Itunei buruzko proposamena aurkeztu die Sanchezek PSOEko baroiei
Pedro Sanchez PSOEko idazkari nagusiak bilera informala egingo du gaur alderdiko baroiekin eta hauteskunde osteko negoziazioei begira duen itun proposamena aurkeztuko die.
PSOEren Batzorde Federala elkartuko da astelehenean eta bilera horretan abenduaren 20ko hauteskundeen ondorengo egoera aztertuko dute sozialistek.
Sozialisten artean barne eztabaida piztu da aste honetan, inbestidura plenora begira alderdiak ezarri beharko lituzkeen negoziazio ildoen inguruan. Batzorde federalaren bileran, beste alderdiekin balizko gobernu itunak osatzeko gutxieneko oinarriak finkatzea dute helburu.
Gaurko bileran adostutako erabakia biharko PSOEren Batzorde Federalean bozkatuko dute, hots, PSOEren organo gorenean. Susana Diaz Andaluziako Juntako presidenteak azpimarratu zuen Batzorde Federalak duela hauteskunde itunak definitzeko gaitasuna.
Itunen politika alderdiko "Komite Federalean" erabakitzen dela gogorarazi zion Andaluziako Gobernuko presidente Susana Diazek ostegun honetan PSOEko idazkari nagusi Pedro Sanchezi. Halaber, azpimarratu zuen "denen artean" "Espainiak behar duena mahai gainean jartzeko" gai izan behar dutela eta alderdiak "herrialdearen egoerak eskatzen duen bezala" jokatu behar duela.
Diazen esanetan, sozialistek ezin dute Mariano Rajoy edo PP babestu; izan ere, "kalte handia egin dute, eta hori da herritarrei eman diegun hitza", baina, "noski", egia da ere ezin dela negoziatu "Espainiarekiko haustura eta subiranotasuna planteatzen dituzten indar politikoekin" (Podemosi erreferentzia eginez).
Ildo berean mintzatu da Guillermo Fernandez Vara Extremadurako presidentea ere. Haren hitzetan, sozialistek ezin dute Podemosekin gobernatu horiek autodeterminazioari muzin egiten ez dioten bitartean.
Zure interesekoa izan daiteke
PPk gehiengo absoluturik gabe irabazi du Extremaduran, eta PSOEk inoizko daturik txarrenak izan ditu
PPk 29 eserleku izango ditu (bat gehiago), PSOEk 18 (hamar gutxiago), VOXek 11 (sei gehiago), eta Unidas por Extremadurak 7 eserleku (hiru gehiago). PPk Voxen beharra du gobernatzeko.
Extremadurako hauteskundeetako parte hartzea % 50,60koa izan da 18:00etan, 2023an baino 6,5 puntu txikiagoa
890.985 herritarrek dute botoa emateko eskubidea. Inkesten arabera, PPk irabaziko ditu bozak, gehiengo osorik lortuko ez badu ere, eta PSOEk zartakoa hartuko du. Voxek eta Unidasek, aldiz, gora egingo dute, inkestek iragarritakoa betez gero.
Estebanek uste du hauteskunde orokorrak izango direla Espainian 2026an
La Sexta telebista-katean egindako elkarrizketa batean, EAJko presidenteak adierazi du Espainiako hauteskunde orokorrak aurreratu egingo direla. Horren ustez, 2026an izango dira, Espainiako legegintzaldiak ezin baitio gehiago eutsi. EAJren buruaren arabera, Pedro Sanchezek "ezin du bere burua ostruka baten antzera ezkutatu, ezta VOXen atzean ere".
Ernaik eskuin-muturraren igoeraren aurka antolatzeko deia egin die gazteei
Bilbon egindako mobilizazioan, gazte erakundeak ideia erreakzionarioak eta euskararen aurkako erasoak salatu ditu. Itsas Kapitaintzaren aurrean, Espainiako bandera bat erre eta Bilbo euskalduna, antifaxista eta feminista aldarrikatu du. Era berean, ELAk eta LABek martxorako deitu duten greba orokorrarekin bat egin du, eta independentzia helburu dutela antolatzeko deia egin die gazteei.
Alderdiak mokoka berriro, Mancisidor arartekoaren izendapena eta PP-EH Bildu liskarra tarteko
Javier De Andres EAEko PPko buruzagiak aitortu duenez, "akaso exterminio hitza erabiltzea ez zen egokiena izan". Dena dela, EH Bildu "anomalia politiko bat" dela esan du PPk. Koalizio abertzaleak EAJren eta PSE-EEren "ekidistantzia" salatu du.
PSE-EEk dio EH Bilduk behin betiko aldendu behar duela ezker abertzaleko gazte batzuek egindako ekintzetatik
Urteko balantzea egin du Jose Ignacio Asensiok, eta pozik agertu da PSE-EEk Gipuzkoako Aldundian eta Jaurlaritzan egindako lanarekin eta lortutakoarekin. Hala ere, arduratua ere badagoela dio: azkenaldian ezker abertzalearen gazteek izandako jarrera aurpegiratu dio EH Bilduri, eta horrekin amaitzeko eskatu dio.
EH Bilduk politikan dauden ate birakariak salatu ditu
EH Bilduren ustez, aste honetan ikusitakoa ez da inolaz ere politika eredugarria. PPrekin izandako talkaz gain, Ararteko berriaren aukeraketa eta ate birakarien gaia jarri dituzte adibide gisa. Nerea Kortajarenak esan du horrela ez direla euskal herritarrak ordezkatzen.
Javier De Andresek onartu du "agian" ez zirela "oso egokiak" izan EH Bilduri esandako hitzak
Santiago Lopez Alderdi Popularreko legebiltzarkideak Radio Euskadiko Parlamento de las Ondas saioan parte hartu du, eta, besteak beste, ostegunean Legebiltzarrean izandako polemika izan du hizpide.
Txomin Letamendi, frankismoan torturen ondorioz hildako gudaria, omendu dute ostiral honetan Ondarroan
Gogora Institutuak frankismoaren biktimatzat aitortu berri du; izan ere, Letamendi, orain 75 urte hil zuen polizia frankistak, Madrilen, torturatua. EAJko kide eta frankismoaren kontrako erresistentziaren ikur izan zen. Haren gorpua berreskuratu ondoren, Artxandan zabaldu zituzten bere errautsak.
Sanchez: "Oso albiste ona da, herritarrengan eragina duten gaiak sustatzeko estrategia indartzen du eta"
Espainiako Gobernuko presidenteak balioan jarri du lehendakariak Makroeskualde Atlantikoa abian jartzeko egindako lana, sinergiak sustatuko baititu parte hartzen duten eskualdeen artean, hala nola azpiegiturak, konektibitatea edota komunikazioak hobetzeko.