Autogobernuan sakontzeko 'akordioa' aldarrikatu du Urkulluk
Iñigo Urkullu lehendakariak autogobernuan sakontzeko akordioaren formula erabiltzearen alde agertu da gaur ere, Eusko Legebiltzarrean, Kontrol Saioan. EH Bilduri gai honetan "urruntzeari" uzteko eskatu dio, eta gainerako taldeengana "hurbiltzeko ahalegina" egin dezala.
Modu horretan erantzun dio lehendakariak Pello Urizar EH Bilduko legebiltzarkideak egindako galderari. Euskadirentzat estatus politiko berria lortzeko dituen asmoen berri emateko eskatu dio Urizarrek Urkulluri.
Urizarren hitzetan, Espainiako Gobernuak autogobernuaren inguruan duen "ezezkoaren" jarrera ikusita, Euskal Herritik alde bakarreko pausoak emateko ordua da.
Proposamen horren aurrean, lehendakariak bereari eutsi dio eta "akordio zabalen premia" aldarrikatu du, estatus politiko berri baterako bidean.
Urkulluren hitzetan, Euskadiri "nazio" izaera aitortzea ez da ezinekoa, Konstituzioak Euskal Herriaren naziotasunaren inguruan jasotzen duenaren "zehazpen" bat litzakeelako. "Ez da ezinezkoa, borondate kontua da", esan du.
Euskal lurraldeen eskubide historikoak daude, lehendakariak nabarmendu duenez, nazio kontzeptuaren oinarrian, eta eskubide horiek Konstituzioak eta Gernikako Estatuak babesten dituztela gogora ekarri du.
EAJren Alderdi Egunean esandakoa berretsiz, Espainiak bi arazo dituela adierazi du, "bat Katalunian eta bestea hemen".
Urizarren ustean, berriz, Eusko Jaurlaritza eta EAJ "atzerapausoak" ematen ari dira subiranotasunaren alorrean. "Orain arte, urtean behin bada ere, independentzia aldarrikatzen zuten. Orain, ez dute horretaz hitzik egiten", adierazi du.
EAE eta Nafarroa
Euskal Autonomia Erkidegoaren eta Nafarroaren arteko harremanaz ere hitz egin du Urkulluk. Horren hitzetan, "aukera paregabe bat" dugu aurrean, autogobernuan eta bi erkidegoon arteko harremanean sakontzeko, betiere, gaineratu du, "elkarrenganako errespetuan".
Uxue Barkos Nafarroako presidentearekin izan berri duen bilera "positiboa eta emankorra" izan zela ziurtatu du. "Historia eta kultura partekatzen duten bi erkidegoren arteko harremanak normalizatzeko urrats itxaropentsua", lehendakariaren aburuz. Bide horretan aurrera egiteko borondatea agertu du.
Bi erkidegoak "bizilagunak" direla, eta, beraz, harreman ona izatea ezinbestekoa dela esan du. Besteak beste, Kontzertu Ekonomikoa eta Nafarroako Itun Ekonomikoa defendatu ditu Urkulluk.
"Autogobernuan sakontzea da helburua", gaineratu du. Horren harira, Nafarroak Akitaniako Eurorregioan sartzeko konpromisoa erakutsi duela azaldu du. "Europan elkarrekin lan egiteko aukera bat da", ziurtatu du.
Jarraitu, hemen, Kontrol Saioa, zuzenean
Albiste gehiago politika
Sarek manifestazioa deitu du Donostiako Aste Nagusiko azken egunerako, presoen etxerako bidea "indartu eta arintzeko"
Asteazken honetan emandako prentsaurrekoan, Beñat Uribe-Etxeberria Sareren bozeramaileak adierazi du mobilizazioa eginda "aldarrikapena txertatu" nahi dutela jaiegun horietan. Hala, manifestazioa deitu du Donostiako Aste Nagusiko azken egunerako, abuztuaren 16rako, presoen etxerako bidea "indartu eta arintzeko".
Miguel Tellado eta Aitor Estebanen arteko tira-bira, Cerdanen afera eta curriculum makillatuak direla eta
Asteartean argitaratutako elkarrizketa batean Cerdanek egindako baieztapenek eragin dute bi politikarien arteko hizka-mizka.
Nafarroako herri-lanak ikertzeko batzordeak 40 pertsona deituko ditu
Horien artean, Antxon Alonso, Koldo Garcia eta Santos Cerdan daude, baina atzera bota dituzte Maria Chivite, Uxue Barkos, Yolanda Barcina eta Jose Luis Abalosek agerraldia egiteko eskaerak. Agerraldiak urriaren erdialdean hasiko dira.
Santos Cerdanek errugabea dela adierazi du: "Ez dut UCOk esan duen ezer egin"
'La Vanguardia' hedabideak egindako elkarrizketa batean, PSOEko Antolakuntza idazkari ohiak esan du bera ez dela Koldo edo Jose Luis Abalosekin izandako elkarrizketetan egon, eta gaineratu du hura ez omen dela bere ahotsa.
Nafarroako PPren presidenteak curriculumeko datu faltsu bat zuzendu du Parlamentuaren webgunean
'Diario de Noticias' egunkariaren arabera, Javier Garciak bere fitxa aldatu du Nafarroako Parlamentuan, inoiz egin omen ez duen gradu baten izena aldatzeko.
De Andresek EAJri eta PSEri ohartarazi die ez dela bateragarria EH Bilduren "bikotekide izatea" eta poliziari eraso egiten dietenen aurka egotea
EAEko PPren presidenteak "etikoki argiago" jokatzea eskatu die bi alderdiei, "ezinezkoa delako" koalizio abertzalearen "bikotekide izan", eta Ertzaintzari eraso egiten diotenen "aurka" daudela esatea.
PPk onartu du Madrilgo Biltzarraren presidenteorde Ana Millan ez dela Politika Zientzietan lizentziaduna
Noelia Nuñez popularrak, Jose Maria Angel Valentziako sozialistak eta Ignacio Higuero Extremadurako kontseilariak dimisioa eman dute azken asteetan, euren ikasketei buruzko informazio ofiziala faltsua omen da eta.
Maider Etxebarriak EH Bilduri leporatu dio "hautesleen zati bati aurre egin nahi ez izatea" eta GKSri "hauspoa ematea"
Maider Etxebarria Gasteizko alkateak EH Bilduri leporatu dio "hautesleen zati bati aurre egin nahi ez izatea" eta GKS kolektiboari "hauspoa ematea", Ertzaintzari "zilegitasuna kendu" baitio. Alkateak hitzok esan ditu Radio Euskadin egindako elkarrizketa batean, uztailaren 23an izandako istiluei buruz galdetuta.
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.