'Aurrera egin nahi duen' PSOEko sektoreari eskua luzatu dio Iglesiasek
Pablo Iglesias Podemoseko idazkari nagusiak elkarrizketarako deia egin dio gaur "aurrera egin nahi duen" eta "Espainia ulertzen duen" PSOEko sektore "zentzudunari". Aldi berean, berretsi du gizarte larrialdiko egoera konpontzea eta lurralde auzia "bide demokratikoak erabilita", hau da, Katalunian erreferenduma deituta, bideratzea direla Podemosen lehentasunak.
"Bi Alderdi Sozialista daude: zati bat PPrekin bat eginda dago eta, beste zatiak, ostera, aurrera egin nahi du. Guk eskua luzatu behar diegu", adierazi du Iglesiasek hauteskunde osteko egoeraz Podemosen Herritarren Kontseiluaren baitan egin duen hitzaldian.
Iglesiasen esanetan, aukeretako bat PPren, Ciudadanosen eta PSOEren artean "koalizio handia" hitzartzea da. Haren hitzetan, baroi sozialistek aukera horren alde egiten dute, tartean, Guillermo Fernández Vara Extremadurako presidenteak, Emiliano García-Page Gaztela Mantxako presidenteak eta Susana Diaz Andaluziako presidenteak.
"PSOE horretarako prest egongo den zalantzan dago. Ez da guk nahi dugun agertokia, guk beti eskua luzatuta daukagu PPk ez agintzea ahalbideratuko duen aukera aztertzeko", nabarmendu du. Aldi berean, "antzerkia egiteari uzteko" eta "zer egin nahi duten argitzeko" eskatu die sozialistei.
Podemosen Espainiako zuzendaritzak abenduaren 20ko hauteskunde orokorren osteko lehendabiziko bilera egingo du gaur, alderdiak izandako emaitzak aztertzeko eta bozen ondorengo egoera baloratzeko.
Podemoseko Herritarren Kontseilua osatzen duten Podemoseko buruzagi eta idazkari nagusiek beren iritzia emango dute alderdiaren exekutibak Espainiako Gobernua osatzeko ezarritako estrategiaren eta lehentasunen gainean.
Pablo Iglesias Podemoseko buruzagiak hauteskunde biharamunean iragarri zuen haren alderdiak ezetz bozkatuko lukeela PPren presidentegaiaren (Mariano Rajoy) balizko inbestidura saioan. Hala ere, ez zuen baztertu PSOE babestea, beti ere, Katalunian erreferenduma egitea baldintza moduan jarrita. Sozialistak, ordea, ez daude baldintza hori onartzeko prest.
Alderdi moreak, gerora, beste lehentasun batzuk nabarmendu baditu ere -Gizarte larrialdietarako legea, kasu-, erabakitzeko eskubidearen gaia akordiorako baldintza gisa jartzen segitzen du.
Gainera, Podemosek akordiorako beste baldintza bat ezarri du: "ate birakariak" debekatzea eta debeku hori Konstituzioan jasotzea. Ildo horretan, Podemosen babesa izan nahi duen edozein alderdiko "kide guztiei" eskatu die atera daitezela Administrazio Kontseiluetatik edota "alderdiko karneta" entregatzeko.
Baldintza horiek guztiak medio, momentuz, zaila dirudi Podemos eta PSOE akordiora heltzea.
Podemosen baitan ez dute baztertzen hauteskundeak errepikatzea. Zenbait buruzagiren esanetan, ez da egoerarik "desiragarriena", baina ez dute begi txarrez ikusten hauteskundeak egiten diren aldiro hazi egiten direla argudiatuta.
la argudiatuta. la argudiatuta.Albiste gehiago politika
Akordioa erdietsita, espetxea saihestuko dute presoen ongietorriak antolatzeagatik auzipetutako 6 kideek
‘Kalera Kalera’ ekimenaren barruan 2016 eta 2020 urteen artean 120 ongietorri ekitaldi antolatzea leporatuta, ezker abertzaleko 6 kideren aurkako epaiketa hasi da gaur Auzitegi Nazionalean. Saioa hasi orduko, epaileak akordioaren berri eman du. Fiskaltzak bost urte eta zazpi hilabeteko espetxea eskatzen zuen seirentzat, biktimak umiliatzea eta talde kriminaleko kide izatea egotzita.
Abalos Auzitegi Gorenean da, eta epaileak atzera bota du Garciak deklarazioa atzeratzeko egindako eskaera
Abalosen aholkulari ohia eguerdian zen deklaratzekoa, ministro ohiaren ondoren, baina abokatu berriak deklarazioa atzeratzea eskatu dio epaileari. Izan ere, ez ei ditu jaso kasuaren ikerketari buruzko agiri guztiak.
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.