Herri-akusazioak kartzela eskatu du Kutxabank auziko auzipetuentzat
Kutxabank auziko herri-akusazioak (hainbat sindikatuk eta gizarte taldek osatzen dute) sei hilabete eta hiru urte arteko espetxe-zigorra eskatuko du Mario Fernandez Kutxabankeko presidente ohiarentzat, Mikel Cabieces Espainiako Gobernuaren ordezkari izandakoarentzat eta Rafael Alkorta abokatuarentzat. Hirurentzat, gainera, kargu publikorako inhabilitazioa eta isuna eskatu du herri-akusazioak.
Bizkaiko Lurralde Auzitegiak inputatu zituen hirurak, ordainketa irregularrak egitea egotzita. Mario Fernandez Kutxabanken buru zenean Mikel Cabieces Espainiako Gobernuaren ordezkariari, Rafael Alkorta abokatuaren bulegoaren bidez, emandako dirua dago auzitan.
Herri-akusazioa osatzen duten kideek gaur hedabideen aurrean esan dutenez, gertakarien kalifikazio-idatzia bidali dute kasuaz arduratzen den auzitegira. Administrazio desleiala, dirua bidegabe bereganatzea eta dokumentuak faltsutzea leporatzen diete hiru auzipetuei.
Jone Goirizelaia herri-akusazioaren abokatuaren hitzetan, "Espainiako Gobernuaren ordezkari izate hutsagatik" kontratu zuen Fernandezek Cabieces, eta urtean 244.000 euroko soldata ordaindu zion.
Bizkaiko Lurralde Fiskaltzak "bi zigor alternatiba" aurkeztu zituen uztailaren hasieran Kutxabank auziko inputatuen aurka: 2 urteko espetxe-zigorra, epaileak ebazten badu bidegabeko administrazioa egin dutela eta merkataritza dokumentuak faltsutu dituztela, edo 3 urtekoa, diruaz bidegabe jabetu direla eta merkataritza dokumentuak faltsutu dituztela ebatziz gero.
Albiste gehiago politika
Ainhoa Unzuk ordezkatuko du Ramon Alzorriz PSNren Parlamentuko bozeramaile bezala
Unzuk iragarri duenez, lehenik eta behin, "nire talde parlamentarioko kide bakoitzarekin hitz egingo dut, erabakia ezagutzen baitute", eta, ondoren, Foru Gobernua osatzen duten gainerako talde politikoen bozeramaileekin.
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosen hitzetan, Cerdan eta Garciaren “ustelkeria dinamika” Nafarroatik zetorren, eta “erabili” egin dute
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok Ministerioan jarri zuten, eta, ondoren, "presioa" egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak, eta uda honetan bertan hasiko da lanean.