100 euskal ordezkari baino gehiago, Gure Esku Dagoren ekitaldiekin bat
Politika arloko, sindikatuetako kirol munduko, kulturako eta kazetaritzako, besteak beste, hainbat ordezkarik bat egin dute Gure Esku Dagok datorren larunbaterako, ekainak 21, deitutako ekitaldiekin, erabakitzeko eskubidearen alde. Bestak beste, Carlos Garaikotxea lehendakaria (EA), Tasio Erkizia (ezker abertzalea), Xabier Arzallus (EAJ), Patxi Zabaleta (Aralaar), Gemma Zabaleta eta LAB, ELA, STEE-EILAS, CCOO eta ENHE sindikatuetako ordezkariak dira.
Gaurko, igandea, ekitaldia Eureka! Zientziaren Donostiako Museoan egin dute eta, bertan, kamiseta laranjak soinean zeramatzaten ehun lagun baino gehiago izan dira. Kamisetetan 'Gaur hautesontzia, bihar erabakia' irakur daiteke, ondoan boto-kutxa baten irudia duela.
Besteak beste, Xabier Arzallus (EAJ), Carlos Garaikoetxea (EA), Tasio Erkizia (esker abertzalea), Patxi Zabaleta (Aralar), Gemma Zabaleta, Jone Goirizelaia, eta Maria Eugenia Arrizabalaga (EAJ) Gipuzkoako Batzar Nagusien bozeramalea izan dira. Gainera, Ainhoa Etxaide (LAB), Unzalu Salterain (EHNE), Amaia Muñoa (ELA) eta Jokin Cruz (CCOO) ordezkari sindikalek ere.
Gainera, Martxelo Otamendi Berria egunkariaren zuzendaria, Iñigo Iruin eta Jone Goirizelaia abokatuak, Amets Arzallus bertsolaria, Juanito Oiartzabal mendizalea, Joserra Senperena musikaria, Paul Rios desegin berri den Lokarriren burua, Paul Bilbao Kontseiluaren idazkari nagusia parte-hartzaile izan dira gaurkoan.
Arzallus eta Erkizia solasean, ekitaldia hasi aurretik. Irudia: @GureEskuDago
Halaber, bat egin ezin izan duten zenbait pertsonaiak ere babesa agertu dute beste bideak erabilita, esaterako, Juan Jose Ibarretxe lehendakariak bideo bat igorri die hedabideei eta, bertan adierazi duenez, "alderdien gainetik", garrantzitsua da "Euskal Herria, euskal kultura, gure hizkuntza" eta ekainaren 21eko ekitaldietan parte hartzeko deia luzatu du.
Horrez gain, Ilaski Serrano kazetariak, Gure Esku Dagoren izenean, Iban Thiope irakasleak, Roberto Martinez kirolariak eta Xabier Irujo Nevadako Unibertsitateko Euskal Ikerketen zuzendariak hitzaldi bat irakurri dute euskaraz, frantsesez, gaztelaniaz eta ingelesez. Bertan, ekainaren 21eko ekitaldiekin bat egitea eskatu eta, azpimarratu dutenez, "denoi dagokigu erabakia bermatuko duen boto-kutxa eratzea" eta hori "gure esku dago".
Mezuak irakurri eta gero, bertaratutakoak kazetarien aurrean agertu dira datorren asteburuko ekitaldietarako sarrerak eskuan dituztela eta txalo zaparrada batek ekitaldia amaitutzat eman du.
Zabaleta eta Goirizelaia, elkarrekin. Iturria: @GureEskuDago
Zure interesekoa izan daiteke
Ertzaintzako sindikatuek agenteen aurkako erasoak gaitzetsi dituzte, bitarteko gehiago eskatuz
ErNE, Euspel eta Sipe sindikatuek salatu dutenez, polizia bati eraso egitea ezin da "normal" bihurtu. Hortaz, "babes instituzionala" eta lantaldea indartzea eskatu dute.
Bilboko aireportuak ausazko kontrolak egiten dizkie Italiatik datozen bidaiariei, gorabeherarik gabe
Neurria larunbat honetan aktibatu da, eta irailaren 7ra arte iraungo du, Italiako Gobernuak Espainiatik datozen bidaiarientzako Schengen eremua bertan behera uzteko dekretuari erantzuteko.
Italiatik datozen bidaiarien kontrol aleatorioak egiten jarraitzen dute Bilbon
Larunbat goizean ezarri dituzte kontrolak Bilbon, Malagan, Sevillan, Alacanten, Valentzian, Balearretan eta Kanarietan. Madrilgo eta Bartzelonako aireportuetan, aldiz, ordu batzuk lehenago hasi ziren ausazko kontrolak egiten.
Vivasek Ceutako mugaren kontrola indartzeko eta gutxienez 1.000 agente izateko eskatu du
Polizia Nazionaleko eta Guardia Zibileko indarrak nabarmen handitzeko eta uztailaren 30eko sarrera masiboa berriro ez gertatzeko neurriak hartzeko eskatu dio Ceutako presidenteak Espainiako Gobernuari.
30 urteko kartzela-zigorra eskatu dute ETAko bost buruzagi ohirentzat Gregorio Ordoñez hiltzeagatik
Akusatuek ETAko buruzagitza osatzen zuten, eta 1995eko urtarrilean Donostiako PPko zinegotzia hiltzea erabaki zuten, Fiskaltzaren idazkiaren arabera.
Elkarrekin Donostia afari solidarioen debekua helegite bidez auzitan jartzea aztertzen ari da
Araua neurrigabea dela eta zalantzazko oinarri juridikoak dituela uste du koalizioak. EH Bilduk, berriz, Kaleko Afari Solidarioak plataformako boluntarioen aurkako "jazarpena" salatu eta debekua bertan behera uzteko eskatu du.
Robles, Marlaska, Bolaños eta Albares Kongresuan agertuko dira abuztuaren amaieran, Ceutako migrazio-krisia dela eta
Espainiako Gobernuak lau ministroen ezohiko agerraldiak eskatu ditu, uztailaren 30ean Ceutan hasitako migrazio-krisiaren kudeaketaren berri emateko.
EAE adingabe migratzaileak hartzeko Estatuak ezarritako kupoaren gainetik dago, eta Nafarroa, berriz, azpitik
Arabak, Bizkaiak eta Gipuzkoak 843 adingabe atzerritar artatzen dituzte egun, berez dagokiona baino 65 gehiago. Aldiz, azken datuen arabera, Foru Erkidegoa bere gaitasunaren % 30 inguruan dago.
Ceutako migrazio krisiaren aurretik alertak jaso zituen ala ez galdetu dio epaileak Guardia Zibilari
Iustitia Europak jarritako salaketaren ondorioz abiarazi ditu izapideak Auzitegi Nazionalak, eta bizi direnen eta hildakoen kokapenari buruzko informazioa eskatu du.
Melgosa: "Estatuaren lehen betebeharra da adingabeak familiekin itzultzeko bideak agortzea"
Eusko Jaurlaritzako Berdintasun, Justizia eta Gizarte Eskubideetako sailburuak nabarmendu du ez zaiola "zentzuzkoa iruditzen lehen erantzuna (Espainiako Gobernuarena) adingabe horiek (Ceutan daudenak) beren familietatik urrun, milaka kilometrotara, eramatea".