Herri elkargoa abian jartzearen alde agertu da Ipar Euskal Herria
Ipar Euskal Herriari, lehen aldiz, aitortza instituzionala emango dion herri elkargo berria gero eta gertuago dago; 111 udalerrik egin dute herri elkargoaren alde, eta 47k, aurka.
Azken orduotan, Martxueta, Arboti, Ilharre eta Gixune herrietan egindako bozketen emaitzak ezagutu dira, eta lauretan elkargoaren aurka egin dute.
Elkargoa sortzeko beharrezkoa zen bigarren baldintza (herritarren erdien babesa lortzea) ere bete da: 196.741 herritarrek eman dute aldeko botoa, eta 110.646k, kontrakoa.
Herriko Etxeek iritzia plazaratu ondoren, Departamenduko Batzordea berriz bilduko da prefetak proposatu duen egitura aztertzeko, aldeko jarrera nagusitu dela kontuan hartuz.
Hala ere, argitzeko dago zer gertatuko den 60 zinegotzik eta auzapezek elkargoaren aurka jarritako helegitearekin. Besteak beste, Armendaritze, Lüküze eta Donapaleu udalerrietako auzapezek eta Baionako bi zinegotzik aurkeztu dute helegitea Barne Ministerioan. Idatzian, besteak beste, "elkargo bakarraren perimetroa zalantzan" jarri dute, eta erakunde berriak ekarriko dituen "desorekak" azpimarratu dituzte.
Helegiteak aurrera egin ezean, 2017ko urtarrilean abian izango da Ipar Euskal Herriko egitura instituzional berria. Aurretik, uda ostean, zehaztuko dituzte erakunde berriak kudeatuko dituen eskumenak; besteak beste, lurralde antolamenduari, garapen ekonomikoari eta hizkuntza politikari lotutako zenbait atal egongo dira horren esku. Zerga-sistemari dagokionez, hainbat zerga kudeatzeko ardura ere izango du.
100 milioi euroko aurrekontua izango du herri elkargoak, eta Baionan egongo da horren egoitza nagusia.
Albiste gehiago politika
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.