Kataluniak adierazten duenarekin amaitzeko nahia salatu du Masek
"Kataluniak adierazten duenarekin" akabatzeko ageriko borondatea dagoela salatu du Artur Mas Generalitateko jarduneko presidenteak. Horren aurrean, Espainiako hauteskunde orokorrei begira, Convergenciak bere duintasuna defendatzeko asmoa duela aldarrikatu du.
Convergencia alderdia Democracia y Llibertat koalizioaren baitan aurkeztuko da Espainiako hauteskunde orokorretara, eta gaur abenduaren 20rako zerrenden aurkezpena egin du. Masen esanetan, garrantzitsua da abenduaren 20an botoa ematera joatea Madrilen ahalik eta diputatu eta senatari gehien izateko, eta ,"gure historiaren une erabakigarri honetan", Kataluniako erakundeek erabakitzen dutena "aho batez" eta "txorakeriarik gabe" defendatzeko.
Artur Masen hitzetan, Kataluniari dagozkion eserlekuak "era batera edo bestera bete egingo dira", baina guztiek ez dute Kataluniako erakundeek diotena defendatuko. "Genova edota Ferraz kaleetatik diotena edo Ciudadanos alderdiak dioena defendatuko dute", ohartarazi du.
Bestalde, onartu du grazia egin ziola Mariano Rajoyk atzo esandakoak. Espainiako Gobernuko presidenteak Convergencia kritikatu zuen eta haren historiarekin hautsi izana leporatu zion. Ildo horretan, Masek nabarmendu du CDCk eboluzionatu egin duela, baina ez duela historiarekin hautsi. Dena den, Masek arrazoia eman dio Rajoyri puntu batean eta aitortu du CDC ez dela "lehengoa". Aldi berean, atsekabetuta agertu da PPren baitan eboluziorik ikusi ez duelako.
Masek esan du egungo PPk Aliantza Popularraren une onenak ekartzen dizkiola gogora, "hein handi batean, Mugimendu Nazionalaren alaba zena". Masen hitzetan, garai hartako "tentakuluak" oso urrun heltzen dira eta Espainiako eskuinaren ordezkari esanguratsuek ez dituzte tentakulu horiek gainetik kentzen. Are gehiago, Masek adierazi du ordezkari horiek Espainia zentralizatu baten ikuspegia dutela eta ezberdintasunak eta Kataluniak ordezkatzen duena gutxiesten dituztela.
Bestalde, elkarrizketaren beharra ere azpimarratu du Masek. "Hizketan igaro dugu gure bizitza politikoa", gaineratu du; izan ere, "elkarrizketa da Kataluniaren esentzia". Ildo horretan, Katalunian egiten ari direna, hitz egitea alegia, Madrilen ere egin beharko luketela azpimarratu du.
Junts pel Siren eta CUPen 72 diputatu independentisten batasuna eskatzeko ekitaldia. Argazkia: EFE
Batasuna berreskuratzeko esfortzu bat eskatu du Sanchezek (ANC)
Independentziaren aldeko alderdien arteko batasuna berreskuratzeko esfortzu bat eskatu du Jordi Sanchez ANCko presidenteak. Horrela, Gobernua osatzeko, JxSiren eta CUPen arteko negoziazioek aurrera egitea eskatu du Sanchezek.
Kataluniako Parlamentuari babesa emateko eta Junts pel Siren eta CUPen 72 diputatu independentisten batasuna eskatzeko ekitaldia egin dute Bartzelonako Ciutadellaren Till lers pasealekuan. Udalak jakitera eman duenez, 1.000 bat lagunek hartu dute parte.
?Baturik lan egin dugunean, herri gisa aurrera egin dugu?, ziurtatu du Sanchezek. ANCko buruzagiaren hitzetan, kataluniarrek independentziaren ametsa eraiki dute, eta orain eskura dago.
Zure interesekoa izan daiteke
Podemos, IU eta Sumar koalizioan aurkeztuko dira Andaluziako hauteskundeetara
Alderdi progresistek Por Andalucía koalizioan aurkezteko akordioa lortu dute, Iniciativa del Pueblo Andaluz, Alternativa Republicana, Partido Verde eta Alianza Verde alderdiekin batera.
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.