Gobernu akordioa egiteko dei egin dio PPk PSOEri
Gobernu osaketarako denbora agortzen ari da eta PPk gobernu akordioa egiteko dei egin dio igande honetan PSOEri. "Blokeoa" alboratuz gero, oraindik ere gobernu "sendo, transbertsal eta berria" osatzeko aukerak badaudela ohartarazi dio Javier Maroto PPko Ekintza Sektorialeko idazkariordeak Pedro Sanchez buruzagi sozialistari. Hori bai, Sanchezek aldeko jarrera erakutsi ezean Rajoyk ez diola deituko nabarmendu du Marotok.
"Sanchezek blokeoa alboratzen duela antzematen dugunean" gobernua osatzeko "zubia" izango da, adierazi du Marotok Gasteizen eskainitako prentsaurrekoan.
Ildo horretan, Marotok esan du Sanchezek jarrera aldatuz gero, azkar iritsi beharko dutela adostasunetara hauteskundeak errepikatzearen "mamua" gainean dutela argudiatuta.
Hauteskundeak errepikatzekotan PPren hautagaia Mariano Rajoy izango litzatekeen galdetuta, Marotok nabarmendu du alderdiaren estatuak "argiak" direla eta alderdiko presidentea dela hauteskundeetarako hautagaia.
Bestalde, Jose Manuel Soria Espainiako Industria ministroaren dimisioa ere hizpide izan du. Marotok azpimarratu duenez, Soriaren auzia "ondo baino azalduta dago" eta Soria dagoenezko ez da Mariano Rajoyren gabineteko ministro. "Hala ez balitz, beste era batera eragin zezakeen", gaineratu du.
Albiste gehiago politika
EAJk Voxi: "Zuekin ez, ezta Voxekin batera datozenei ere"
Ikurrinak 131 urte bete ditu. Lehen aldiz Bilboko Posta kalean zegoen Batzokian zintzilikatu zuten. Ikurrinari gaur egindako omenaldian Iñigo Ansola BBBko presidenteak adierazi du gure kultura, nortasun eta euskararen kontra daudenekin inolaz ere ez dutela bat egingo ere, Voxi aipamen zuzena eginda.
EBri ezarritako % 30eko muga-zergekin kezkatuta, bidezko akordio bat espero du Eusko Jaurlaritzak
Mikel Jauregi Eusko Jaurlaritzako Industria sailburuak azpimarratu duenez, Euskadi prest dago bere industria defendatzeko Trumpen muga-zergen aldebakarreko eta itundu gabeko igoera baten aurrean, baina Europak "zentzuduna eta irmoa" izan behar du erantzunean, eta "zalantzarik egin gabe" babestu behar du Europako industria.
ERCk finantzaketa eredua zehazteko eskatu dio PSOEri, eta zerga agentzia independentea bultzatzeko
Salvador Illa Generalitateko presidente izendatzea errazteko PSCk eta ERCk lortutako akordioaren arabera, 2026tik aurrera Kataluniako Zerga Agentziak izan beharko luke Katalunian PFEZa biltzeko ardura.
Miguel Angel Blancori omenaldia Ermuan, ETAk hil zuela 28 urte bete direnean
Miguel Angel Blanco zenaren familiak eta alderdikideek hura oroitu dute larunbat honetan Ermuan, ETAk hil zuela 28 urte bete diren egunean. Miguel Tellado PPko idazkari nagusiak parte hartu du ekitaldian eta esan du Pedro Sanchezen Gobernuaren alternatiba "martxan" dagoela EH Bilduk "herri honen etorkizunaren koma bat ere ez dezan erabaki".
EAJk guztiontzako gobernatzen duela aldarrikatu du eta alderdiaren "zintzotasuna eta sinesgarritasuna" nabarmendu ditu
Amurrion egindako ekitaldi batean, Arabako ahaldun nagusiak adierazi du gizarte politikak, enplegua eta lurralde konexioa lehentasuna direla jeltzaleentzat. Gainera, AP-68 autobideko bidesarien prezioa murriztuko duela iragarri du.
Alderdi sozialistan ustelkeriak ez duela tokirik esan du Javier Hurtado Arabako sozialisten buruak
Politika negozioarekin nahasten dutenak alderditik kanpo geratu behar direla adierazi du larunbat honetan Gasteizen egindako ekitaldian. Halaber, PSE-EE Arabako erakundeetan egoteak lurraldeko proiektu garrantzitsuenetan aurrerapen handiak ekarri dituela esan du.
EH Bilduk Turkiako Gobernuari eskatu dio martxan jar dezala kurduen etorkizunaz hitz egiteko batzorde parlamentarioa
Turkian, PKKren armak entregatzeko ekitaldian izan ondoren, Igor Zulaika EH Bilduko Nazioarteko Harremanetarako idazkariak adierazi duenez, batzorde hori abiatzea "pauso garrantzitsua litzateke gatazkari irtenbidea bilatzeko. Bertan izan da EH Bilduren ordezkaritza "mugimendu kurduari eta munduan bakearen alde lan egiten duten guztiei gure babesa adierazteko", eta Gobernuari eskatu dio mugimendu kurduaren urratsei erantzun eta aske utz dezala Abdullah Öcalan.
PSOE 7,3 puntu jaitsi da CISean, Cerdanen auziaren ostean, baina, gutxigatik bada ere, irabazi egiten dio PPri
PSOEren estimazioak behera egin du, PPk irabazi egiten dio boto asmo zuzenean eta Vox % 18,3ra igo da, inoizko emaitzik onena. EAJk bi hamarren egin du gora boto estimazioan ( % 0,8) eta EH Bilduk 3 hamarren egin du behera (% 0,9).
EH Bildu eta Podemos bat datoz ziklo politiko berri bat abiatzeko beharrarekin
EH Bilduk Pedro Sanchezen inbestidura ahalbidetu zuten eragile politiko guztiekin irekitako bilera-sortan kokatzen da gaurko topaketa.
Auzitegi Nazionalak Josu Urrutikoetxea auzipetu du, herriko tabernen auziarekin lotuta
Santiago Pedraz magistratuak 2002a eta 2019a bitartean ETAko “buruzagi nagusietako bat” izatea egotzi dio, eta erakundearen disoluzioa iragarri izana nahikoa froga dela uste du horretarako.