Infanta ez epaitzeko eskaria egin du defentsak, eta fiskalak babestu
Orduko (09:15) eta ikusmin handiarekin abiatu da Balear Uharteetako Administrazio Publikoaren Eskolan, Palmako kanpoaldean, Noos auziaren epaiketa. 18 lagun jesarri dira akusatuen aulkian, tartean Cristina infanta eta Iñaki Urdangarin senarra. Guztira, 100 urte pasatxoko kartzela zigorrak eskatu dituzte akusatuentzat, diru publikoarekin aberasteko ustezko sareko kide izateagatik.
Arreta mediatiko eta segurtasun neurri handien artean hasi da epaiketa, lehen aldia baita Espainiako errege familiaren kide bat akusatuen aulkian jesartzen dena. Hain justu, Cristina infanta ez epaitzea defendituko dute gaur haren defentsak eta Ustelkeriaren kontrako Fiskaltzak, 'Botin doktrina' aplika diezaioten.
Aurretiazko arazoak edo gaiak azaltzeko saioa da gaurkoa, epaiketa hasi baino lehen argitu beharreko gaiei dagokiena, alegia. Behin horiek ebatzita, epaiketa otsailaren 9an abiatuko da berriro, akusatu guztien deklarazioarekin.
Jesus Maria Silva defentsaren abokatuak Cristina Infantaren aurkako akusazioa baliogabetzea eskatu du, "oinarrizko eskubideak urratzen" ari direla argudiatuta. Aurretiazko arazoei dagokien txandan, Silvak adierazi du Auzitegi Goreneko jurisprudentzian oinarrituta eskatu duela Infanta leporatzen zaion erantzukizunetik salbu uztea.
Defentsaren iritzian, Manos Limpiasek ez du zilegitasunik Cristina infantaren aurkako akusazioari "bakarka" eusteko, Fikaltzak eta akusazio partikularrek hala egiten ez badute.
Pedro Horrach ustelkeriaren aurkako fiskalak, bere aldetik, defentsaren eskaria babestu du; Infantarentzat "erantzun judizial bakarra" haren inputazioa artxibatzea dela esan du Horrachek.
Modu horretan, Espainiako Erregearen arrebaren kontrako akusazioak artxibatzea eskatu du fiskalak ere. Infanta auzipetzeko arrazoirik ez dagoela uste du Fiskaltzak.
'Botin doktrina', gako
Manos Limpias herri akusazioak bakarrik eskatu du zigorra erregearen arrebarentzat, senarrari zerga iruzurra egiten lagundu ziolakoan. Ustelkeriaren Kontrako Fiskaltzak eta Estatuko Abokatutzak infantaren aurkako prozedura artxibatzea eskatu zuten.
Cristina infantaren defentsak eta Fiskaltzak Prozedura Kriminaleko Legearen 782.1 artikulua eta Auzitegi Gorenak 2007an ezarritako doktrina aplikatzea eskatu dute: 'Botin doktrina' bezala ezagutzen dena. Horren arabera arabera, herri akusazioak ezin du bakarka inor zerga delituengatik akusatuen aulkian eseri.
Cristina infanta, gaurko saioan. EFE
Jesus Maria Silva Cristina infantaren abokatuak gaurko saioan nabarmendu duenez, erregearen arrebaren "oinarrizko eskubideak urratzen" ari dira eta Auzitegi Gorenak 'Botin doktrina' delakoaren harira ezarritako jurisprudentzia aplikatzea eskatu du.
Silvaren esanetan, Manos Limpiasek "ezin dio Cristina anderearen kontrako akusazioari bakarrik eutsi". Nabarmendu duenez, "Lege urraketa bat saihestu dadin, ez dugu 'Botin doktrina' ezartzea eskatzen, horren inguruan Gorenak emandako jurisprudentzia aplikatzea baizik. Izan ere, hasierako epaiaz gain, bigarren bat egon zen , eta baita hirugarren bat ere; biek lehenengoa osatu zuten". Are, azpimarratu duenez, zazpi lurralde auzitegik gaiaren inguruan emandako epaiak ere badaude.
Samantha Romerok, Eleonor Moyak eta Rocio Martinek osatutako epaimahaiak lau aste izango ditu erabakitzeko; izan ere, epaiketak otsailaren 9an jarraituko du.
Otsailaren 9tik 26ra, akusatuek deklaratuko dute, eta gerora, martxoaren 8tik maiatzaren 17ra, 352 lekukok.
100 urteko zigor eskaerak
Urdangarinek eta haren bazkide ohiak, Diego Torresek, sortutako entitateak diru publikoarekin aberasteko ustezko sarea epaituko dute. Entitateek 3,5 bat milioi jaso zituzten Valentziako administrazio publikoen eskutik, beste 2,5 milioi Balear Uharteetako Gobernuarengandik, eta Madrilgo Udalak ere beste 114.000 euro eman zizkien. Ogasunari egindako iruzurra ere epaituko dute.
Urdangarin eta Torres, gaurko saioan. EFE
Akusatu nagusiak biak dira, baina Cristina infantak eta Ana Maria Tejeiro Torresen emazteak ustezko sarean erantzukizun zibila dutela uste du magistratuak, diru-sarrerak gastu pertsonalentzako erabiltzeagatik.
Marco Antonio eta Miguel Tejeiro (Torresen koinatuak), eta Jaume Matas Balear Uharteetako presidente ohia ere badaude akusatuen artean. Horiekin batera, Jose Luis Ballester, Gonzalo Bernal, Juan Carlos Alia eta Miguel Angel Bonet Balear Uharteetako Administrazioaren goi-kargudun ohiak, Alfonso Grau, Luis Lobon, Jose Manuel Aguilar, Jorge Vela eta Elisa Maldonado Valentziako arduradun publiko ohiak, Mercedes Coghen Madrid 16ko kontseilari delegatu ohia eta Salvador Trinxet aholkulari fiskala daude auziperaturik.
Gainera, zerga delituetan laguntzea leporatu dio Manos Limpiasek Cristinari, eta dirua zuritzea Tejeirori.
Zure interesekoa izan daiteke
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.