Iriarte, subiranotasuna lortzeko prozesu baten alde, 'hobeto' egoteko
EH Bildu koalizioaren Gipuzkoako zerrendan bigarrena izango den Maddalen Iriarte hautagaiak subiranotasuna lortzeko prozesu baten alde egin du bere aurkezpenean. Iriarteren esanetan, aipatu prozesuaren xedea "hobeto" bizitzea litzateke, eta hainbat konturi Euskaditik aurre egitea, herritarren zahartzeari eta horrek pentsioen sisteman duen eraginari edota lan-prekarietateari, esaterako. Horren iritziz, ezinezkoa da kontu horiek "Espainiatik barrutik" jorratzea.
Iriarte astearte honetan aurkeztu dute Donostian, Miramar jauregian. Arnaldo Otegi Gipuzkoako zerrendaburu eta EH Bilduren lehendakarigaiak ere parte hartu du ekitaldian.
Iriarteren esanetan, Euskal Herriak beste toki baterako urratsa eman behar du, "herritarrak hobeto bizi eta zoriontsuagoak izan daitezen".
"Nire asmoa da gure zientzialariak, matematikariak, humanistak, historialariak eta unibertsitateak Europa eta munduko beste toki batean egotea; gure eskola-maisuek baldintza onak izatea, urrats horiek gerora emango dituzten umeei irakasteko", zehaztu du.
"Gure medikuek lasaitasunez lan egiteko aukera izatea; enpresa egiteko bestelako modu bat abiatu duten gure enpresariek baldintzarik onenak izatea" ere nahi du Iriartek; izan ere, "horiek bideratu dute Euskadiko industria sendoa eta Estatukoa ez bezalakoa izatea, kasu batzuetan behintzat; eta ikusten dut hori egun ez dagoela gure esku".
"Erabaki guztiak Espainiatik igaro behar dira"
Iriartek salatu duenez, Euskadik hartu behar dituen erabaki guztiak "Espainiatik igaro behar dira". "Autonomia-parlamentuetan adosten diren erabaki subiranoen aurka, Auzitegi Konstituzionalak helegiteak jartzen ditu. Eta hori ezin da hala izan, herrialde honek ezin du horrela aurrera egin". Hori dela eta, esan du berak laguntza eman nahi duela EH Bilduk noranzko horretan aurrera egin dezan.
Otegi gaitasungabetuko balute EH Bilduren lehendakarigaia izango litzatekeen galdetuta, Iriartek esan du Otegi dela lehendakarigaia, eta "modu guztiz demokratikoan" aukeratu dutela.
Gipuzkoako bigarrenaren iritziz, galdetzeko modukoa da "nola den posible honek horrenbeste molestatzea Espainian, eta zer dela-eta Justizia ministroak esaten duenean Otegi ezin izango dela aurkeztu, epaileen elkarteak, fiskalenak, komunikabideak eta alderdi politikoak ez diren asko haserretzen; baieztapen hori oso larria da, botereen zatiketa zalantzan jartzen duelako, eta zatiketa horrek bilakatzen du demokratiko herrialde bat".
/p>Albiste gehiago politika
Goia kexu agertu da Espainiako Gobernuarekin, Malitik etorritako migratzaileekin duen ardurari ez baitio behar bezala heltzen
Donostian bizi diren migratzaile maliarren egoeraz galdetuta, Eneko Goia alkateak Euskadi Irratiko Faktoria saioan adierazi du behin-behineko irtenbidea aurkitu dutela Arantzazun, eta adierazi du Espainiako Gobernuak Malitik etorritako migratzaileekin duen ardurari ez diola behar bezala heltzen.
"ASESINOS" eta "ETARRAS" margotu dute Santutxuko herriko tabernan
Ezker abertzalearen aurkako pintaketak agertu dira gaur Bilboko auzo batzuetan. Santutxuko herriko tabernan, esaterako, "ASESINOS" eta "ETARRAS" idatzi dute lokaleko bi pertsianetan. Solokoetxen ere agertu dira pintaketak, kaleko horma batzuetan. Bilboko Sortuk gaitzetsi egin ditu gertaera horiek.
SAREk presoen eskubideekiko konpromisoa berretsi eta haien aldarrikapena "kriminalizatzeko" saiakerak salatu ditu
Halaber, biktimen mina eta sufrimendua helburu politikoekin erabiltzea deitoratu du, eta gogorarazi du "biktima bakoitza bere sufrimenduaren jabe" dela eta errespetua, elkartasuna eta begirunea merezi dituela.
Voxek PPri festa musulmanak debekatzea onartu zuen Jumillako osoko bilkuran: 'Helburua beteta'
PPren botoei eta Voxen abstentzioari esker, proposamen polemikoa aurrera atera zen eta ultrek garaipena bereganatu zuten.
Zer aldatzen da EBren komunikabideen askatasunari buruzko lege berriarekin?
Erregelamendu bat denez, araudi berriaren artikuluak lotesleak dira EBko estatu guztientzat, inolako transposizio beharrik gabe. "Segurtasun nazionaleko" arrazoiak argudiatuta, kazetariak edo kazetarien iturriak zelatatzeko aukera ematen zuen klausula bat sartzeko saiakera izan da oztopo handienetako bat negoziazioan.
Urgentziaz ospitaleratu dute Jose Maria Angel GOIDIko komisionatu ohia, bere buruaz beste egiten saiatu ostean
Komisionatu izateari uko egin zion, duela 43 urte funtzionario mailaz igotzeko erabili zuen titulazioari buruzko polemika piztu ondoren.
Puigdemont, itzuli eta berriro ihes egin eta urtebetera: "Giltzapetuta eta gaitasungabetuta nahi banaute, nire betebeharra kontrakoa egitea da"
Generalitateko presidente ohia 2024ko abuztuaren 8an itzuli zen Kataluniara, hitzaldi labur baten ostean berriro ihes egiteko. Ordutik urtebete pasatu den honetan, bere hausnarketa argitaratu du sare sozialetan.
Sarek manifestazioa deitu du Donostiako Aste Nagusiko azken egunerako, presoen etxerako bidea "indartu eta arintzeko"
Asteazken honetan emandako prentsaurrekoan, Beñat Uribe-Etxeberria Sareren bozeramaileak adierazi du mobilizazioa eginda "aldarrikapena txertatu" nahi dutela jaiegun horietan. Hala, manifestazioa deitu du Donostiako Aste Nagusiko azken egunerako, abuztuaren 16rako, presoen etxerako bidea "indartu eta arintzeko".
Miguel Tellado eta Aitor Estebanen arteko tira-bira, Cerdanen afera eta curriculum makillatuak direla eta
Asteartean argitaratutako elkarrizketa batean Cerdanek egindako baieztapenek eragin dute bi politikarien arteko hizka-mizka.
Nafarroako herri-lanak ikertzeko batzordeak 40 pertsona deituko ditu
Horien artean, Antxon Alonso, Koldo Garcia eta Santos Cerdan daude, baina atzera bota dituzte Maria Chivite, Uxue Barkos, Yolanda Barcina eta Jose Luis Abalosek agerraldia egiteko eskaerak. Agerraldiak urriaren erdialdean hasiko dira.