Pujolek berretsi du aitaren herentzia zela ezkutuan gordetako dirua
Jordi Pujol Kataluniako presidente ohiak Bartzelonako 31. zenbakiko epaitegian inputatu gisa deklaratu du gaur, bi orduz, iruzurra eta dirua zuritzearen delituengatik. Epaileak emaztea eta bikotearen hiru seme-alaba ere galdekatuko ditu, familiak atzerrian gordeta eduki zuen dirutza dela eta.
Pujol familiako bost kideak abenduan inputatu zituen Bartzelonako epaileak, hainbat alderdi politikok eta Manos Limpiasek aurkeztutako kereilaren harira. Uztailean, ustez Florenci aitak utzitako herentzia 30 urtez Andorrako banku batean gordeta izan zuela aitortu zuen Jordi Pujolek eta "egindako akatsagatik" barkamena eskatu zuen.
Kataluniako presidente ohiak epailearen aurrean adierazi duenez, atzerrian ezkutuan zuen dirutzak Florenci aitak utzitako 140 milioi pezetako ondarean du jatorria; eta herentzia hori gutun batzuek egiaztatzen dute, baina ez ditu erakutsi, auzitegiko iturriek jakitera eman dutenez.
Bi ordu eman ditu Jordi Pujolek epailearen aurrean. Eguerdiko 12:30ean, bere emaztearekin atera da epaitegitik. Marta Ferrusolak ez du deklaratu nahi izan. Segidan, bikotearen hiru-seme alabak galdekatuko ditu epaileak.
Epaitegitik irtetean, kazetarien galderei erantzuteari uko egin dio Kataluniako presidente ohiak: "Esan beharrekoak zegokion tokian esan ditut", esatera mugatu da.
Auzipetutako Pujolen hiru seme-alabek ere deklaratu dute epailearen aurrean. Azaldu dutenez, herentzia jaso zutenean (62na milioi euro) Florenci aitonak utzitako dirua zela esan zieten, aitaren lan politikoagatik dirurik gabe geratzearen beldur zela eta horregatik utzi nahi izan ziela dirua.
Epaitegira, irainen artean
Pujolen deklarazioak ikusmin handia sortu du eta goizean goizetik kazetari eta argazkilari ugari izan dira Bartzelonako epaitegi aurrean, Pujol sendia noiz helduko. 10:00etarako minutu batzuk falta zirela heldu dira presidente ohia eta Marta Ferrusola emaztea epaitegira, poliziak babestuta.
Inguruan zeuden justizia funtzionarioek eta herritarrek irainak bota dituzte bikotearen kontra, eta manifestari batek "Pujol familia, zoazte pikutara" zioen kartela erakutsi du.
"Ez dute ziurtagiririk aurkeztu"
Inputazioa bertan behera uztea eskatuz defentsak egindako eskaera arbuiatu du berriki epaileak. Orduko hartan argudiatu zuenez, inputatuek "funtsen inguruko azalpen eskasak eman dituzte eta ez dute dirutzarekin 30 urtez egindako operazioen nondik norakoen ziurtagiririk aurkeztu".
Epailearen ustez, ez dago esaterik dirutza "Generalitateak eskuratutako zerbitzu eta lanengatik legez kanpoko komisioetatik datorrenik" eta Florenci aitaren herentziaren ingurukoak bakarrik dira ikertu beharrekoak.
"Orain arte emandako azalpenak osatugabeak eta kontraesankorrak dira. Florenci Pujol hil zen unean diru-funtsa zenbatekoa zen zehaztu beharra dago, baita 2014ko uztailean erregularizatu zuten dirutza zenbat zen ere", azaldu zuen epaileak autoan.
Zure interesekoa izan daiteke
Gerra Zibileko bi gudulariren gorpuzkiak berreskuratu dituzte Saibigainen, Abadiñon
Igande honetako lanetan, beste bi gudulariren gorpuzkiak atera dituzte lurpetik Saibigainen, Abadiñon. 2023tik, 5 pertsonaren gorpuzkiak aurkitu dituzte bertan.
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" jarri ostean
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek, eta jada sendagiria eman diotela. Ostiralean, Alberto Gonzalez Amador Ayusoren bikotekidea auzitara eramango dutela zabaldu zen. Madrilgo Auzitegiak iruzur fiskala egotzita epaituko du.
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.