AHTa gelditzea edo ohiko tren bihurtzea aholkatu du aditu batek
David Hoyos Ekonomia irakasle eta ikertzaileak Abiadura Handiko Trenaren (AHT) lanekin aurrera jarraitu ala ez aztertzeko deia egin du eta, aurrera jarraitzea erabakiz gero, ohiko tren bihurtzea aholkatu du.
Hoyosek Eusko Legebiltzarreko Ingurugiro batzordean egin du gaur agerraldia, German Bel i Queralt Ekonomia irakasle eta ikertzailearekin batera. Abiadura handiko trenbide sareen ingurugiro, ekonomia eta gizarte errentagarritasunaz iritzia eman dute biek.
Hoyosek azpimarratu du Espainiako Estatuan martxan dauden ibilbideetatik bat bera ere ez dela sozialki errentagarria, eta EAEkoa ere ez dela izango ohartarazi du. Bere ustez, "Euskal Y" ez da baliagarria izango trafikoa arintzeko eta, gainera, ohiko trenari bidaiariak kenduko dizkio.
Hoyosek argi adierazi du abiadura handiko trena ez dela "alternatiba berdea", eta negozio bidaietarako dagoela diseinatuta; hau da, herritar gehienek ezingo diotela aurre egin bidaia-txartelaren prezioari.
"Negozioaren ikuspuntutik, 'Euskal Y' ez zen egin behar, baina erdibidean gaude. Galdera orain ez da euskal gizarteak zenbat irabaziko duen horren erabilerarekin, baizik eta zenbat galtzeko prest dagoen", azpimarratu du Hoyosek, Frantziarekiko eta Espainiarekiko loturak oraindik ez daudela bermatuta gogorarazi aurretik.
Haren esanetan, proiektua berraztertzeko "astia" dago. Horren harira, erakundeei lanak bertan behera uzteko aukera aztertzea aholkatu die. Aurrera jarraitzea erabakiz gero, ohiko tren bihurtzea eta tarteko geltokiak jartzea proposatu du.
Adifen asmoa hori izan daitekeela uste du, Espainiako Gobernuak ibilbideen iraupena nabarmen luzatu ostean. Izan ere, Madrilek esan du Bilbotik Gasteizera joateko 43 minutu beharko direla (hasieran 28 minutuan egin nahi zuten), eta 55 beharko direla Donostiatik EAEko beste bi hiriburuetara joateko (lehen Gasteiza 34 minutu eta Bilbora 38 minutu).
"Joan-etorri bakoitzari 20 minutu gehitzeak atzean uzten ditu denbora aurrezteko aukera eta finantza eta gizarte errentagarritasuna", berretsi du Hoyosek. Gainera, adituak kalkulatu du 25 euroko bidaia txartelak jarri beharko liratekeela "sozialki bideragarria" izateko.
Bestalde, German Bel i Queraltek abiadura handiko trenak munduan duen errentagarritasunari buruzko gogoeta egin du, eta eskaintzan Espainiako Estatua "buru" dela, baina eskarian "atzean" geratzen dela jakinarazi du. Errentagarritasun ekonomikoari dagokionez, "inbertsioaren euro bat bera ere ez" dela berreskuratzen eta "gainkostua itzela" izan dela adierazi du.
Munduan bi ibilbide bakarrik omen dira errentagarriak, bat Japonian eta beste bat Frantziako Estatuan. Lehenengoak 150 milioi bidaiari ditu urtean, eta bigarrenak 25 milioi, eta Espainiako Estatuko sare guztiak 28 milioi erabiltzaile ditu urtean.
Zure interesekoa izan daiteke
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Herri Urratsek Senpere bete du Seaskako ikastolen alde
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa da nagusi goizetik arratsera, baina aldarrikapenak ere presentzia nabarmena du.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.