Urkulluk eta Roussetek AHTaren aldeko apustua berretsi dute
Iñigo Urkullu lehendakariak eta Alain Rousset Akitaniako presidenteak Abiadura Handiko Trenaren alde egin dute Busturiako Madariaga dorretxean egindako bileraren ondotik.
Azpiegitura honekiko konpromisoa berretsi dute biek, Europako garraio sarerako ez ezik, Euskadik eta Akitaniak osatzen duten eskualdearentzat ere estrategikoa dela iritzita.
Lehendakariak, horrenbestez, dei egin die Abiadura Handiko Trena eraikitzeko lanekin zerikusia duten erakundeei, epeak bete ditzaten.
Bestalde, langabeziaz ere mintzatu da Iñigo Urkullu. Martxoko datuak ez direla pozgarriak, baina itxaropen izpiak sendo jarraitzen duela azpimarratu du, urtez urteko bilakaera ikusita, langabeen kopuruak behera egin duelako eta Gizarte Segurantzan izena eman dutenen kopuruak, berriz, gora.
Akitania-Euskadi euroeskualdeak, Iñigo Urkullu Eusko Jaurlaritzako lehendakaria egun presidente duela, 2015eko Batzar Nagusia egin du gaur Busturian (Bizkaia), Madariaga dorretxean.
Lehendakariarekin batera, besteak beste, Cristina Uriarte Eusko Jaurlaritzako Hezkuntza, Hizkuntza Politika eta Kultura sailburua, Ana Oregi Ingurumen eta Lurralde Politikako sailburua eta Marian Elorza Kanpo Harremanetarako idazkari nagusia izan dira bileran.
Halaber, Akitaniako Eskualde Kontseiluaren izenean, besteak beste, François Maitia presidenteordea, Mathieu Bergé Garraio kontseilaria eta Eric Guilloteau Enplegua eta Ekonomia Garatzeko kontseilaria egon dira bertan.
Albiste gehiago politika
Chivitek bere Gobernuaren jarduna "zuzena" eta "gardena" dela defendatu du
Legealdiko lehen bi urteen balantzea egiteko agerraldian, Maria Chivite Nafarroako presidenteak irmo defendatu du bere Exekutiboak egindako lana. "Gobernu zuzena, gardena eta etikarekin konpromiso handia duena". Hitzok erabili ditu, lantaldea defendatzeko. "Hemen ez dago ez ustelkeriarik".
Salvador Illa Puigdemontekin bilduko da bihar Bruselan
Salvador Illa Generalitateko presidentearen hitzetan, "bada garaia" erakusteko "demokraziaren motorra elkarrizketa" dela.
Estebanek ez du baztertu urtea amaitu aurretik estatus berriari buruzko akordioa lortzea
Radio Euskadin egindako elkarrizketan, Aitor Esteban EAJren presidenteak aurreratu du "pausoren bat" eman daitekeela estatus berriari buruzko negoziazioan 2025. urtea amaitu baino lehen. Halere, aitortu du hurrengo hilabeteetan erritmoa "dezente bizkortu" beharko dutela, ezer lortu nahi bada.
Pedro Sanchezek gaur emango dio hasiera urte politikoari, aldaketa klimatikoa ardatz izango duen bilera batekin
Ekitaldia eguerdian izango da, Trantsizio Ekologikorako eta Erronka Demografikorako Ministerioan, eta helburua akordio bat bultzatzea da, suteei, beroaldiei eta klima-aldaketak eragindako gainerako erronkei erantzun koordinatu eta iraunkorra emateko.
Arazoei aurre egin beharrean errua beti besteei botatzea leporatu dio Feijook Espainiako Gobernuari
Alberto Nuñez Feijoo buruzagi popularrak Pedro Sanchezen Gobernuaren aurka egin du berriro ere, PPk Galizian egin duen ikasturte politikoaren hasiera ekitaldian. Espainiako Gobernuak suteen aurrean izan duen papera kritikatu du Feijook eta Estatu ituna egiteko aukera ukatu du.
Pintaketak egin dituzte Voxen Gasteizko egoitzan
Alderdi ultraeskuindarraren izena estaltzeko pegatinak jarri dituzte, kartelari txistu egin diote, "Afíliate" mezua zirriborratu dute eta "Gora ETA" idatzi dute egoitzaren atarian.
Gogor jo du Estebanek oposizioko taldeen kontra eta, horien aurrean, EAJren proiektua eta egiteko modua babestu du
Zarautzen ikasturte politikoa irekitzeko ekitaldian, EBBko presidenteak PPri irain eta gezurretan lokaztuta dagoela esan dio, PSOEri botereari itsatsita egotea leporatu dio, eta EH Bilduri eraiki baino gehiago oztopatzea. Autogobernuaren eta proiektu sendoen alde egin du, EAJ horien berme dela ziurtatuz.
Arantza Arruti militante abertzale eta feminista hil da, 79 urte zituela
ETAko lehen emakume liberatuetako bat izan zen, baita atxilotu zuten aurrenekoa ere. Politikagintzan aritutakoa da, eta hainbat talde feminista sortzeko prozesuetan parte hartu zuen.
EAJk bilera egin du Getarian, Zarautzen urte politikoari hasiera eman aurretik
Kurtso politiko berriko lehen bilera izan du jeltzaleen zuzendaritzak. Arratsaldean, berriz, urtero bezala, Zarautzen egingo du Euzko Alderdi Jeltzaleak urte politiko berria irekitzeko ekitaldia.
EH Bildu Eusko Jaurlaritzarekin akordioak lortzeko prest dago, "politika publikoak aldatzeko" bada
Arnaldo Otegi koalizioko idazkari nagusiak nabarmendu du EH Bildu akordioak lortzeko borondatearekin joango dela lehendakariak iragarritako bilera-sortara, baina gauzak aldatzeko politika publikoak aldatu behar direla erantsi du. Balizko estatus politiko berriari dagokionez, Otegik adierazi du Espainiak Euskal Herria nazio gisa aitortzea izan behar dela abiapuntua.