42 urte eta erdiko zigorra eskatu dute Barcenasentzat
Ustelkeriaren Aurkako Fiskaltzak 42 urte eta erdiko espetxe-zigorra eskatu du Luis Barcenasentzat, Gürtel auziko lehenengo garaian izandako gertaerengatik, 1999 eta 2005 artean jazotakoarengatik, hain zuzen ere. Guztira 42 lagun inputatu dituzte auzian, Francisco Correa horien artean. 110 urteko zigorra eskatu du Fiskaltzak azken horrentzat.
512 orriko idatzia gaur aurkeztu dute Auzitegi Nazionalean. Fiskalak PPren eta Ana Mato Osasun ministro ohiaren kontrako inputazioari eusteko eskatu du, Gürtel auziko onuradun izan zirela iritzita. Gainera, Esperanza Aguirrek epaiketan lekuko gisa deklaratzeko eskaera egin du.
Alderdi Popularrari, erantzukizun zibila izateaz gain, Pozuelo de Alcorcon eta Majadahondako udaletan onurak dohainik eskuratu izana ere egozten dio Fiskaltzak, 328.440 euroko onurak, hain zuzen ere. Ana Matori, berriz, bere senar ohiari egindako oparien onuradun izana egozten dio. Ana Matoren senar ohia Jesus Sepulveda da, eta Pozuelo de Alcorconeko alkatea izan zen. Sepulveda ere auzian inputatuta dago.
Barcenas ez ezik, Angel Sanchis PPko diruzain ohia ere inputatu dute. Fiskaltzak 8 urteko espetxe-zigorra eskatu du Ogasunaren aurkako delituengatik, faltsutze-delituengatik eta zuriketagatik. Alvaro Lapuerta diruzain ohiarentzat 3 urteko zigorra eskatu du bidegabeko jabetzearengatik, eta Rosalia Iglesias Barcenasen emaztearentzat 24 urte eta hilabete bateko espetxe-zigorra.
Espetxe-zigorrik handiena Correarentzat eskatu dute Concha Sabadell eta Concha Nicolas epaileek. Bigarren zigor handiena Pablo Cresporentzat eskatu dute, 85 urte hain zuzen ere. Hirugarren zigor altuenaren eskaera Jose Luis Izquierdorentzat da, 43 urte eta 8 hilabete.
Auzian epaituko dituzte baita ere Majadahondako eta Pozuelo de Alcorconeko alkate ohiak. Guillermo Ortega Majadahondako alkate ohiarentzat 50 urte eta 10 hilabeteko zigorra eskatu du Fiskaltzak. Jesus Sepulveda Pozueloko alkate ohiarentzat, berriz, 15 urte eta 4 hilabeteko espetxe-zigorra eskatu du.
Alberto Lopez Viejo PPko Kiroletako sailburu ohia ere auzian inputatuta dago eta 46 urteko espetxe-zigorra eta Madrilgo Komunitateari 430.228 euro itzultzeko eskatu du Fiskaltzak.
Inputatu guztiei hainbat delitu egozten dizkiete, hala nola, zilegi ez den elkarketa, kapitalen zuriketa, Ogasun Publikoaren aurkako faltsutzea, funtzionario-eroskeria, bidegabeko eralgitzea eta bidegabeko jabetzea. Barcenasi eta haren emazteari, gainera, Suitzan zituzten kontuak justifikatzeko maula-prozesala ere egozten diote.
Gertaera hauengatik 25 arduradun zibil ere zehaztu ditu Fiskaltzak. Horien artean daude PP, Ana Mato eta hainbat enpresa.
Albiste gehiago politika
"Erdietsi dugun akordioarekin Euskal Herriko bake prozesua blindatu egin dugu"
Akordioa lortuta, espetxea saihestuko dute 2016 eta 2020 urteen artean 120 presoen ongietorriak antolatzeagatik Auzitegi Nazionalean auzipetutako 6 kideek.
Akordioa erdietsita, espetxea saihestuko dute presoen ongietorriak antolatzeagatik auzipetutako 6 kideek
2 urteko espetxea ezarri zaie, eta hainbat baldintza beteta, bertan behera geratuko da. Besteak beste, ezingo dute parte hartu biktimak umiliatzea eragin dezakeen ekitaldietan. Auzipetuek onartu egin dute antolatu zituzten ongietorriekin biktimei min egin zietela.
Abalosek adierazi du zabaldu diren grabazioetan ez duela bere ahotsa ezagutzen, eta Garciak ez deklaratzeko eskubidea baliatu du
Joan den astean, Maria Chivitek zuzendutako Gobernuak akusazio partikular gisa aurkeztea eskatu zuen. Magistratuak, ordea, atzera bota du Nafarroako Gobernuak galdegindakoa, ez baitu zehaztu zer egitatek ekarriko luketen hura kaltedun izatea.
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.