CiUk eta ERCk argi berdea aurrekontuei, negoziatzen jarraitzeko
CiUk eta ERCk argi berdea eman diote Kataluniako 2015eko Aurrekontuen lege-proiektuari, gainerako alderdiek aurkeztutako osoko zuzenketen kontra bozkatu baitute, eta orain tarte bat eman diote elkarri plebiszitu hauteskundeak deitzeko negoziazioetan sakontzeko.
Independentzia helburu izango luketen hauteskunde horien negoziazioak errazteko keinu berri horrekin batera, ERCk baztertu egin du neurri fiskalen, finantzarien eta administratiboen legearen kontrako osoko zuzenketa. Horrela, gainerako alderdi guztien oposizioa gainditu du Kataluniako Gobernuak.
Osoko zuzenketak CiUren eta ERCren 70 botoekin bota dituzte atzera, PSCren, PPCren, ICV-EUiAren, Ciutadansen eta CUPen aldeko 62 botoak ez baitira nahikoa izan aurrera eramateko.
Gaur eztabaidatu duten aurrekontuei laguntzeko legeari dagokionez, ERCk baztertu egin du azken unean horren kontra jarritako osoko zuzenketa, eta argi adierazi du zein den erabaki horren helburua: CiUrekin independentziari buruzko plebiszitu hauteskunde aurreratu batzuk deitzeko negoziazioak indartzea.
Hala eta guztiz ere, ERCk aurrekontuen atal guztien kontrako zuzenketak jarriko ditu batzordean, urtarrilaren 19tik 23ra, luzapena ezarri eta hauteskundeak aurreratu behar direla uste duelako.
Junqueras-Mas bilera
Oriol Junqueras ERCren buruzagiak iragarri du gaur edo bihar bilduko dela Artur Mas presidentearekin, eta aurrekontuen eta hauteskunde aurrerapenaren inguruko akordio batera iristea espero duela. Kazetariekin Parlamentuan izandako hizketaldi informal batean eman du horren berri.
Junquerasek uste du akordioa oso gertu dagoela, eta Parlamentuak ostiralean egingo duen urteko azken osoko bilkura aprobetxatuko dutela hitz egiteko.
Bi jarrera
Junquerasek aurrekontuen inguruko akordioa eta hauteskunde aurrerapena lotzen jarraitzen du, baina Masek berriro esan du bi gai desberdin direla.
Gainera, Junquerasek ez du zerrenda bateraturik nahi hauteskundeetan, nahiago du programan independentziari buruzko punturen bat konpartitu, baina Masek zerrenda bateratua nahi du, eta bertan gizarte zibila ere ordezkatuta egotea.
Egutegiarekin ere ez datoz bat: ERCren buruak berehala nahi du ituna, Eguberri aurretik, eta Masek ondoren egin nahi du.
Zure interesekoa izan daiteke
Podemos, IU eta Sumar koalizioan aurkeztuko dira Andaluziako hauteskundeetara
Alderdi progresistek Por Andalucía koalizioan aurkezteko akordioa lortu dute, Iniciativa del Pueblo Andaluz, Alternativa Republicana, Partido Verde eta Alianza Verde alderdiekin batera.
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.