Fernandez Diazek dimisioa emango ez duela azpimarratu du Rajoyk
Jorge Fernandez Diaz Barne ministroak dimisioa emateko asmorik ez duela azpimarratu du gaur Mariano Rajoy Gobernuko jarduneko presidenteak. Bestalde, Kataluniako alderdi independentisten kontrako konspirazioa ukatu du PPko presidentegaiak.
“Ez gaude alderdien aurkako konspirazio batean. Hori faltsua da”, nabarmendu du Gobernuko presidenteak. Grabazioak eta hauteskunde kanpaina lotu ditu Rajoyk. Jarduneko Barne ministroaren eta Daniel de Alfonso Iruzurraren aurkako Bulego Kataluniarreko zuzendariaren arteko elkarrizketak “dosi txikietan ematen ari dira, kanpainan gaudelako”, adierazi du buruzagiak, zati gehiago argitaratuko dituztela iragarriz.
“Zergatik agertu dira orain?”, galdetu du PPko buruzagiak Antena 3 telebistan: “Alderdi independentistek eta arerio politiko guztiek dimisioak eskatu dituzte eta jendea 15 segundotan zigortu dute”.
"Hemen defentsa eskubidea ez da existitzen"
Hala, gertatutakoa argitu gabe dimisiorik ez eskatzeko esan die Rajoyk Pedro Sanchez PSOEko buruzagiari, Pablo Iglesias Unidos Podemoseko hautagaiari eta Albert Rivera Ciudadanoseko agintariari. “Hemen defentsa eskubiderik ez da existitzen”, deitoratu du. “Bide batez” bere dimisioa ere eskatu dutela kritikatu du ironiaz.
“Ikerketa bat zabaltzeko agindua eman dut, baina erabakiak ezin dira arinkeriaz hartu, ezta ezer kontuan izan gabe inor epaitu ere; igandean hauteskundeak daudenez hau komeni zait pentsatu dute soilik, eta baliteke norbaiti kalte egitea. Horrelakoa da bizitza”, azaldu du.
Ministerioko bulegoan mikrofono bat egotea “harrigarria” dela uste du Exekutiboko buruzagiak. “Ni Barne ministroa izan naiz eta niri ez gertatzea espero dut; gutxienez ez da atera”, esan du. “Nola da posible? Ez dut erantzunik, baina laster izatea gustatuko litzaidake”, argudiatu du.
, argudiatu du. , argudiatu du.Zure interesekoa izan daiteke
Otegi, "harrituta" EAJren eta PSE-EEren isiltasunaren aurrean, PPk "benetako asmoak" erakutsi ostean
Koalizio abertzalearen idazkari nagusiak adierazi du harrituta jarraitzen duela "24 orduren ostean, EAJ edo PSE-EE bezalako indarren isiltasunarekin". Bere arabera, hemen "ez dago arazo bat EH Bilduren eta PPren artean: bloke atzerakoia da Euskal Herriarekin arazo bat duena".
Arabako Batzar Nagusiek 2026ko aurrekontuen proiektua onartu dute, EAJren, PSEren eta Elkarrekin Podemos-IUren botoekin
Datorren urterako aurrekontuak onartu egin dira Elkarrekin Podemos-IUren babesaren ostean, osoko zuzenketa kendu eta Foru Gobernuarekin akordio batera iritsi baitzen, Arabako egoitza pribatuen inguruan ados jarri ondoren.
Gipuzkoako foru gobernuak 2026ko aurrekontuak onartu ditu Elkarrekin Podemosen babesarekin
Gutxiengoan agintzen den koalizio gobernuak (EAJ eta PSE-EE) oposizioko talderen baten babesa behar zuen datorren urteko aurrekontuak aurrera ateratzeko. Legegintzaldiko bigarren aurrekontuak izango dira: iaz PPren babesarekin eta aurten Elkarrekin Podemosekin.
Urdaibaiko Guggenheim proiektua baztertzeko erabakia hizpide izan dute Eusko Legebiltzarrean
Pello Otxandianok esan du eskualdean egindako entzuketa aktiboko prozesua heldutasun ariketa izan dela, etorkizunerako adibide izan beharko lukeena. Lehendakariak, berriz, gogora ekarri ditu ezker abertzaleak bere garaian Bilboko Guggenheim proiektuaren aurka egin zituen adierazpenak.
Eusko Jaurlaritzak "kontuz ibiltzeko" eskatu du, Euskadi "Espainiako eredu politikoarekin kutsa ez dadin"
Radio Euskadin egindako elkarrizketa batean, Euskadin aurkari politikoa ulertzeko eta errespetatzeko dagoen gaitasuna azpimarratu du Ibone Bengoetxeak. Bere iritziz, ordea, "kontu handiz ibili behar da etengabeko polarizazio eta liskar saiakerekin". Ildo horretatik, Jaurlaritza prest agertu da entzuteko, hitz egiteko eta akordioak lortzeko.
Lehendakariak "arduragabekeriatzat" jo du ostegun honetan Eusko Legebiltzarrean izandako polemika
Imanol Pradales lehendakariak EH Bilduk eta PPk Eusko Legebiltzarrean izandako eztabaida gogorra izan du hizpide.
Zein da Atlantikoko Makroeskualdearen helburua?
Atlantikora begira dauden eskualdeak Europar Batasunean duten eragina indartzeko ideiak hamarkadak daramatza mahai gainean. Orain, Bruselak urrats bat gehiago eman du eta lurralde horiek guztiak bilduko dituen egitura komun bat sortzea aztertzen ari da.
Makroeskualde Atlantikoa martxan jartzea "berri pozgarria" da Pradalesen ustez, "Euskadiren pisu politikoa handitzen duelako"
Imanol Pradales lehendakaria pozik agertu da Europako buruzagiek atzo emandako pausoarekin. Izan ere, 2027ko ekainean beranduenez, Makroeskualde Atlantikoa bultzatzeko estrategia garatzeko eskatu zioten Europako Batzordeari.
27ek Makroeskualde Atlantikoa osatzeko estrategia eskatu diote Europako Batzordeari
Urteko azken goi-bileran bildutako estatuburu eta gobernuburuek 2027ko ekainerako estrategia hori garatzea eskatu dute. Imanol Pradalesek "urtetako lanaren, aliantzen eta lidergoaren emaitza" dela azpimarratu du.
Makroeskualde Atlantikoaren sorrerarako urratsak ematea eskatuko dute 27ek
Lehendakaritzan "baikor" daude baina "zuhurrak" izan nahi dute, "Euskadirentzat garrantzi handia duen" albiste hau baieztatu arte. Izan ere, Europar Batasuneko estatuburuak eta gobernuburuak Bruselan bilduta daude, urteko azken goi-bileran, gai nagusia Ukrainaren finantziazioa dutela. Hala ere, ondorioen zirriborroak beste puntu bat ere jasotzen du: Europako Batzordeari Makroeskualde Atlantikoa sortzea eskatuko diote.