Tardaren aburuz, Otegi 'adiskidetzearen ikurra' da
ERC alderdiak Diputatuen Kongresuan duen bozeramaile Joan Tardak "bihotzen adiskidetzearen ikurra" dela esan du gaur, eta "mundu osoan hazten dagoen" Batasunaren eledun izandakoaren "irudia" goratu du.
Tardak eta Kataluniako legebiltzarrean CUPeko bozeramaile ohi David Fernandezek Otegi bisitatu dute gaur Logroñoko espetxean. Kartzela horretatik aterako datorren martxoaren 1ean, behin zigorra beteta.
Bisita egin ostean, Tardak azpimarratu du Otegik "indarkeriari planto egiteko ahalmena irudikatzen duela, eta "bihotzen adiskidetzearen ikurra" dela, baita "Euskal Herriak bizi izan duen gatazkaren gainditzea"rena ere.
Bere esanetan, Espainiako gizarteak "noizbait onartu egin beharko du asmo hori nolabait murriztu egin dela sei urtez", Logroñoko espetxean Otegik igaro dituenak.
Espero du Espainiako sistema politikoak "zuzentzen jakingo duela eta behar den moduan balioetsiko duela Arnaldo Otegi zer den", "bere irudia munduan zehar eta demokrazia guztietan hazten ari baita" eta "bakarrik falta da Espainiako sistema demokratikoak aitor dezala zer izan den gatazkaren konponbiderako".
Bere aldetik, David Fernandezek azaldu du datorren martxoaren 1ean injustizia politiko eta penal bat bukatuko dela, "Estatu-bahiketa" deitu duena, Otegi "Estatu espainiarraren bahitu politikoa izan delako".
Otegi hamar egun barru "herritar askea" izango da, eta "ezker abertzaleari dagokio zein paper beteko duen zehaztea"; dena den, "aktibo bat da, baita Europako hegoaldeko ezkerreko erreferentzia bat ere, bere analisia eta iritziengatik".
"Otegik gogo asko ditu bere herritar eskubideak osotasunean egikaritzeko, nahiz eta Estatuak 20121era arte ezgaitu nahi duen", adierazi du.
Zure interesekoa izan daiteke
PPk Voxi Aragoin botatako hordagoak kale egin du: ultraeskuina puztuta eta PSOE gainbeheran
Azcon (67 eserlekutatik 26 lortuta) eskuin muturraren (14) menpe egongo da; are, PPri "politikak aldatzeko" eskatu dio Abascalek. Bi eskuinen baturak botoen % 60 bildu ditu Aragoin. Ezkerrak, aldiz, CHAren gorakada gorabehera (3 diputatutik 6ra), atzeraldia berretsi du. PSOE minimo historikoan kokatu da (18 eserleku) eta Podemos, ordezkaritza barik.
Jon Insausti: "Etxebizitza sailburuaren eskutik joango gara etxebizitzaren erronkari aurre egiteko"
Donostiako alkateak ez du Loiolako etxebizitza proiektuaren inguruan sortutako "zalaparta" horretan sartu nahi izan, eta esan du "aliantzak ezinbestekoak" direla. Atxilotuen jatorriari buruzko datuak zabaltzeari buruz, azpimarratu du Jaurlaritzari dagokiola segurtasun politika definitzea.
Arnaldo Otegi: "Espainiak aukera ematen digu hauteskundeetan herri gisa hitz egiteko, eta guk, siglak baino, herri-ahots demokratikoa izan nahi dugu"
EH Bilduk ez du bat egiten Gabriel Rufianek PSOEren ezkerrera dauden alderdiak elkartzeko egindako proposamenarekin, hauteskunde orokorretarako EH Bilduk baduelako jada estrategia bat ezarria, "siglen gainetik herria" jartzea, eta, horren harira, EAJri "herri gisa" jarduteko egindako gutxiengoen proposamenaz aritu da astelehen honetan Euskadi Irratian.
Rufianek bilera erronda abiatuko du, PSOE baino ezkerzaleagoa izango den aliantza bat osatzeko
Gabriel Rufian ERCren Kongresuko bozeramaileak ezkerreko indarrekin "egiazko espazio plurinazionala" eratu nahi du, eskuin muturraren gorakadari aurre egiteko.
PPk irabazi ditu Aragoiko hauteskundeak, baina Voxen botoen menpe geratu da
PPk irabazi ditu hauteskunde autonomikoak Aragoin, 26 eserleku eskuratuta (azken hauteskundeetan baino 2 gutxiago). PSOEk 18 lortu ditu (5 gutxiago), eta Voxek bere ordezkaritza bikoiztu du, 7tik 14ra igarota. Chunta Aragonesista 3tik 6ra igo da.
PPk irabaziko lituzke hauteskundeak Aragoin, baina akordioak beharko lituzke gobernatzeko, lehen inkestaren arabera
GAD3k Aragoi Telebistarentzat egindako inkesta baten arabera, PPk 26-29 eserleku artean lortuko lituzke, PSOE bigarren indarra izango litzateke 17-18rekin eta Voxek azken emaitzak bikoiztu egingo lituzke, 13 edo 14 eserleku lortuta.
Aragoin parte-hartzea % 56,29koa izan da 18:00etarako
2023ko bozetan izandako datuarekin alderatuta, % 1,56 hazi da. Guztira, 507.869 boto-emaile joan dira, beraz, hauteslekuetara.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".