Milaka lagunek hartu dute Anoeta, Otegiri omenaldia egiteko
Seiak pasata sartu da Arnaldo Otegi Anoetako belodromora, joaldunez lagunduta. Ekitaldia 17:30ean hastekoa bazen ere, atzerapenarekin hasi da Anoetako belodromora sartzeko ilara luzeak sortu direlako eta jende andana bertara sartu ezinik gelditu delako. Antolakuntzak karpa bat jarri du barrura sartu ezin izan duten horientzat. Horrela, belodromoko ekitaldia hasi aurretik Otegi belodromo kanpoaldeko karpara bertaratu da han bildutakoei babesa eskertzeko.
Ondoren, karpa utzi eta belodromorako bidea egin du. Aurrez aipatu bezala, joaldunek lagundu diote ezker abertzaleko beste buruzagiak zeuden tokira.
Arnaldo Otegi. Argazkia: EiTB
Behin Arnaldo Otegik tokia hartu duenean, ekitaldia hasi da Beñat Gaztelumendi, Andoni Egaña eta Onintza Enbeita bertsolarien saioarekin. Segidan, Xabi Solano eta Esne Beltzako kideak igo dira oholtzara eta "Gogoan" eta "Bozgorailuetatik" abestiak jo dituzte. Gero, trikitilarien eta dantzarien txanda izan da.
Logroñoko kartzelatik atera eta lau egunera, Arnaldo Otegiri ongietorri ekitaldia egiten ari zaizkiote Anoetako belodromoan (8.500 lagun hartzeko prestatuta dago).
Gaur ekitaldiari buruzko xehetasun gutxi eman dituzte antolatzaileek (ordu eta erdiko iraupena izatea espero da), baina edozein kasutan Arnaldo Otegik hitzaldia eskainiko du aste honetan Logroñoko kartzelaren atarian eta Elgoibarren egin bezala.
Ekitaldiak sortu duen ikusmina tarteko, antolakuntzak karpa bat jarriko du belodromoaren kanpoaldean -5.000 lagunentzako edukiera izango duena-. Aipaturiko karpa horretan pantaila erraldoi bat dago, belodromo barruan gertatzen ari dena bertatik bertara jarraitzeko. Halaber, antolakuntzak haurtzaindegi zerbitzua eskaini du.
Anoetako belodromoaren barrualdea, ekitaldia hasi aurretik. Argazkia: EiTB
Ekitaldian militanteez eta herritarrez gain, ezker abertzaleko eta EH Bilduko "lehen lerroko" ordezkariak eta kideak izan dira.
Rufi Etxeberria, Arnaldo Otegi, Hasier Arraiz eta Amaia Izko. Argazkia: EiTB
Nazioarteko hainbat pertsonak beren atxikimendua eman diote Arnaldo Otegiri, tartean, Gerry Adams Sinn Feineko presidenteak, Kgalema Motlante Hegoafrikako presidente ohiak, Cuauhtemoc Cárdenas Mexiko hiriko alkate ohi eta Mexikoko presidente izateko hautagaiak edota Jose Manuel Zelaya Honduraseko presidente ohiak.
Bestalde, Sortuko iturriek azaldu dutenez 'Free Otegi-Free Them All' kanpainak oihartzun zabala izan du nazioartean eta aurretik atxikimendua eskaini zutenetako batzuk mezu bat bidali dute Otegi espetxetik irten dela ospatzeko, tartean, Palestinako FDLPk, HDPk eta European Free Alliancek.
Bestalde, ezker abertzaleko eta EH Bilduko ordezkariez gain belodromoko ekitaldira gerturatu dira Galizia (BNG eta Nova Irmandade Nacionalista) Asturias, Herrialde Katalanak, Aragoi, Gaztela eta Andaluziako hainbat ordezkari.
Argazkia: eitb.eus
Gizarteko hainbat aurpegi ezagunek babestu eta bultzatu dute belodromoko ekitaldi hori, besteak beste, Ramon Agirre aktoreak, Amets Arzallus bertsolariak, Martin Garitano ahaldun nagusi ohiak, Iñaki Artola eta Mikel Olaetxea pilotariak, Arritxu Iribar kazetaria, etab.
Belodromoa jendez bete da. Argazkia: eitb.eus
Albiste gehiago politika
Covite: "ETArekin eta bere inguruarekin egindako akordio judizialek zigorgabetasuna bultzatzen dute"
Consuelo Ordoñez buru duen elkartearen esanetan, akusatuek onartu egin dute 'ongi etorri'ek "biktimak umiliatzen" zituztela.
Pradalesen ustez, "gizartearen aktibazioa funtsezkoa den arren, euskarak legedia eta segurtasun juridikoa behar ditu"
Lehendakariak euskararen etorkizunari begira "jauzi kualitatiboa" emateko beharra azpimarratu du eta, testuinguru horretan, normalizazio prozesuan paradigma berri bat ezartzeko beharra adierazi du, "konfrontazioa saihestuta".
"Erdietsi dugun akordioarekin Euskal Herriko bake prozesua blindatu egin dugu"
Akordioa lortuta, espetxea saihestuko dute 2016 eta 2020 urteen artean 120 presoen ongietorriak antolatzeagatik Auzitegi Nazionalean auzipetutako 6 kideek.
Akordioa erdietsita, espetxea saihestuko dute presoen ongietorriak antolatzeagatik auzipetutako 6 kideek
2 urteko espetxea ezarri zaie, eta hainbat baldintza beteta, bertan behera geratuko da. Besteak beste, ezingo dute parte hartu biktimak umiliatzea eragin dezakeen ekitaldietan. Auzipetuek onartu egin dute antolatu zituzten ongietorriekin biktimei min egin zietela.
Epaileak baztertu egin du Abalos eta Koldo Garcia espetxera bidaltzea, eta kautelazko neurriei eutsi die
Hortaz, magistratuak ez du onartu Alderdi Popularra buru duen akusazioak eskatutako behin-behineko kartzelaldia. Jose Luis Abalos Garraio ministro ohiak adierazi du zabaldu diren grabaketetan ez duela bere ahotsa ezagutzen. Are gehiago, grabaketak ez ote dituzten manipulatu susmoa azaldu du. Koldo Garciak, berriz, ez deklaratzea erabaki du.
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.