Gure Esku Dagok San Mames betetzeko deia egin du iganderako
Gure Esku Dago plataforma herritarrak esan du datorren igandea "etorkizunari begiratzeko eguna" izango dela, "erabakitzeko eskubidearen aldeko eguna, aldarrikapenetik jarduerara pasatzeko jauzia emateko, hautetsontzitik erabakitzera". Era berean, parte hartzeko deia egin die herritarrei, Bilboko kaleak eta San Mames "leporaino betetzeko".
Gure Esku Dagoren ordezkariek agerraldia egin dute San Mameseko prentsa aretoan, Kepa Junkera trikitilariarekin, Jose Angel Iribar Athletiken atezain ohiarekin, eta beste pertsonaia ezagun batzuekin batera.
Ibon Altunak adierazi duenez, "jendea dantzan jarriko dute musikarekin, emozioz txaloka eta kantuan, herri bat eskutik helduta aurrera egiten ikusteak ematen duen zoriontasunarekin".
Plataformak esan du iritsi dela "denok espero genuen unea: San Mames beteta ikustea erabakitzeko eskubidearen alde, jai giroko ekitaldi parte-hartzaile batean, emozioz gainezka". Jaian parte hartuko dute, Junkeraz eta Iribarrez gain, Reyes Pradosek, Ana Urrutiak, Ainhoa Vitoriak eta Ohian Vegak, besteak beste.
"Gure Esku Dago dinamika bereizten duen ilusioarekin eta azken bi urteotan erabakitzeko gogoak eman digun batasunarekin", parte hartzeko deia egin die "herritarrei, protagonista izan daitezen beste behin ere". "Kaleak eta San Mames jendez lepo bete nahi ditugu, gutako bakoitzaren borondatearekin eta konpromisoarekin", gaineratu du.
Egitaraua
Igandeko egitaraua eguerdian hasiko da, Euskalduna Zubiaren eta Areatzaren artean egingo duten ehun katearekin. 16:30ean irekiko dituzte San Mameseko ateak, eta 17:30ean hasiko da bertan ekitaldi nagusia.
Albiste gehiago politika
Abalosek eta Koldok Gorenean deklaratuko dute gaur, ustez obra publikoetan eskupekoak kobratzeagatik
Auzitegi Goreneko epaileak Jose Luis Abalos ministro ohia eta Koldo Garcia aholkulari ohia galdekatu ditu Garraio ministro izan zen garaian obra publikoaren ustezko esleipen irregularren auzian. Ikerketak funtzionario-eroskeria, antolakuntza kriminala eta influentzia-trafikoa delituak izan daitezkeela dio, eta kautelazko neurri berriak ekar litzakeela.
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.