Sintonia ona EH Bildu eta Elkarrekin Podemosen artean
EH Bildu eta Elkarrekin Podemos legegintzaldian zehar balizko paktuak egiteko batzartu dira Legebiltzarrean. Bi alderdiek gizarte gaietako hainbat puntutan ados daudela aitortu dute eta, autogobernuari dagokionez ere akordioetara iristeko aukerak badaudela azpimarratu dute.
Bi alderdietako ordezkariak"lehenengo aldiz batzartu dira astearte honetan irailaren 25eko hauteskundeen ondoren.
Bilera bukatuta, ordezkaritza biak kazetarien aurrean agertu dira. EH Bilduko ordezkaritzatik Maddalen Iriarte, Miren Larrion eta Arnaldo Otegi azaldu dira eta, Elkarrekin Podemosen aldetik aldiz, Kongresuko diputatua eta Podemos Euskadiren arduraduna den Nagua Alba azaldu da.
Albaren esanetan, EH Bilduk eta Elkarrekin Podemosek "gizarte politiken blindajearen" inguruan hainbat puntu adosteko aukerak dituztela adierazi du. Legebiltzarrean dagoen "gehiengo progresistak" eskaintzen dituen aukerak aztertu behar direla gaineratu du. (EH Bilduk, Elkarrekin Podemosek eta PSE-EEk 38 eserleku dituzte).
Miren Larrionek bere aldetik. EH Bilduk eta Elkarrekin Podemosek autogobernuari dagokionez ibilbide berbera egin dezaketela baieztatu du. Hala ere, Elkarrekin Podemosek independentziarako erreferenduma onartuko lukeen "argitasun legea" onartzearen alde soilik egongo litzateke oraingoz.
Iriartek azaldu duenez, erabakitzeko eskubidearen alde daude alderdi biak baina, horren ondoren, Elkarrekin Podemosek bere proposamen propioak aurkeztuko lituzkeela azaldu du.
Akordio zabalak EAJrekin
Legegintzaldi honetan "akordio zabalak" egitearen alde azaldu da Miren Larrion, EH Bilduren ordezkaria. Hori horrela, eskua luzatu dio berriz ere EAJri autogobernuaren gaian aurrerapausoak emateko.
EAJk baldintza bat ezarri zion EH Bilduri bake eta bizikidetzaren inguruan bere jarrera adierazteko. Arnaldo Otegik bestalde, ez du "aurretiaz jarritako" baldintzarik nahi. "Kanpainan zehar argi utzi genuen zer egin bahi genuen eta norekin. Inork egin nahi duenarekin arazoren bat badauka, ez dezala aitzakiarik bilatu beste alderdietan", agineratu du Otegik.
gik. gik. gik. gik.Zure interesekoa izan daiteke
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.