Erkoreka: 'EAEk aldaketak eskatu ditu gizarte eta lurralde ereduetan'
Josu Erkoreka Eusko Jaurlaritzaren bozeramaileak gaur adierazi duenez, Estatu espainiarreko lurralde eta gizarte ereduetan aldaketak egiteko nahia agertu dute Euskal Autonomia Erkidegoko herritarrek abenduaren 20ko hauteskunde orokorretan.
Erkorekaren esanetan, Ahal Dugu eta EAJ garaile argiak gertatu izanak adierazten du euskal herritarrek gizarte eta lurralde ereduetan aldaketak egitea eskatzen diotela hurrengo Espainiako Gobernuari. Ildo horretan, azpimarratu du bai EAJk eta baita Ahal Duguk ere adostutako eta legezko herri galdeketak egitea defendatzen dutela.
Asteroko Gobernu bileraren osteko prentsaurrekoan, Espainiako hauteskunde orokorretan izandako parte hartze "handia" nabarmendu du Erkorekak. Horren hitzetan, "panorama irekiago eta anitzagoa" zabaldu da aliantzak osatzeko "aukera handiagoa" aurreko legegintzaldian baino handiagoa delako.
Dena den, Erkorekak ez du Espainiako Gobernua osatzeko balizko itunen gainean hitz egin nahi izan, gai hori alderdi politikoen esku dagoela argudiatuta.
Haren hitzetan, "arazoa ez da nork gobernatuko duen erabakitzea soilik, baizik eta nola eta zertarako galderei erantzutea; izan ere, "Estatu gaiak diren horietan akordio zabalak behar dira".
Bestalde, Rajoyk "euskal agenda"rekiko erakutsi duen "interes eza" azpimarratu ostean, hurrengo Gobernuak Euskadirekiko "interes gehiago" erakutsiko duenaren itxaropena agertu du.
Eusko Jaurlaritzak Katalunia 'zoriondu' du lorturiko aurreakordioagatik
Josu Erkoreka Eusko Jaurlaritzako bozeramaileak Katalunia "zoriondu" du Artur Masen inbestiduraren inguruan Junts pel Sik eta CUPek lortu duten aurreakordioagatik. Ildo horretan, Katalunian legegintzaldi "emankorra" izatea eta katalanen eskariei eta aginduei erantzutea espero du.
Asteroko Gobernu bileraren ondotik eskaini duen prentsaurrekoan, Katalunian Junts pel Sik eta CUPeko erdietsi duten akordioa hizpide izan du Erkorekak.
Jaurlaritzako bozeramaileak esan du aurreakordioa baieztatzen den heinean, "oraindik ezin dut ez baieztatu ezta gezurtatu ere", badaudela zorionak emateko arrazoiak.
Katalunian legegintzaldi emankorra izatea eta katalanek hauteskundeetan emandako aginduei eta eskariei erantzutea espero du Josu Erkorekak.
Josu Erkorekak.Albiste gehiago politika
Pintaketak egin dituzte Voxen Gasteizko egoitzan
Alderdi ultraeskuindarraren izena estaltzeko pegatinak jarri dituzte, kartelari txistu egin diote, "Afíliate" mezua zirriborratu dute eta "Gora ETA" idatzi dute egoitzaren atarian.
Gogor jo du Estebanek oposizioko taldeen kontra eta, horien aurrean, EAJren proiektua eta egiteko modua babestu du
Zarautzen ikasturte politikoa irekitzeko ekitaldian, EBBko presidenteak PPri irain eta gezurretan lokaztuta dagoela esan dio, PSOEri botereari itsatsita egotea leporatu dio, eta EH Bilduri eraiki baino gehiago oztopatzea. Autogobernuaren eta proiektu sendoen alde egin du, EAJ horien berme dela ziurtatuz.
Arantza Arruti militante abertzale eta feminista hil da, 79 urte zituela
ETAko lehen emakume liberatuetako bat izan zen, baita atxilotu zuten aurrenekoa ere. Politikagintzan aritutakoa da, eta hainbat talde feminista sortzeko prozesuetan parte hartu zuen.
EAJk bilera egin du Getarian, Zarautzen urte politikoari hasiera eman aurretik
Kurtso politiko berriko lehen bilera izan du jeltzaleen zuzendaritzak. Arratsaldean, berriz, urtero bezala, Zarautzen egingo du Euzko Alderdi Jeltzaleak urte politiko berria irekitzeko ekitaldia.
EH Bildu Eusko Jaurlaritzarekin akordioak lortzeko prest dago, "politika publikoak aldatzeko" bada
Arnaldo Otegi koalizioko idazkari nagusiak nabarmendu du EH Bildu akordioak lortzeko borondatearekin joango dela lehendakariak iragarritako bilera-sortara, baina gauzak aldatzeko politika publikoak aldatu behar direla erantsi du. Balizko estatus politiko berriari dagokionez, Otegik adierazi du Espainiak Euskal Herria nazio gisa aitortzea izan behar dela abiapuntua.
Mañuetako alkateak inskripzio frankista bat kentzeari uko egin izana aztertuko du Espainiako Gobernuaren ordezkariak
Francisco Javier Garcia herriko alkateak (PP) esan duenez, "nire borondatez ez dut kenduko", "ez du inor molestatzen" eta "bizitza osoa darama herrian".
Mañuecoren esanetan, "koktel gaizto batek" du Gaztela eta Leongo suteen larritasunaren errua
Bien bitartean, kolektibo eta sindikatu ugari bildu dira Gaztela eta Leongo Gorteen atarian dimisioak eskatzeko eta operatiboaren baliabide falta salatzeko.
Dozenaka baso-suhiltzaile Gaztela eta Leongo Gorteen aurrean bildu dira Mañueco eta Quiñonesen dimisioak eskatzeko
"Mala gestión. ¡Quiñones dimisión!" (Kudeaketa txarra. Quiñones, dimititu!) lelopean, ehunka pertsonak dimisioa emateko eskatu diete Gaztela eta Leongo Juntako presidenteari, Ingurumen sailburuari eta Natura Ondare eta Baso Politikako zuzendari nagusiari.
25 urte bete dira ETAk Manuel Indiano, Zumarragako PPko zinegotzia, hil zuela
Atentatu horren ondorioz, PSE-EEk bere zinegotzi guztiak eskolta eramatera behartu zituen. Zumarragako bost zinegotzi sozialistek, ordea, uko egin zieten euren aktei. Hainbat urtez, Zumarragak ez zuen PSE-EEko eta PPko ordezkaririk izan.
"Eskuin muturrari eta olatu autoritarioari aurre egiteko" elkarlanean aritzeko konpromisoa hartu dute EH Bilduk eta Mas Madrilek
Bi alderdi politikoek bilera bat egin dute Bilbon, Arnaldo Otegi buru duen alderdiak Estatuko egoera politikoa ebaluatzeko egiten ari den bilera-sortaren barruan. Komunikatu bateratu batean, bi alderdiek "positibotzat eta konstruktibotzat" jo dute hitzordua, eta "Espainiako Estatuak bizi duen egoerari eta testuinguru globalari buruzko ikuspegia partekatzeko balio izan duela" zehaztu dute.