Pujol auzitik aldendu, eta soilik familiaren kontua dela esan du Masek
Artur Mas Kataluniako presidenteak esan du Jordi Pujol presidente ohiaren auzia "pertsonala" dela soilik, eta ez doala familiatik "harago". Horregatik, argi adierazi nahi izan du auziak ez diela berari, Generalitateari eta CDCri eragiten; eta ITVen aferan Kataluniako Gobernuak "zuzen eta garbi" jokatu duela azpimarratu du.
Masek Pujol auziaren harira Parlamentuan sortu den batzordean agerraldia egin du. Bertan, zerga iruzurra eta ihesa eta ustelkeria politikoa argitzeko ikerketa batzordean hitz egin du.
Masek berretsi du uztailaren 25ean izan zuela Pujolek atzerrian zuen ondarearen berri, hau da, presidente ohiak publiko egin zuenean; eta azaldu duenez, ez zen informazioa hedabideei ematearen kontra agertu. Izan ere, informazioa arratsaldean zabaltzea eskatu omen zuen soilik, CDCk goizean bilera zuelako Oriol Pujolen ordezkoa aukeratzeko.
"Familia barruko auzia soilik"
Presidente batek Parlamentuko ikerketa batzorde batean egin duen lehenengo agerraldian, Masek berretsi du Pujolen afera "familiari soilik" dagokiola, eta ez doala "harago".
"Ez du CDCrekin, CiUrekin, Kataluniako Gobernuarekin eta nirekin zerikusirik", adierazi du.
Hala, errefusatu egin ditu Pujolen atzerriko ondarearen eta CiUren gobernuen irregulartasunen artean egin diren loturak.
Masek azaldu duenez, uztailaren 25ean, goizeko zortzietan, jakinarazi zion Jordi Pujol presidente ohiak, CDCren egoitzan, atzerrian ondarea zuela.
Bilera horretan, Mas ez omen zen informazioa publiko egitearen kontra agertu, baina arratsaldean egin zezala eskatu zion, goizean Josep Rull CDCren koordinatzaile nagusi izendatzeko bilera egin zutelako, Oriol Pujolek, ITVren auziagatik inputatu ostean, kargua utzi zuelako.
ITV
ITVen iruzur sareari dagokionez, Masek esan du "harro" defenda dezakeela Kataluniako Gobernuaren jokabidea auzi horretan, "erabat zuzena eta garbia" izan delako. Horren harira, deslokalizaziorik ez dela izan eta lanpostuei eusteko "birlokalizazioak" izan direla zehaztu du.
Generalitatearen presidenteak gaineratu du Kataluniako Gobernuak "sekula ez" ziela jaramonik egin ITVen auziarekin lotutako enpresen "ustezko eraginari", eta "inor Gobernuari eragiten saiatu bazen" ez zuela lortu azpimarratu du.
"Inoiz ez" du dirurik eduki atzerrian
Miquel Iceta PSCren ordezkariari erantzunez, Masek esan du berak eta bere emazteak ez dutela sekula konturik eduki "Kataluniatik kanpo", eta ez zuela "zentimo bat bera ere jaso" aitaren herentziatik.
Buruzagi sozialistaren arabera, Kataluniako presidentearen adierazpenek iritzi publikoa "lasaitzeko" behar dute izan, "ustelkeriaren itzala" erabat desagerrarazteko, horrelako kasuek Generalitatearen "sinesgarritasunari kalte" egin diezaioketelako.
Masek aitortu du bere aitak auzibide judiziala izan zuela duela urte batzuk atzerriko kontu baten harira, baina gero artxibatu egin zela auzia.
Generalitatearen presidenteak esan du aita hil zenean zerga guztiak ordaindu zituztela eta ez zuela "zentimo bakar bat ere jaso" herentziatik.
Bestalde, Masek ez du ezkutatu Pujol bere aita politikoa dela, eta kontrakoa esatea "zitala" litzakeela. Horren harira, Pujolek "gauza positibo asko" egin zituela, baina iruzurraren berri izan zuenean "atsekabea handia" izan zela aipatu du.
Kataluniako Zerga Agentziak izapideak abiatu zituen
Bestalde, Kataluniako presidenteak gogorarazi du Kataluniako Zerga Agentziak izapideak abiatu zituela Pujolek atzerrian ezkutuko ondarea zuela aitortu zuenean, baina ez ditu ikerketaren inguruko azalpenak eman, legez kontrakoa delako.
Zure interesekoa izan daiteke
PSOE bat dator Felipe VI .ak elkarbizitzarako egindako deiarekin, estremismoen mehatxuaren aurrean
Cristina Narbona PSOEko presidenteak bat egin du Espainiako erregeak Gabonetako mezuan egindako "administrazio publikoen eta alderdi politikoen erantzunkidetasunerako deiarekin", eta bere alderdiak bere ekintzetan "eredugarritasunik handiena bermatzeko lan egiteko" konpromisoa agertu du.
Podemos Euskadi: "Zein erraza den bizikidetzaz aritzea jauregi batetik egiten duzunean"
Podemos Euskadik Felipe VI.aren Gabonetako hitzaldia kritikatu du. Leticia Jimenezek azaldu duenez, elkarbizitzan oinarritu da hitzaldia, gehiengo sozialaren benetako arazoak alde batera utziz.
Euskadiko PPren ustez, Espainiako erregearen hitzaldia "lezio bikaina" da demokratentzat
Euskadiko Alderdi Popularreko idazkari nagusi Esther Martinezen ustez, Felipe VI.a Espainiako erregearen Gabon gaueko hitzaldia "lezio bikaina" izan zen demokratentzat, demokrazia eta askatasuna defendatzeko egindako deiagatik. "Herritarren erantzukizunari dei egiteko lezio baliotsua, askatasunean oinarritutako bizikidetzatik abiatuta, erronkak eraiki eta aurre egin ahal izateko", ziurtatu du.
EAJk faltan bota ditu diktadurari, euskal eta kataluniar nazioei eta euskarari buruzko aipamenak Erregearen diskurtsoan
Maribel Vaquero EAJk Kongresuan duen bozeramaileak Felipe VI.aren Gabonetako diskurtsoan hainbat hutsune somatu dituela esan du, besteak beste, frankismoaren amaierari eta diktadura eta Trantsizioko dokumentuak desklasifikatu beharrari buruzko erreferentzia esplizituagoa, baita euskal eta kataluniar nazioaren aitortza ere. Vaquerok ere deitoratu du Erregeak ez aipatzea euskararen erabilerari lotutako azken eraso eta eztabaidak, aurten garrantzi berezia izan dutenak.
Mazonek Feijoori bidalitako mezuak, Goidiaren egunean: "Hau hondamendi bat izango da, presi"
Carlos Mazon Valentziako Generalitateko presidente ohiak Alberto Núñez Feijoo popularren buruzagiarekin hitz egin zuen Goidiaren egunean, 20:08tik 23:29ra. Gauak aurrera egin ahala aitortu egin zion: "Hondamendi itzela izango da hau, presi".
Felipe VI.ak eztabaida politikoan tentsioak sortzen duen gogaitasunaz ohartarazi du eta elkarrizketa eskatu du elkarbizitza "hauskorra" babesteko
Gabonetako Mezua, bere erregealdiko laburrena, ezohiko formatuan eta tonu zuzenean egin du. Errege Jauregiko zutabe-aretotik, konfiantza-krisia, erakundeen eredugarritasuna eta herritarrak kezkatzen dituzten arazo nagusiak izan ditu hizpide.
Euskararen aurkako "oldarraldia marra gorri guztiak gainditzen" ari dela salatu du EH Bilduk
Euskalgintzaren Kontseiluak larunbat honetarako Bilbao Arenan antolatu duen ekitaldian parte hartzeko deia egin du koalizio subiranistak, "euskaltzaleen indar eta batasun erakustaldiarekin" bat egiteko.
Jon Insausti: "Politika ez da pankartetatik edo sare sozialetatik egiten"
Urriaren 29an hartu zuen Gipuzkoako hiriburuko aginte-makila, Eneko Goiak uko egin ostean, baina dio ez duela "minutu bat ere" galdu.
Ibarrola eta Garcia Adanero Iruñeko zinegotzien dimisioa eskatu dute, "diskurtso xenofoboak" egiteagatik
EH Bildu, Geroa Bai eta Contigo-Zurekin taldeek egindako dimisio eskaera babestuko du PSNk. Sexu-eraso bat leporatzen zitzaien gizonen eta Udal Gobernuaren aurka, "kontrastatu gabe eta zorroztasunik gabe, gezurrak eta faltsukeriak" zabaltzea leporatu diete Ibarrolari eta Garcia Adanerori.
Eusko Legebiltzarrak "eztabaidak errespetuz" egiteko deia egin du, De Andresi aipamen berezirik egin gabe
PPko presidenteak EH Bilduren "sarraskia" etorriko zela esan ondoren, koalizio abertzaleak babesa eskatu zion Legebiltzarreko Mahaiari baina honek ez dio zigorrik ezarri De Andresi.