Otegik dio zintzilik dauden gaiak konpontzeko prozesua zuzenduko duela
Arnaldo Otegi Sortuko idazkari nagusiak "gatazkaren ondorio guztiak eta zintzilik dauden gai guztiak konpontzeko" prozesua gidatuko duela adierazi du, gai horien artean jarri ditu, besteak beste, ETAren armagabetzea, biktimak eta presoak.
Gara egunkariak Donostiako Kursaal jauregian antolatutako forumaren barruan, Otegik segurutzat jo du ezker abertzaleak "akats handiak" izan dituela, baina, aldi berean, uste du "arrakasta handia" izan duten ekimenak ere abian jarri dituela.
Iñaki Gabilondo kazetariak Otegiri galdetu dio ea ezker abertzaleak ETAri behin betiko desager dadila eskatuko dion prozesu bat gidatuko ote duen, eta Otegik erantzun du egun politikaren mahai gainean presente dauden "gatazkaren ondorioak eta zintzilik dauden gai guztiak konpontzeko" prozesua zuzenduko duela, alderdiko beste kide batzuekin batera.
Otegiren aburuz, nahiz eta mundu guztiak ETA desagertzen den egunean edota armagabetzea gertatzen denean Euskal Herriarekiko eta presoekiko Estatuaren jarrera adeitsuagoa izango dela uste izan, ez da horrela izango. Are gehiago, bere ustez, Estatuak ez du inongo interesik ez batean, ez bestean.
"Edonola ere, gure konpromisoa da gatazkaren ondorio guztiak eta herrialde honetako agenda politikoan dantzan dabiltzan ardatz guztiak konpon daitezela, eta nik konpromiso publikoa hartzen dut horretan lan egiteko nire kideekin batera", zehaztu du.
Iraganari buruzko autokritika
Sortuko agintariak azaldu duenez, ezker abertzaleak iraganean izandako akatsengatik "barkamena" eskatzen badu edota bere gain "erantzukizunak" hartzen baditu, "euskal herritarrei zor dielako" izango da. "Nik autokritika bat egiten badut, nik nire herriari, nire jendarteari, nire langileei, emakumeei, gazteei eta abarrei zor diedalako da", azaldu du.
Zentzu horretan, beraiek akatsak aitortzen dituztela ziurtatu du Otegik, eta ez dutela hori onartzeko arazorik.
Presoak
Presoei dagokienez, espetxetako giltzak estatuek dituztela eta kaleak bete behar direla kartzelak uzteko adierazi du. Horren harira, bere buruari galde egin dio ea zer tresna erabili behar diren presoak espetxeetatik ateratzeko, eta bere erantzuna "guztiak" izan da.
Horrez gain, uste du abertzaletasuna eta independentismoa berriro eraiki behar direla, helburu politikoak erdiesteko. "Dagoeneko ez gaude aldarrikatzeko fasean, baizik eta herrialde honetarako Estatu propioa lortzen saiatzekoan", esan du.
Zure interesekoa izan daiteke
PPk irabazi ditu Aragoiko hauteskundeak, baina Voxen botoen menpe geratu da
PPk irabazi ditu hauteskunde autonomikoak Aragoin, 26 eserleku eskuratuta (azken hauteskundeetan baino 2 gutxiago). PSOEk 18 lortu ditu (5 gutxiago), eta Voxek bere ordezkaritza bikoiztu du, 7tik 14ra igarota. Chunta Aragonesista 3tik 6ra igo da.
PPk irabaziko lituzke hauteskundeak Aragoin, baina akordioak beharko lituzke gobernatzeko, lehen inkestaren arabera
GAD3k Aragoi Telebistarentzat egindako inkesta baten arabera, PPk 26-29 eserleku artean lortuko lituzke, PSOE bigarren indarra izango litzateke 17-18rekin eta Voxek azken emaitzak bikoiztu egingo lituzke, 13 edo 14 eserleku lortuta.
Aragoin parte-hartzea % 56,29koa izan da 18:00etarako
2023ko bozetan izandako datuarekin alderatuta, % 1,56 hazi da. Guztira, 507.869 boto-emaile joan dira, beraz, hauteslekuetara.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.