Astelehenean osatuko dute Kataluniako Parlamentua
Irailaren 27ko hauteskundeen ostean, Kataluniako Parlamentua osatzeko dekretua sinatu du gaur Artur Mas Generalitatearen jarduneko presidenteak, XI. Legealdiari hasiera emateko. Hala, urriaren 26an, astelehenez, osatuko dute ganbera, Legeak aurreikusitako azken egunean eta CUPek CDCko buruzagia babestuko ote duen zalantzarekin.
Egun zaila izan da gaurkoa Masentzat, Guardia Zibila CDC alderdiak Bartzelonan duen egoitza miatzen ari baita, ustelkeriarekin lotuta.
Dekretua sinatu ondoren agerraldia egin du Masek. Azaldu duenez, Junts Pel Siren eta CUPen arteko "negoziazio zailak" direla eta, Legeak ezarritako azken egunera arte atzeratu dute ganberaren osaketa.
Masen hitzetan, "negoziazioek denbora eta pazientzia behar dute denon partetik, ondo bukatzea nahi bada behintzat".
Forcadell, presidente
Urriak 26a ganbera osatzeko azken eguna da, Legearen arabera (20 egun baliodun hauteskundeen ostean). Ondoren, lehen inbestidura eztabaidarako hamar egun balioduneko epea izango dute.
Carme Forcadell (Junts pel Si) Parlamentuko presidente berria izango dela ematen du. Honenbestez, aurreneko inbestidura saioa deitzeko erantzukizuna berak izango du: epea agortzeko erabakia hartuz gero, azaroaren 9an izango da, kontsultaren lehen urteurrenean.
Urtarrilak 9
Lehen inbestidura saioa egin eta gero, presidente berria aukeratzeko bi hilabeteko epea izango dute. Ondorioz, Junts pel Sik urtarrilaren 9ra arte izango du CUP konbentzitzeko. Presidentea izendatzeko gehiengo nahikorik ez badago, udaberrian berriro hauteskundeak deitu beharko lituzkete.
Presidentea aukeratzeko eta Gobernu berria osatzeko, Junts pel Siren eta CUPen arteko akordio batera heltzeko ?zailtasunak? daudela onartu du Neus Munte Generalitateko jarduneko presidenteordeak, baina azkenean adostasuna lortuko dutela uste du.
Alderdi bakoitzaren ordezkaritza kontuan hartuta, Parlamentuko Mahaiak gehiengo independentista izango du: Junts pel Siko lau kide, Ciutadanseko bat, PSCko bat eta SiQueEsPoteko beste bat.
PPE, independentziaren aurka
Bestalde, Europako Alderdi Popularraren (PPE) Kongresua hartuko du gaur Madrilek. Europar Batasuneko (EB) 14 estatuburuk eta gobernuburuk parte hartuko dute zentro-eskuineko alderdien bileran.
Besteak beste, Angela Merkel Alemaniako kantzilerrak eta Nicolas Sarkozy Frantziako presidenteak Katalunia independente bat EBtik at uzteko konpromiso bat sinatuko dute.
Albiste gehiago politika
Udaltzain bat txosnetatik kanporatu dutela salatu du Ondarroako Udalak
Udalaren ustez, gertatutakoa "oso larria" da, eta neurriak hartuko dituela jakinarazi du.
Sarek "salbuespeneko espetxe-politikak" amaitzeko eskatu du Donostian
Urtero legez, Sarek manifestazioa egin du Donostiako Aste Nagusian, "euskal preso, iheslari eta deportatuak etxeratzea" eskatzeko. Azken urtean lortu diren aurrerapausoak azpimarratu dituzte bertan, baina oraindik bide luzea dagoela egiteko gaineratu dute. Sarek espetxe-legeak eta -politikak aldatzeko eskatu du "benetako bizikidetza" lortze aldera.
Eusko Jaurlaritzak babes ofizialeko 225 etxebizitza lizitatu ditu Gasteizko Larrein auzoan
Visesak lehiaketara atera ditu alokairuko etxebizitza babestuaren sustapen honen obrak, 38,5 milioi euroko aurrekontuarekin eta 24 hilabeteko egikaritze-epearekin. Kontratua, eranskinak eta urbanizazioa barne, irailaren 26ra arte aurkeztu ahal izango da.
Sarek eta Bilboko Konpartsek 'Bizkaiko Etxera Eguna' deitu dute abuztuaren 22rako Bilbon
Aste Nagusiarekin batera, ETAko preso, iheslari eta deportatuen itzulera eskatzeko manifestazioak, bazkari herrikoiak eta kontzertuak izango dira. Antolatzaileek gogorarazi dute gizarteak "gatazkaren zauri mardulenak gainditu" dituela eta "badela garaia 'Etxera' aldarria erreibindikazio izatetik lorpen izatera pasatzeko".
Luberrik Bilboko Konpartsek berriz "baztertu" dutela salatu du, "irizpideak bete arren"
Gazte Koordinadora Sozialistarekin (GKS) lotutako konpartsak jarduerak egingo ditu Aste Nagusian, "normaltasunez parte hartu" ezin duela agerian uzteko eta "bere espazioa" eskatzeko.
Covitek jaietan ETAko presoen aldeko pankartak agertu izana salatu du
Bilboren kasuan, Txoribarrote konpartsak "pankarta handi bat" zabaldu izana kritikatu du Covitek, "Euskal preso eta iheslariak etxera" aldarria idatzita duena. Donostiako Udalak kendu egin ditu hiriko ikastetxe publiko bateko fatxadan zeuden pankartak
Goia kexu agertu da Espainiako Gobernuarekin, Malitik etorritako migratzaileekin duen ardurari ez baitio behar bezala heltzen
Donostian bizi diren migratzaile maliarren egoeraz galdetuta, Eneko Goia alkateak Euskadi Irratiko Faktoria saioan adierazi du behin-behineko irtenbidea aurkitu dutela Arantzazun, eta adierazi du Espainiako Gobernuak Malitik etorritako migratzaileekin duen ardurari ez diola behar bezala heltzen.
"ASESINOS" eta "ETARRAS" margotu dute Santutxuko herriko tabernan
Ezker abertzalearen aurkako pintaketak agertu dira gaur Bilboko auzo batzuetan. Santutxuko herriko tabernan, esaterako, "ASESINOS" eta "ETARRAS" idatzi dute lokaleko bi pertsianetan. Solokoetxen ere agertu dira pintaketak, kaleko horma batzuetan. Bilboko Sortuk gaitzetsi egin ditu gertaera horiek.
SAREk presoen eskubideekiko konpromisoa berretsi eta haien aldarrikapena "kriminalizatzeko" saiakerak salatu ditu
Halaber, biktimen mina eta sufrimendua helburu politikoekin erabiltzea deitoratu du, eta gogorarazi du "biktima bakoitza bere sufrimenduaren jabe" dela eta errespetua, elkartasuna eta begirunea merezi dituela.
Voxek PPri festa musulmanak debekatzea onartu zuen Jumillako osoko bilkuran: 'Helburua beteta'
PPren botoei eta Voxen abstentzioari esker, proposamen polemikoa aurrera atera zen eta ultrek garaipena bereganatu zuten.