Rajoy: 'Espainiak duintasuna duen presidentea behar du'
Mariano Rajoy PPren buruak Pedro Sanchez PSOEren idazkari nagusiari ohartarazi dio gobernatuz gero “Podemosen aginduetara eta umiliatuta” egingo duela. Espainiak behar duena, haatik, “duintasuna” duen presidentea dela nabarmendu du.
PP Kordoban zuzendaritza bilera egin ondoren egin dituen adierazpenetan, babes nahikorik ez duelako inbestidura ekitaldira ez aurkeztea erabaki izana defenditu du: “Iruzurra eta errespetu falta izango zen Kongresura aurkeztea inbestidura eztabaida galtzeko”. Ildo horretan, PSOEren buruzagiak Podemos, IU eta independentziaren aldekoen babesarekin sortu nahi duen gobernua kritikatu du, “gure herrialdeari min handia egingo diolako eta Senatuan, popularren gehiengoarekin ezingo duelako gobernatu”.
Rajoyk PPren boto-emaileei agindu dienez, “ziur egon daitezke Senatuan dugun gehiengoa eta Kongresuan ditugun diputatuek ez dutela utziko ez bururik ez hankarik ez duten erabakiak hartzea”.
“Espainiaren Batasuna, subiranotasun nazionala, espainiarren arteko berdintasuna, errekuperazio ekonomikoa eta enplegu hazkundea” defendituko dutela adierazi du jarduneko presidenteak.
"Jolasean"
Rajoyren esanetan, PP ez da euren alderdiaren aldeko botoa eman dutenekin “jolasean” arituko: “Ez dut babesik bilatuko subiranotasun nazionala onartzen ez dutenen artean, berdinak ez garela uste dutenen artean, edo gure herrialdea porrot ekonomikora eraman dezaketenen artean”.
Berriro hauteskundeak egin behar izatea, porrota izango litzateke Rajoyren aburuz. Hala, PSOErekin eta Ciudadanosekin koalizio handia egitearen aldeko apustua berretsi du. Dena dela, Pedro Sanchezek berarekin hitz egiteari ezetz esan diola esan du beste behin ere eta PSOEren buruari aurpegiratu dio PP ez beste alderdi guztiekin hitz egiteko borondatea izatea.
“Bizitzan zein politikan ez da dena balekoa” esanez eman dio amaiera Rajoyk bere hitzaldiari. Kongresuan gehiengorik ez duela jakinda, inbestidura ekitaldira aurkeztea PPren zazpi milioi boto-emaileei “iruzur” egitea eta “errespeturik ez izatea izango litzateke, are, Podemosek Sanchezi biko gobernu eskaera egin eta gero”.
Helburua PPren hautagaia ez aukeratzea eta bi hilabeteko epea abiatzea bada, “PPren boto-emaileak erabiltzea” onartuko ez duela gaineratu du.
Abenduaren 20an herritarrek alderdiei mezu bat helarazi ziela esan du Rajoyk: “Hitz egiteko, elkarren artean ulertzeko eta arazorik izanez gero konpontzeko eskatu ziguten. PPk hala ulertu du, bederen”.
Zure interesekoa izan daiteke
Pradales lehendakariak "gizartea aktibatzeko" deia egin du, euskal selekzioen ofizialtasunean beste urrats bat emateko
Imanol Pradales lehendakaria 41 euskal kirol federaziotako presidenteekin bildu da gaur arratsaldean. Bileran, selekzio horien ofizialtasuna sustatzeko moduaz hitz egin dute, Euskadiren nazioarteko proiekzioa indartzeko. Besteak beste, Pradalesek ziurtatu du ofizialtasunaren "partida ez dela bulegoetan bakarrik jokatzen”, eta motibazioaren eta aktibazio sozialaren beharra aldarrikatu du.
Delituen gorakada eta segurtasunaren pertzepzioaz aritu dira Bilbon, Basque Segurtasun Foroan
Segurtasun mota guztiei buruz hizketan aritu dira dinamika partehartzaile batean 50 eragile inguru, Bilboko alkatea eta Segurtasun sailburua buru izan dituen ekitaldian. Gizartearen sentimentuak kontutan hartuz egin behar den lana dela azpimarratu du Juan Mari Aburtok. Bingen Zupiriaren ustez, berriz, alderdi politiko batzuk nahita nahasten dituzte segurtasuna eta migrazioa. Eztabaidari heldu eta modu gardenean aurre egiteko beharra nabarmendu du.
Burujabetza handiagoa eta herritarren eskubideen bermea aldarrikatu ditu Gure Esku-k
Plataformak gogoratu du gaur 92 urte bete direla autonomia estatutuari buruzko erreferendumetik, eta zortzi Getxon herri-galdeketa egin zenetik.
Hainbat kazetarik ziurtatu dute fiskalak baino lehenago zutela informazioa: "Ez dit inoiz paperik pasatu"
Fiskal nagusiaren aurkako epaiketaren hirugarren eguna PSOEko Juan Lobato eta Pilar Sanchez Aceraren deklarazioekin hasi da. Biek ala biek adierazi dute epaiketako gaia den mezuaren irudi bat jaso zutela eta ez dakitela nondik etorri zen. Ondoren deklaratu duten kazetariek sekretu profesionalerako eskubideari heldu diote.
Ertzaintzak Ernairen aurka ezarritako isunak baliogabetu edo nabarmen murriztu ditu Gasteizko epaitegi batek
Arrazoia eman diote gazte antolakundeari: Galder Barbado eta Aitor Zelaia gazteen espetxeratzeen aurka 2023an egindako protestak guztiz zilegiak izan ziren zirela esan dio ebazpenak, baimendu gabeko mobilizazioak izan baziren ere.
Lehendakariak erantzun dio Bengoetxeari: "Lehendabizi, Perez Iglesias sailburuarekin biltzea da egokiena"
Bere aldetik, Zientzia, Unibertsitate eta Berrikuntzako sailburua minduta agertu da, EHUko errektoreak lehendakariarekin bilera eskatu duelako, sailburua aintzat hartu gabe. "Ez da lagunak egiteko modurik onena", esan du.
Anduezak salatu du EAJk ez duela PSE-EErekin adostu Madrilera igorritako transferentzien dokumentua
PSE-EEren eta EAJren artean, beste talka bat. Eneko Andueza PSE-EEren idazkari nagusiak esan du transferentzien dokumentua aldebakarrez landu zutela jeltzaleek, EAJren interesak defendatzeko.
EHUk eta Eusko Jaurlaritzak Zientziaren Asteari hasiera eman diote, elkarri eskerrak emanez
Ekitaldia unibertsitate publikoaren finantziazioak eragindako tentsioaren ostean iritsi da, baina bi erakundeek lankidetza eta elkarrekiko errespetua eskatu dute.
Covite: "Euskadin eta Nafarroan dagoen erradikalizazio biolentoa arazo oso larria da"
Consuelo Ordoñez Coviteren presidenteak "beldurgarritzat" jo ditu joan den astean Nafarroako Unibertsitateko campusean izandako istiluak, eta horrelakoen aurrean "zigor administratiboak" jartzea defendatu du.
Kamerek Javier Arenas Senatuko bere eserlekuan zigarro elektronikoa erretzen harrapatu dute, baina berak ukatu egin du
Senatuko kontrol saioan gertatu da, Enrique Ruiz Escudero PPren senatariak Monica Garcia ministroari galdera bat egin dionean. Monica Garcia erantzuten ari zela, Javier Arenasek zigarro elektronikoa atera du poltsikotik, eta "erre" egin du. Ondoan zuen alderdikideak ohartarazi du kameraren planoan agertzen zela.