Barkos: 'Ez gara bat etorriko PPrekin Konstituzioaren erreforman'
Uxue Barkos Nafarroako Gobernuko presidenteak adierazi duenez, "politikoki logikoa" da Rafael Catalá Espainiako Justizia ministroak Konstituzioa zenbait arlotan erreformatu nahi izatea, hala nola Estatuaren eta erkidegoen eskuduntzak zehazteko.
Nolanahi ere, balizko erreformari heltzeko orduan, Espainiako Gobernuarekin ?desadostasunak? izango dituztela aurreikusi du.
Administrazioaren sindikatuekin bildu baino lehen egin ditu adierazpenok, kazetarien aurrean.
Bestalde, Pedro Azpiazu EAJko diputatuak aitortu egin du alderdi jeltzalea ?kezkatuta? dagoela erreforma iragarpenekin. Izan ere, PPren Gobernuak ?hainbat eskuduntza urratu ditu eta atzera egin nahi izan du eredu autonomikoan?. Horrenbestez, balizko proposamenekin ados egongo ez daudela uste du.
Radio Euskadin egindako elkarrizketa batean, EAJk baldintza bat jarri duela azaldu du diputatuak: "Euskadi nazioa dela eta gure etorkizuna erabakitzeko eskubidea dugula aitortzea".
Sozialistei dagokionez, PSE-EEren Eusko Legebiltzarreko bozeramaile José Antonio Pastorri "arinkeria hutsa" iruditu zaio Rafael Catalá Justizia ministroak konstituzio-erreformaren pareko eztabaida garrantzitsua zehaztu gabeko adierazpen batzuekin ireki nahi izatea. Ildo horretatik, PPri "estatu sena" izan dezala eskatu dio, Diputatuen Kongresuan erreformari seriotasunez heltzeko.
Amaiurretik, Iker Urbina diputatuak Catalaren adierazpenak "PP eta Gobernua murgilduta dauden zentralizatze-prozesuaren" adibide bat direla esan du gaur, eta Katalunian eta Euskal Herrian bizi den egoera politikoari erantzuteko era.
"Gure aburuz, Estatuak aldaketa askoz sakonagoak behar ditu; benetako etendura demokratikoa behar du, gaur egun dagoen demokrazia gabeziari aurre egiteko, eta ez Catalak planteatzen duen makillaje soila", azpimarratu du.
Azkenik, PPren Eusko Legebiltzarreko bozeramaile Borja Semperrek azpimarratu du Konstituzioaren erreforma ez dagoela PPren alderdiaren berehalako agendan, eta Justizia ministroak esan zituenak "ahoz goran egindako gogoetak" besterik ez direla.
Zure interesekoa izan daiteke
Mendozaren eta Asensioren arteko ika-mika gogorra, Ayesa afera dela eta
Ayesa operazioaren inguruko ikuspuntu ezberdinek lehertu dute xextra Gipuzkoako Aldundiko bazkideen artean. Jose Ignacio Asensio PSE-EEko kideak "lidergo falta" egotzi die Eider Mendoza Gipuzkoako diputatu nagusi eta Jon Insausti Donostiako alkate jeltzaleei. Mendozak "desleialtasuna" leporatu dio Jasangarritasuneko diputatuari.
Ciriza, Belateko tunelen lanen esleipenari buruz: "Ez nuen ezer ikusi"
Santos Cerdanek ezer agindu zionik ukatu du, eta lanen esleipena erabat legezkoa izan zela ziurtatu du. Bere hitzetan, ez zen egon inolako esku-hartze politikorik.
Adamuzeko eta Gelidako istripuetan gertatutakoa "erabat" argitzeko konpromisoa hartu du Puentek
Garraio eta Mugikortasun Iraunkorreko ministroak barkamena eskatu die Rodaliesen zerbitzuaren erabiltzaileei eta zerbitzuaren egoera azaldu du.
Burujabetza eta XXI. mendeko nazioa aztertuko ditu Gure Eskuk bigarren konferentzia subiranistan
Iaz Irunen egin zuen lehen konferentziaren ondoren, otsailaren 28an Bilbon egingo du bigarrena eta, besteak beste, Omnium Cultural-eko lehendakaria, Xavier Antich, izango dute gonbidatu.
Arantza Zulueta eta Jon Enparantza abokatuak espetxeratzeko agindu du Auzitegi Nazionalak
Zuluetari zazpi urte eta erdiko zigorra ezarri zioten, ETAko kide izatea, armak eta lehergaiak izatea, eta Halboka egituraren buru izatea egotzita. Enparantza, berriz, lau urteko kartzelara zigortu zuten, ETAko kide izatea leporatuta.
Melgosa: "Euskadi pantailen gaineko herri-estrategia integral bat prestatzen ari da, erantzun sinpleez harago"
Nerea Melgosa Ongizate, Gazteria eta Erronka Demografikoko sailburuak astearte honetan adierazi duenez, Eusko Jaurlaritzak "pantailei eta ongizate emozionalari" buruzko eztabaida du agendan, eta "erantzun sinple edo isolatuetatik harago" doan "herri-estrategia integrala" lantzen ari da.
Eusko Jaurlaritzak "irizpide teknikoengatik" egin zuen Alfredo De Migueli hirugarren gradua ematearen aurka
Alfredo de Miguel Arabako EAJren buruzagi ohiaren kexa baten ostean, espetxe-zaintzako epaileak Tratamendu Batzordearen ebazpenari beste modu batean erantzun zion, eta Eusko Jaurlaritzak, "Zuzenbide Estatuetan egin behar den moduan", ebazpen judizial irmoa betearazi besterik ez zuen egin, Maria Ubarretxena Eusko Jaurlaritzaren bozeramaileak adierazi duenez.
Alokairuan etxebizitza bakarra duten jabeei ezkutu soziala zabaltzea adostu du EAJk Espainiako Gobernuarekin
EAJrekin lotutako akordio horren funtsa astearte honetan Ministroen Kontseiluak onartutako ezkutu sozialaren errege lege-dekretu berriaren barruan dago. Lege-dekretu horrek aurreikusten du, besteak beste, errentatzailea edukitzaile handi bat edo funts putre bat denean etxegabetzeko prozedura eta bonu sozial energetikoa 2026ko abenduaren 31ra arte luzatzea.
Pentsioak eta etxegabetzeak bi dekretutan onartuko ditu Espainiako Gobernuak
Espainiako Gobernuak pentsiodunek otsaileko nominan aurreikusitako igoera galtzea saihestu nahi du, Kongresuak omnibus dekretua onartzeari uko egin ostean. Dekretu horrek ezkutu sozialerako neurriak biltzen zituen.
Pasaiako portuaren eskumena arrazoi "ideologikoengatik" eskatu izana leporatu dio Itxasok EAJri
Etxebizitza eta Hiri Agendaren sailburuak ere hitz egin du azken egunotan sozialistek eta jeltzaleek Pasaiako portuaren harira izan duten ika-mika politikoaren inguruan. EAJk Pasaiako portuaren kudeaketa Eusko Jaurlaritzaren esku egotea eskatzeak abiatu zuen polemika.