Ongietorri ekitaldia egingo diote Otegiri martxoaren 5ean, Donostian
Hainbat bertsolarik, kirolarik, aktorek eta kazetarik ekitaldi bat antolatu dute datorren martxoaren 5erako, Arnaldo Otegiri, kartzelatik atera ostean, ongietorria emateko. Ekitaldia Donostian dagoen Anoetako Belodromoan egingo da, arratsaldeko 17:30etik aurrera, eta Otegik berak esku hartuko du. Antolatzaileek ekitaldian parte hartzeko deia egin diete herritarrei, Belodromoan "irribarre jendetsua irudikatzeko" xedearekin.
Ekitaldia gaur aurkeztu da hedabideen aurrean, eta aurkezpen-ekitaldian, besteak beste, euskal kulturaren eta kirolaren honako ordezkari hauek egon dira: Martin Garitano Gipuzkoako ahaldun ohia, Ramon Agirre aktorea, 1980tik 2000. urtera arte Zeledonenak egin zituen Iñaki Landa, Iñaki Ortiz de Villalba Betagarri taldeko abeslaria, Amets Arzalluz eta Jon Maia bertsolariak, Iñaki Artola Mikel Olaetxea pilotariak, Iñaki Azurmendi aizkolaria eta Ainhoa Lendinez eta Arritxu Iribar kazetariak.
Ramon Agirre eta Arritxu Iribarrek bozeramaile-lanak egin dituzte, eta, gogoratu dutenez, datorren martxoaren 1ean Otegi "Euskal Herrira itzuliko da, sekula utzi behar izan ez zuen lekua". Garrantzitsutzat jo dute “haren itzulera behar den moduan ospatzea”, kartzelan “sei urte luzez egon” ostean.
Gauzak horrela, ezker abertzaleko buruaren egoera "babesten eta salatzen" ibili diren pertsonek garrantzia bereziko ekitaldia antolatzea erabaki dutela adierazi dute.
"Argudiorik gabe"
Agirrek baieztatu duenez, "denbora guzti honetan ez da egon argudio judizial bat bera ere Otegiren kondena justifikatuko duenik". Bere aburuz, "guztiz salagarriak diren argudio politikoak besterik ez dira egon".
Agirreren iritziz, "Arnaldo kalean egonik, garai berri baten barruan sartuko gara". "Ginda jarri nahi diogu azken sei urte eta erdi hauetan egindako lanari, eta uste dugu hori egiteko era aurkitu dugula: irribarre jendetsua irudikatzea martxoaren 5ean, Anoetako Belodromoan", azaldu du. "Horixe bera da tarte honetan guztian zehar Arnaldo berak eskatu diguna: irribarre beteari eutsi diezagula, eta horixe egingo du atsegin handiz".
tsegin handiz". tsegin handiz".Zure interesekoa izan daiteke
PPk irabazi ditu Aragoiko hauteskundeak, baina Voxen botoen menpe geratu da
PPk irabazi ditu hauteskunde autonomikoak Aragoin, 26 eserleku eskuratuta (azken hauteskundeetan baino 2 gutxiago). PSOEk 18 lortu ditu (5 gutxiago), eta Voxek bere ordezkaritza bikoiztu du, 7tik 14ra igarota. Chunta Aragonesista 3tik 6ra igo da.
PPk irabaziko lituzke hauteskundeak Aragoin, baina akordioak beharko lituzke gobernatzeko, lehen inkestaren arabera
GAD3k Aragoi Telebistarentzat egindako inkesta baten arabera, PPk 26-29 eserleku artean lortuko lituzke, PSOE bigarren indarra izango litzateke 17-18rekin eta Voxek azken emaitzak bikoiztu egingo lituzke, 13 edo 14 eserleku lortuta.
Aragoin parte-hartzea % 56,29koa izan da 18:00etarako
2023ko bozetan izandako datuarekin alderatuta, % 1,56 hazi da. Guztira, 507.869 boto-emaile joan dira, beraz, hauteslekuetara.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.