Ebazpen independentista bertan behera geratzeko eskatuko du Rajoyk
Mariano Rajoy Espainiako Gobernuko presidenteak iragarri du Kataluniako Parlamentuak onartu berri duen ebazpen independentista eta bere "balizko ondorioak" berehala bertan behera uzteko eskatuko diola Auzitegi Konstituzionalari. Hala, asteazkenean sinatuko omen du helegitea Auzitegi Konstituzionalak ebazpena geldiaraz dezan.
Horixe azpimarratu du Rajoyk Bejarreko (Salamanca) udaletxetik egin duen adierazpen instituzionalean, Kataluniako Parlamentuak independentziara bidean onartu duen ebazpenaren harira.
Rajoyk baieztatu du Pedro Sanchez PSOEren buruzagiarekin hitz egin duela (bihar bilduko dira), eta gainerako alderdiak jakinaren gainean izango dituela azaldu du. "Hemen guztiok goaz elkarrekin, Espainia guztin kontua delako, pentsatzen duguna pentsatzen dugula", adierazi du.
"Katalunia ez da inondik deskonektatuko, ez da inolako zatiketarik izango" eta "inork ez dio uko egin behar izango nortasun espainiarrari eta europarrari", azpimarratu du Rajoyk. Espainiako presidenteak esan du Gobernuak "zuzenbidezko Estatuaren baliabide guztiak" erabiliko dituela demokrazia babesteko.
"Zuzenbide Estatua erabiliko dugu soilik, baina Zuzenbide Estatu guztia, ez legea bakarrik, baina lege guztia, demokrazia bakarrik, baina demokraziaren indar guztia", ohartarazi du Rajoyk, lehenengo pausoa Konstituzionalera joatea eta azkeneko urratsa izatea nahiko lukeela adierazi aurretik.
Konstituzioaren 155. artikulua aplikatuko ote duen galdetuta, espero du erabili beharrik ez izatea, hori izango litzatekeelako "seinale onena".
Parlamentuak ebazpen onartu duen "unetik" erantzun duela azaldu du presidenteak, eta sinatu duela inkonstituzionaltasun helegitea sartzeko Estatu Kontseiluari txostena eskatzeko baimena.
Espainiako Gobernuak 24 orduko epea eman du txosten hori eskuartean izateko, eta bihar, asteartea, idazkarien eta idazkariordeen bilera egingo dute helegiterako proposamena Ministroen Kontseiluan eztabaidatzeko.
Ministroen Kontseiluaren premiazko bileraren ostean, asteazken goizean sinatuko du Rajoyk helegitea, Konstituzionalak bertan behera utz dezan ekimena.
Era berean, erabaki hori Carmen Forcadell Kataluniako Parlamentuko presidenteari jakinaraztea eskatuko du, "kontuan izan dezan ekimenak ez duela inolako baliorik eta ezin duela eraginik izan".
Alderdi politikoekin izandako bilerak izan ditu hizpide ondoren, eta guztien babesa eskertu du, "Espainiako demokraziari eta Espainiaren batasunari babesa" eman diotelakoan.
Zure interesekoa izan daiteke
Podemos, IU eta Sumar koalizioan aurkeztuko dira Andaluziako hauteskundeetara
Alderdi progresistek Por Andalucía koalizioan aurkezteko akordioa lortu dute, Iniciativa del Pueblo Andaluz, Alternativa Republicana, Partido Verde eta Alianza Verde alderdiekin batera.
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.