Oregi: 'AHTaren lanek aurrera egitea da lehentasuna, ez amaiera data'
Ana Oregi, Eusko Jaurlaritzaren Ingurumen eta Lurralde eta Politikako sailburua, zain dago Ana Pastor Sustapen ministroak AHTari buruz hitz egiteko noiz deituko. Hori esan du Euskadi Irratiko 'Albiste Faktoria' saioan. Bilboko, Donostiako eta Gasteizko alkateekin joango da bilerara, hiriburuetako sarrerak landuko baitituzte bertan. Izan ere, gai hori oso garrantzitsutzat jo du sailburuak epeak betetzeko.
Dena dela, Oregik aitortu du lanak atzeratuta daudela. "Europak markatutako epea luzatu egin da, eta horrek kalte ekonomiko eta sozialak ekarri ditu", onartu du. Horren ustez, baina, amaiera data zehazteak ez du garrantziarik, lanek aurrera egitea baita lehentasuna.
Horrelako azpiegitura batek hiriak erabat aldatuko dituela nabarmendu du, intermodalitatea oso garrantzitsua baita pertsonen joan-etorrian, ez soilik merkantziak garraiatzeko. "Iraultza izango da, ez bakarrik garraiobideetan, baizik eta gure bizitzan", Jaurlaritzaren ordezkariaren arabera. AHTaren kontrako jarrerei dagokienez, orain arte egindako komunikazio lana agian ez dela ulertu esan du, eta ahalegin handiagoa egin beharko dutela, baina "zenbaitetan argudioak ez dira entzun nahi", gaineratu du.
Garraio txartel bakarra
Ingurumen eta Lurralde Politika Sailaren beste lehentasunetako bat EAEn garraio publikorako txartel bakarra ezartzea dela nabarmendu du Oregik, eta ezarritako plan nagusia betetzen ari direla aurreratu du. Donostiako DBus konpainiari bultzada emango diote orain, eta Euskotrenen linea osoan Barik eta Mugi txartelak erabiltzeko aukera ere ezarriko dute lehen baino lehen. Pausoz pauso doazela eta hurrengo urratsa Bilboko Metroa izango dela azaldu du.
Interoperatibitatea izan dute orain arte ardatz, eta, orain, tarifak bateratzea izango dute helburu, esan du. Ez da erraza izango, lurralde bakoitzak bere tarifikazioa eta deskontu sistema duelako; hori dela eta, Jaurlaritzak, aldundiek eta udalek elkarrekin egin beharko dute lan, guztia adostu eta koordinatzeko. "Txartel bakarrarekin garraiobide guztiak erabili ahal izatea bultzatu behar da", azpimarratu du.
Albiste gehiago politika
Pintaketak egin dituzte Voxen Gasteizko egoitzan
Alderdi ultraeskuindarraren izena estaltzeko pegatinak jarri dituzte, kartelari txistu egin diote, "Afíliate" mezua zirriborratu dute eta "Gora ETA" idatzi dute egoitzaren atarian.
Gogor jo du Estebanek oposizioko taldeen kontra eta, horien aurrean, EAJren proiektua eta egiteko modua babestu du
Zarautzen ikasturte politikoa irekitzeko ekitaldian, EBBko presidenteak PPri irain eta gezurretan lokaztuta dagoela esan dio, PSOEri botereari itsatsita egotea leporatu dio, eta EH Bilduri eraiki baino gehiago oztopatzea. Autogobernuaren eta proiektu sendoen alde egin du, EAJ horien berme dela ziurtatuz.
Arantza Arruti militante abertzale eta feminista hil da, 79 urte zituela
ETAko lehen emakume liberatuetako bat izan zen, baita atxilotu zuten aurrenekoa ere. Politikagintzan aritutakoa da, eta hainbat talde feminista sortzeko prozesuetan parte hartu zuen.
EAJk bilera egin du Getarian, Zarautzen urte politikoari hasiera eman aurretik
Kurtso politiko berriko lehen bilera izan du jeltzaleen zuzendaritzak. Arratsaldean, berriz, urtero bezala, Zarautzen egingo du Euzko Alderdi Jeltzaleak urte politiko berria irekitzeko ekitaldia.
EH Bildu Eusko Jaurlaritzarekin akordioak lortzeko prest dago, "politika publikoak aldatzeko" bada
Arnaldo Otegi koalizioko idazkari nagusiak nabarmendu du EH Bildu akordioak lortzeko borondatearekin joango dela lehendakariak iragarritako bilera-sortara, baina gauzak aldatzeko politika publikoak aldatu behar direla erantsi du. Balizko estatus politiko berriari dagokionez, Otegik adierazi du Espainiak Euskal Herria nazio gisa aitortzea izan behar dela abiapuntua.
Mañuetako alkateak inskripzio frankista bat kentzeari uko egin izana aztertuko du Espainiako Gobernuaren ordezkariak
Francisco Javier Garcia herriko alkateak (PP) esan duenez, "nire borondatez ez dut kenduko", "ez du inor molestatzen" eta "bizitza osoa darama herrian".
Mañuecoren esanetan, "koktel gaizto batek" du Gaztela eta Leongo suteen larritasunaren errua
Bien bitartean, kolektibo eta sindikatu ugari bildu dira Gaztela eta Leongo Gorteen atarian dimisioak eskatzeko eta operatiboaren baliabide falta salatzeko.
Dozenaka baso-suhiltzaile Gaztela eta Leongo Gorteen aurrean bildu dira Mañueco eta Quiñonesen dimisioak eskatzeko
"Mala gestión. ¡Quiñones dimisión!" (Kudeaketa txarra. Quiñones, dimititu!) lelopean, ehunka pertsonak dimisioa emateko eskatu diete Gaztela eta Leongo Juntako presidenteari, Ingurumen sailburuari eta Natura Ondare eta Baso Politikako zuzendari nagusiari.
25 urte bete dira ETAk Manuel Indiano, Zumarragako PPko zinegotzia, hil zuela
Atentatu horren ondorioz, PSE-EEk bere zinegotzi guztiak eskolta eramatera behartu zituen. Zumarragako bost zinegotzi sozialistek, ordea, uko egin zieten euren aktei. Hainbat urtez, Zumarragak ez zuen PSE-EEko eta PPko ordezkaririk izan.
"Eskuin muturrari eta olatu autoritarioari aurre egiteko" elkarlanean aritzeko konpromisoa hartu dute EH Bilduk eta Mas Madrilek
Bi alderdi politikoek bilera bat egin dute Bilbon, Arnaldo Otegi buru duen alderdiak Estatuko egoera politikoa ebaluatzeko egiten ari den bilera-sortaren barruan. Komunikatu bateratu batean, bi alderdiek "positibotzat eta konstruktibotzat" jo dute hitzordua, eta "Espainiako Estatuak bizi duen egoerari eta testuinguru globalari buruzko ikuspegia partekatzeko balio izan duela" zehaztu dute.