Rajoy: 'Ez nuke Kataluniako autonomia bertan behera utzi nahi'
Kataluniako alderdi soberanisten proiektu independentistari aurre egiteko, Konstituzioaren 155. artikulua erabili eta autonomia bertan behera utzi behar ez izatea espero duela esan du Mariano Rajoy Espainiako Gobernuaren presidenteak.
?Ez litzaidake erabaki hori hartzea gustatuko?, esan du Rajoyk SER irrati katean, eta ?zuhurtziaz? eta ?neurriz? jokatzeko eskatu du.
Kataluniako Parlamentuan atzo aurkeztutako proposamen independentistaren aurrean, ?urduritasunez? ez jokatzearen alde egin du Espainiako presidenteak, baina Estatuko zerbitzu juridikoek horretarako baimena eman bezain laster helegitea aurkeztuko dutela aurreratu du.
"Gobernuak badaki zer egin behar duen"
?Gobernuak badaki zer egin behar duen?, azpimarratu du Rajoyk, eta hartu beharreko erabakiak hartzeko beldurrik ez dutela izango nabarmendu du.
Rajoyren hitzetan, Espainiaren batasuna, subiranotasun nazionala eta espainiarren arteko berdintasuna bermatzeko tresna nahikoak jasotzen ditu Konstituzioak. Horrela, erabakiak ?neurriz? eta gertatzen denaren arabera hartuko dituztela azaldu du.
Proposamen horren aurrean helegitea aurkezteko aukerari dagokionez, urduri ez jartzeko eskatu dio presidenteak Ciudadanosi. Hartu beharreko erabakia zerbitzu juridikoek esan bezain laster hartuko dutela adierazi du agintariak.
"Ez du aurrera egingo"
?Lehenengo gauzak aztertuko ditugu, eta, ondoren, erabakiak hartuko ditugu, hanka-sartzerik eta itxurakeriarik gabe?, azaldu du. Espainiar guztiei lasaitasuna eskatu die; izan ere, prozesu independentistak ?ez du aurrera egingo?, Rajoyren esanetan.
Gobernuak legea aplikatuko duela esan du Espainiako Gobernuaren presidenteak, baina Gobernuak horri aurre egiteko zein neurri hartuko dituen ez du argitu.
Albiste gehiago politika
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".