Felipe VI.ak ardura, ulermena eta konpromisoa eskatu die alderdiei
Felipe VI.a Espainiako erregeak alderdi politikoei eskatu die "elkarrizketa eta konpromisoa" erakusteko borondatea eta ardura izan behar dutela, guztiaren gainetik herritarren arazoak konponduko dituen interes orokorra defendatzeko.
Eguberri Eguneko mezuan, egin berri diren hauteskundeei begira, azaldu duenez, legegintzaldi berriak erakundeen "esfortzua, energia eta borondatea" eskatzen du, eta "politika egungo gizartearen errealitatera" egokitu behar da.
Eragile politiko eta sozialek "nazioaren interes orokorraren" zerbitzura egon behar dutela azpimarratu du. Hala, "konstituzioaren ispiritua" elikatuko duen ulermenera iritsiko diren esperantza agertu du.
Estatu-buruak, hortaz, "itxaropeneko mezua" zabaldu du, non elikagaiak izaten diren hausnarketa lasaia, iritzien kontraste zintzoa, eta errespetua, bai Espainiako historiaren errealitatearekiko baita "espainiar guztien arteko interes eta estimuen komunitate kutunarekiko"; alegia, "konstituzio-izpiriturik onena indarra dagoenaren ideia" elikatzen duten ezaugarriak.
Gorteak, "erabakitzeko eskumenaren jabeak"
Felipe VI.ak, testuinguru honetan, gogorarazi du nola Gorteak diren "erabakitzeko eskumenaren jabeak", igandean egindako hauteskundeen ostean eta egungo erregimen konstituzional eta parlamentu-monarkikoan. Gorteetan, hain zuzen, erabaki behar dira bizitza nazionaleko oinarrizko kontuak, alderdiek elkarren artean eztabaidatu eta hitz egin ostean.
"Hautestontziek adierazitako aniztasun politikoak, zalantzarik gabe, sentsibilitate eta ikuspegi anitzak dakartza; eta politika egiteko modu jakin bat ere badakar: alegia, elkarrizketan, adostasunean eta konpromisoan oinarritutako modu bat. Helburua da herritarren arazoentzako irtenbideak diren erabakiak hartzea", esan du.
"Orain, gure ardura Espainia eta espainiarren interes orokorra izan behar da", berretsi du Felipe VI.ak. Haren iritziz, egungo herritarrek euren garaiko historia idazten jarraituko dute, "eta denak dira garrantzitsuak: gizonak eta emakumeak, gazteak eta nagusiak, hemen jaioak edo kanpotik etorriak; denok batera bultzatu behar dugu, inor bidean ez geratzeko".
Zure interesekoa izan daiteke
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.
Pradalesek euskararen ofizialtasuna Europan defendatuko du, Frantziako Senatuan euskaraz egingo duen hitzaldian
Lehenengo aldiz izango da lehendakari bat Frantziako goi-ganberan, eta agertoki sinboliko hori baliatuko du, euskararen ofialtasunaren defentsan babes instituzional zabalagoa eskatzeko.