13 atxilotu LOMCEren kontrako protestetan, Gasteizen eta Iruñean
Hamahiru gazte atxilotu dituzte gaur Gasteizen (bederatzi) eta Iruñean (lau) LOMCEren aurka Ikasle Abertzaleak ikasle sindikatuak deitu duen greba dela eta egin dituzten protesta ekitaldietan izan diren istilu larrietan.
Euskal hezkuntza sistema propioa aldarrikatzeko eta LOMCE legea salatzeko, mobilizazioak deitu dituzte gaurko Euskal Herriko unibertsitate ia gehienetan.
Lehenengo istiluak Gasteizen izan dira, EHUren kanpusean, eta gero hiriaren erdigunera zabaldu dira.
13:10 aldera, milaka ikaslek bat egin duten manifestazioa oraindik amaitzeko zegoenean, hainbat gazte kalteak egiten hasi dira banketxeen egoitzen kontra eta bestelako eraikinen kontra.
Hala, manifestariek harriak, pilak, bengalak, torlojuak eta kanikak jaurti dituzte, eta Ertzaintzak erantzun eta zortzi lagun atxilotu ditu, tartean burutik odola zerion manifestari bat.
Ertzaintzak Gasteizen atxilotu duen ikasleetako bat. Efe
Manifestazioa 12:30ean abiatu da Andra Mari Zuriaren plazatik, eta hortik gutxira hasi dira istiluak.
San Prudentzio kalean, Eusko Jaurlaritzaren Hezkuntza Ordezkaritzaren parean, istilu larriak izan dira manifestarien eta Ertzaintzaren artean. Ertzaintzak agente ugari eta zortzi furgoneta eraman ditu bertara, eta hainbatetan kargatu du.
Gainera, zirkulazioa eten dute eta kalteak egin dituzte hainbat lokaletan.
Ordu batzuk lehenago, kanpuseko sarbidea itxi dute hainbat lagunek, eta eskolak bertan behera geratu dira.
Grebalariek pintadak egin dituzte, su-itzalgailuak hustu dituzte, ateak puskatu, etab.
Lau atxilotu Nafarroan
Gutxienez lau gazte atxilotu dituzte ikasleen protestetan Iruñean. Sarasate Pasealekuan, Nafarroako Parlamentuaren eta Foru Gobernuaren egoitzaren artean, protesta amaitu ostean, hainbat lagunek harriak eta botilak jaurti dituzte polizien kontra.
Era berean, beste batzuk Alde Zaharrean zabaldu dira, eta hainbat kalte egin dituzte, agenteek pilotakadekin erantzun aurretik.
Bilbon, ehunka ikaslek parte hartu dute sindikatu abertzaleak deitutako manifestazioan, baina ez da istilurik izan, hiriaren erdigunea gurutzatu ostean.
Donostian ere ez da liskarrik izan, kanpusetik Boulevarderaino egindako ibilbidean.
Zure interesekoa izan daiteke
Podemos, IU eta Sumar koalizioan aurkeztuko dira Andaluziako hauteskundeetara
Alderdi progresistek Por Andalucía koalizioan aurkezteko akordioa lortu dute, Iniciativa del Pueblo Andaluz, Alternativa Republicana, Partido Verde eta Alianza Verde alderdiekin batera.
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.