Otegi: 'Urkulluk hauteskunde-iruzurra ekidin beharko luke'
Arnaldo Otegi EH Bilduko lehendakarigai eta Sortuko idazkari nagusiak Iñigo Urkullu lehendakariari eskatu dio hauteskunde-iruzurra ekidin dezala; izan ere, Otegiren esanetan, Lehendakaritzarako hautagai bat "ebaki" nahi dute.
RAC 1 irrati-katean egindako elkarrizketa batean (Europa Pressek jaso du), Otegik aseguratu du berak "edozein gauza" egingo lukeela Fiskaltzak beste alderdiren bateko zerrendaburuaren aurka joko balu.
"Harrigarria da gainerako alderdiak lasai eta normaltasun osoz joatea hauteskundeetara, hau bezalako egoera larri batean", nabarmendu du.
Deitoratu duenez, "lehendakariak, herrialde honetako aginterik handienak, ez du oraindik ezer esan". "Ni lehendakaria izango banintz, herrialde honetako herritar guztien eskubide zibilak, ekonomikoak, politikoak, sozialak eta kulturalak defendatuko nituzke; ez nieke baimenduko herrialde honetakoak ez diren erakundeei hauteskunde-iruzurrik egitea edo lehendakarigai bat ebakitzea", adierazi du. Otegik, halaber, salatu du nola Patxi Lopezek izan zuen aukera lehendakaria izateko "herrialde honetako hauteskunde-oinarriaren zati bat" ebaki zutelako.
Uste du aurkezteko aukera izango duela
Hautagaiak esan duenez, apustua egin beharko balu, "argudio arrazional eta juridikoak kontuan izanik", esango luke aukera izango duela euskal hauteskundeetan aurkezteko; baieztatu du bai bera bai eta bere abokatuak ere "guztiz lasai" daudela.
Ildo horretan, zehaztu du zer gertatu behar den gaitasungabetzea gauzatzeko: "Baztertu beharko lukete jurisprudentzia osoa, Auzitegi Nazionalarena, Auzitegi Gorenarena eta Auzitegi Konstituzionalarena ere". "Hau da, ez lukete bete beharko, ez dut baztertzen egitea, baina ni gaitasungabetzeko, argudio juridikoak erabiliz, orain arteko doktrina osoaren aurka egin beharko lukete".
EH Bilduko agintariaren iritziz, "Estatu espainiarrak, gai horiei eta neure buruari dagokienez, oso irmoa izaten da eta zalantza gutxi izaten ditu, baina normalean ez du argudiorik. Hori da Estatu espainiarraren arazoa". Esan duenez, Estatu espainiarraren ezaugarrietakoa da "oso sendoa dela, oso irmoa, baina argudio oso gutxi izaten dituela".
Arnaldo Otegik apustua egin du eztabaida arlo politikora eramateko, eta azpimarratu du sei urte eta erdi eman dituela kartzelan "batez ere, herrialde honetan bake-egoera bat irekitzeagatik".
Albiste gehiago politika
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".