majadahonda) eta Jesus Sepulveda (Pozuelo de Alarcon) alkate ohiek, Jesus Merino senatari ohiak, Ricardo Galeote Esteponako zinegotzi ohiak eta Alberto Lopez Viejo Madrilgo Erkidegoko kontseilari ohiak ere hartu zuten parte.
Barcenasen jarduna beste atal batean ikertzen ari dira, baina, kasu honetan ere, PPren diruzain ohiak kontabilitate ezkutu bat kudeatu zuela esan du epaileak.
Kontabilitate ezkutu hori "kontabilitate ofizialetik kanpo zeuden dohaintzek eta ekarpenek osatzen zuten, eta hauteskunde kanpainak finantzatzera, alderdiarekin lotura zuten hainbat pertsonari soldata osagarriak ematera eta PPrentzako hainbat zerbitzu ordaintzera bideratzen bideratzen zuten".
Correaren sarearen espezializazioa PPren hauteskunde kanpainak eta ekitaldiak antolatzea zen, eta alderdi horretako arduradunekin zituzten hartu-emanez baliatzen zen, kontratu publikoak lortzeko.
PPko buruzagiekin izandako hartu-emanen ondorioz, gainera, sarearen jarduera Gaztela eta Leonera eta Madrilgo Erkidegora ere zabaldu zuten.
Zure interesekoa izan daiteke
Zupiria: “Istilu horietan bidegabeko biktima bat egon zen”
Zabarte auziaren harira, Bingen Zupiria Segurtasun sailburuak adierazi du auzitegiei dagokiela zer gertatu zen argitzea, eta familiak errekurritzeko eskubide osoa duela. Hala ere, argi du bidegabeko biktima bat egon zela istilu haietan.
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.