Mikel Arregi izango da Euskarabidearen zuzendari berria
Mikel Arregi izango da Euskarabidea Euskararen Nafar Institutuaren zuzendari nagusi berria, Berria egunkariak gaurko alean aurreratu duenez.
Uxue Barkosek zuzentzen duen exekutiboak gobernu-bilera egin du asteazken honetan, eta bertan onartu du Arregiren izendapena, beste hainbatekin batera.
Garesen jaioa, euskararen alorrean urte luzez aritu da lanean Arregi. Euskarabidea Euskararen Nafar Institutuan Euskara Sustatzeko Saileko buru izan da, eta hizkuntza politikako teknikari ere aritu da.
Euskaltzale sutsua, Oinarriak euskararen aurkako bazterketa salatzeko plataformaren sortzaileetako bat eta Iruñeko San Fermin ikastolako presidentea ere bada garestarra.
22 zuzendaritza eta 8 erakunde
Nafarroako Gobernuak egin duen berregituraketan, Nafarroako Larrialdi Agentzia kentzea eta Barne Saileko Zuzendaritzaren barruan sartzea izan da berritasun nagusia.
Turismo, Merkataritza eta Obra Publikoen Sailak Politika Ekonomiko eta Enpresarialeko Sailean sartzea erabaki dute, eta Euskarabidea Euskararen Nafar Institutuan Euskara Sustatzeko Saila, Harreman Instituzionalen Sailaren barruan egongo da. Nafarroako Gaztetasun eta Kirol Institutua, Kultura Sailaren barruan sartuko da.
Hala, Edurne Eguinoa, PSNko kontseilari ohia, izango da Gobernu Foraleko Justizia saileko zuzendaria. Agustin Gastaminza, berriz, Barne saileko zuzendari nagusia.
Ekonomia eta Ogasunari dagokionez, Begoña Urrutia izango da aurrekontuen zuzendari nagusia, eta Luis Esain, berriz, Ogasunekoa.
Osasun sailean, Oscar Moracho izango da Osasunbideko gerentea, eta Luis Gabilondo, berriz, kontseilari nagusia.
Zure interesekoa izan daiteke
EHUko errektorearen eta Unibertsitate sailburuaren arteko bilera pribatua izango da
Hitzordua, egin, egingo da: ez da data zehatza zehaztu, baina azaroaren 19a baino lehen izango da, orduan agertuko baita errektorea Eusko Legebiltzarrean.
Arnaldo Otegiren ustez, Ertzaintzak dena ondo egiten duela esateak "ez dio inolako mesederik egiten Ertzaintzari"
Arnaldo Otegi EH Bilduko idazkari nagusiak Ertzaintza "berreskuratzearen" alde egin du, horretarako beste polizia-eredu bat aplikatuz. Bere ustez, euskal gizartea gero eta gehiago ari da aldentzen Ertzaintzatik.
Estrasburgoko auzitegiak ebatzi du Espainiak ez zituela urratu Junqueras, Sanchez eta Turullen eskubide politikoak
Giza Eskubideen Europako Auzitegiak behin-behineko espetxealdiari buruz eta horrek eskubide politikoetan izan zuen eraginari buruzko iritzia eman du. Estrasburgon egoitza duen epaitegiak aho batez baztertu ditu auzi-jartzaileen argudioak eta kartzelan mantentzearen erabakia justifikatuta zegoela nabarmendu du.
Juntsek Espainiako Gobernuarekiko haustura formalizatu du: tramitean diren legeak eta gerora etor litezkeenak blokeatuko ditu, eta ez ditu aurrekontuak babestuko
Juntsek iragarri du osoko zuzenketak aurkeztuko dituela Espainiako Gobernuak legeak aurkezten dituen guztietan, kontrako botoa emango duela dagoeneko izapidetzen ari direnetan, eta ez dituela babestuko 2026rako aurrekontuak.
Unibertsitate sailburuak gaur deituko dio EHUko errektoreari, tentsioa baretzen saiatzeko
Unibertsitateetako sailburuak Radio Euskadin iragarri du "lehen orduan" jarriko dela harremanetan EHUko errektore Joxerramon Bengoetxearekin, 2026ko unibertsitate-aurrekontuari buruzko desadostasun publikoa ixteko bilera baten data zehazteko.
Pradales lehendakariak "gizartea aktibatzeko" deia egin du, euskal selekzioak ofizial izan daitezen aurrera egiteko
Imanol Pradales lehendakaria 41 euskal kirol federaziotako presidenteekin bildu da gaur arratsaldean. Bileran, selekzio horien ofizialtasuna sustatzeko moduaz hitz egin dute, Euskadiren nazioarteko proiekzioa indartzeko. Besteak beste, Pradalesek ziurtatu du ofizialtasunaren partida ez dela "bulegoetan soilik jokatzen”, eta motibazioaren eta aktibazio sozialaren beharra aldarrikatu du.
Delituen gorakadaz eta segurtasunaren pertzepzioaz aritu dira Bilbon, Basque Segurtasun Foroan
Segurtasun mota guztiei buruz aritu dira dinamika parte-hartzaile batean 50 eragile inguru, Bilboko alkatea eta Segurtasun sailburua buru izan dituen ekitaldian. Gizartearen sentimenduak kontuan hartuz egin behar den lana dela azpimarratu du Juan Mari Aburtok. Bingen Zupiriaren ustez, berriz, alderdi politiko batzuek nahita lotzen dituzte segurtasun eza eta migrazioa. Eztabaidari heldu eta modu gardenean aurre egiteko beharra nabarmendu du.
Burujabetza handiagoa eta herritarren eskubideen bermea aldarrikatu ditu Gure Eskuk
Plataformak gogorazi du gaur 92 urte bete direla autonomia estatutuari buruzko erreferendumetik, eta duela zortzi urte, Getxon, Gure Eskuk herri-galdeketa sustatu zuela.
Hainbat kazetarik ziurtatu dute fiskalak baino lehenago zutela informazioa: "Ez dit inoiz paperik pasatu"
Fiskal nagusiaren aurkako epaiketaren hirugarren eguna PSOEko Juan Lobato eta Pilar Sanchez Aceraren deklarazioekin hasi da. Biek ala biek adierazi dute epaiketako gaia den mezuaren irudi bat jaso zutela eta ez dakitela nondik etorri zen. Ondoren deklaratu duten kazetariek sekretu profesionalerako eskubideari heldu diote.
Ertzaintzak Ernairen aurka ezarritako isunak baliogabetu edo nabarmen murriztu ditu Gasteizko epaitegi batek
Arrazoia eman diote gazte antolakundeari: Galder Barbado eta Aitor Zelaia gazteen espetxeratzeen aurka 2023an egindako protestak guztiz zilegiak izan ziren zirela esan dio ebazpenak, baimendu gabeko mobilizazioak izan baziren ere.