Kongresuak XI. legegintzaldiko azkeneko saioa egin du, E-26ari begira
XI. legegintzaldiko Diputatuen Kongresuko jarduerak gaur amaitu dira, datorren maiatzaren 3an gorteak desegin eta ekainaren 26rako hauteskunde orokorrak deitu aurretik.
Mariano Rajoy Espainiako Gobernuko jarduneko presidenteak gobernu "egonkorra eta serioa" eta "zentzua itzultzea" beharrezkoa dela esan du, hilabeteotako "ikuskizuna" ez delako izan "eraikitzailea".
Rajoyk Kongresuan azaldu duenez, "balantze gutxi" egin daiteke legegintzaldi labur honetan, eta eztabaida garrantzitsurik ez dela izan gaineratu du.
Bi eztabaida bakarrik azpimarratu ditu: Pedro Sanchezek inbestiduran izan zuen porrotekoa eta errefuxiatuen eta 'Brexit'aren inguruan izandakoa.
Hala, "ia existitu ere egin ez den" legegintzaldia izan dela adierazi du Rajoyk.
Bestalde, Patxi Lopez Kongresuko presidenteak itxi du legegintzaldia, eta Kongresuak Gobernua osatzeko "betebeharrean" huts egin duela aitortu duen arren, ekaineko bozen ostean lortuko dela adierazi du, ziur.
Lopezek aitortu du laburra izan dela legegintzaldia, baina azpimarratu du lau hilabeteotan "leialtasun instituzionala" izan dutela aurreikusi gabeko egoera batean, eta etorkizunerako "aurrekariak" ezarri dituztela.
"Gaizki esanak barkatu eta ondo esanak gogoan hartu" gazteleraz, euskaraz, katalunieraz eta galizieraz esanda amaitu du hitzaldia.
Bestalde, Podemosen diputatuek, Pablo Iglesias buru zutela, "si se puede" oihukatuz esan diote agur XI. legegintzaldiari, ekainaren 26ko bozen ostean indarberrituta itzultzeko esperantzarekin.
Osoko bilkura amaitu denean, Podemos-En Comu Podem-En Marea taldeko kideak eserlekuetan geratu dira, argazkilarien aurrean besoa altxatuta eta oihuka.
Podemoseko diputatuen agurra. Efe
Albert Rivera Ciudadanosen presidenteak esan du blokeo politikotik ateratzeko "irtenbide bakarra adostasuna" dela, eta hurrengo hauteskundeen ostean aterako den gobernurako "itunak bai ala bai" egin beharko direla.
Riverak azkeneko osoko bilkuratik atera denean adierazi duenez, aho zapore "gazi-gozoa" geratu zaio legegintzaldia amaitutakoan; gustura Ciudadanos akordioa lortzeko gai izan delako PSOErekin; baina atsekabetuta ezin izan dutelako harago joan "Rajoyren eta Iglesiasen ezetzagatik".
Hala eta guztiz ere, Riverak uste du herritarrak oroituko direla alderdi politikoek izan duten jokabideaz eta zeintzuk izan diren "hitz egiteko gai".
Eztabaidak
Familiaren ardura duten epe luzeko langabeei 426 euroko laguntza beste urtebetez ematen jarraitzeko dekretuaren onarpenarekin hasi da bilkura. Alderdi guztiek babestu dute neurria.
Ondoren, Alvia trenak Santiagon izan zuen istripua argitzeko batzorde baten sorkuntzaz eztabaidatu dute, En Mareak eskatuta, baina PPk eta PSOEk atzera bota dute.
Angroiseko biktimen senideak kanporatu egin dituzte Kongresutik PSOEko eta PPko kideei "hipokrita" eta "lotsagabe" deitzeagatik.
Angroiseko biktimen protesta, kanporatu aurretik. Efe
Zure interesekoa izan daiteke
Euskal Herriaren proiektu nazionala indartzeko beharra azpimarratu du EH Batera herri ekimenak Lizarran
Aberri Egunaren ofizialtasuna eta instituzionalizazioa ere aldarrikatu dituzte ekimeneko ordezkariek gaur Lizarran egin duten ekitaldian. Zehazki, gaur egun ez duen aitortza eta zabalpena emateko eskatu dute, "urrats txikia bezain eraginkorra" izango litzatekeela iritzita.
Etchegarayk eta Blancok hartu dute Baionako eta Biarrizko alkate kargua
Atzo, Kanboko eta Hendaiako aginte makila jaso zuten Peio Etxelekuk eta Kotte Ecenarrok. Bigarren itzuliaren ostean alkate karguak hartu eta gero, orain argitzeko dagoen bakarra da Euskal Hirigune Elkargoko presidente izateko hautagaiak nortzuk izango diren. Etchegarayk ez du horren inguruko arrastorik eman.
Bizikidetza eraikitzeko, egian oinarritutako memoria eskatu du Eneko Anduezak
Euskadiko sozialista gazteek Oroimen Hegoak sariak banatu dituzte Donostiako Miramar Jauregian. PSE-EEk ezberdin pentsatzeko askatasuna bermatzeko lanean jarraituko duela aldarrikatu du Anduezak.
Euskadiren eraikuntzan buru-belarri arituko den gazteria aldarrikatu du Aitor Estebanek, pankarta atzean geratzen direnen aurrean
EGI egunaren ekitaldi nagusian parte hartu du Aitor Esteban EBBko presidenteak, Mungian. Gizartean eta alderdian euren lekua hartzeko eskatu die gazte jeltzaleei.
Aireportuen kudeaketan parte hartzeko gaitasunak iritzi ezberdinak sortu ditu euskal alderdien artean
EAJk uste du "albiste bikaina" dela, eta PSE-EEk, berriz, akordioa bere dimentsioan jartzeko eta gehiegizko espektatibarik ez izateko eskatu du. Oposizioak kritikatu du "lehendakariak argazki bat bilatu duela Madrilen", eta akordioa "kea baino ez" dela.
Mikel Serrano, Zumarragako PSE-EEko alkatea, Korrikaren lekukoarekin
Alkateak eraman du Korrikaren lekukoa Gipuzkoako udalerriko Udalbatzari esleitutako kilometroaren lehen metroetan. PSE-EEk Korrikan alderdi gisa ez parte hartzea erabaki zuen, CCOOk betoa jaso ostean, baina ordezkari batzuk parte hartzen ari dira.
Aena aztertzen ari da Jaurlaritzak eta Espainiako Gobernuak egin duten akordioaren aurkako neurriak hartzeko aukera
Enpresa publikoak azpimarratu duenez, aldebiko organo berria "aholku-emailea besterik ez da izango" eta ez ditu bere eskumenak aldatuko. Gainera, ohartarazi du arriskuan jar daitekeela legedia, egungo araudiaren mugak gainditzen badira.
Torresek ontzat jo ditu itunak, eta "Konstituzioa, Estatutua eta legedia" errespetatzen dituztela esan du
Angel Víctor Torres ministroak Aldebiko Batzordearen bilera "produktiboa" izan dela esan, eta aurrez egin den "lan handia" nabarmendu du. Bi administrazioek, gainera, etorkizunean industria, energia, osasun eta immigrazio alorretan, besteak beste, akordioak lortzeko negoziazioen ildoak ireki dituztela aurreratu du. Horren ustez, "akordioan, askatasun instituzionalean eta kudeaketa publikoaren eraginkortasunean" oinarritutako lankidetza eredua finkatzen ari da.
Pradalesen iritzian,"akats politiko larria" da 'Guernica' ekartzeari atea ixtea kontserbazio txostena jasotze hutsagatik
Lehendakariaren arabera, Reina Sofia Museoaren ezezkoak ez luke nahikoa izan behar Pablo Picassoren margolana Bilboko Guggenheimera 9 hilabetez ekartzea baztertzeko. Guernica Euskadira ekarrita munduari "erreparazio" mezu bat bidaliko litzaioke, horren ustez, eta hori esan dio Pedro Sanchezi.
Lehendakaria: “Adostutakoa oso ona izango da euskal ekonomiaren lehiakortasunarentzat eta ongizatearentzat”
Egungo egoerak lankidetza erritmo handiagoa eskatzen duela esan du Imanol Pradales lehendakariak, Pedro Sanchez Espainiako Gobernuko presidentearekin transferentzien inguruko akordioa lortu ostean.