EAJ, EH Bildu, Podemos eta PSE prest, erreforma fiskalaz hitz egiteko
EAJ, EH Bildu, Elkarrekin Podemos eta PSE-EE prest agertu dira gaur goizean erreforma fiskalari buruz eztabaidatzeko; PPk, ordea, ez du aldaketarik egin nahi, "zergak igoko liratekeelako".
Joseba Egibar legebiltzarkide jeltzaleak Radio Euskadin esan duenez, "baliabide gutxiago" izango direla ondorioztatu zuten ostiral honetan Finantzetarako euskal Kontseiluak egindako bileran. Antza denez, diru-sarrera gehiago lortu arren, ez dute espero zuten bezain beste bildu.
Emaitza horrek aurrekontuen negoziazioa ez duela erraztuko onartzeaz gain, ez dituela bat-batean harrapatu esan du. Guztira, 473 milioi euro gutxiago bildu direla baieztatu du, eta zati handi batek Eusko jaurlaritzari eragingo diola.
EH Bildu
Pello Urizar EH Bilduko legebiltzarkideak kritikatu egin du EAJ, diru gutxiago bildu izanak ez dituela bat-bat-batean harrapatu aitortzeagatik. Izan ere, orain arte "Euskadi oasi bat dela eta dena ondo doala" zioten "mezuak zabaldu" dituzte.
Gainera, Eusko Jaurlaritzako arduradunek ostiral honetan "aurreikuspenak ez direla beteko eta murrizketak egongo direla" onartu dutela salatu du.
Elkarrekin Podemos
Bestalde, Lander Martinez Elkarrekin Podemos alderdiko legebiltzarkideak "eraginkorra ez den" sistema berritzearen alde agertu da. "Mailakatuagoa" izan beharko lukeela esan du, "gehien irabazten ez dutena ez dutelako gehien ordaintzen". Gainera, "galera ikaragarriak" dakartzan iruzur fiskalaren aurka asko dagoela egiteko nabarmendu du. Neurri horiei esker, "aurreikuspenak betetzea" ahalbidetuko litzatekeela uste du.
PSE-EE
Jose Antonio Pastor PSE-EEko ordezkariaren esanetan, saihestezina da erreforma fiskala egitea. Dirua birbanatzea erraztuko duten zergak defendatzeaz gain, iruzurraren aurka eta zergak ekiditeak sortzen duen "zuloa"ren kontra borroka egiteko beharra azpimarratu du. Bere iritziz, "behar lukeena baino gutxiago ordaintzen duen jende asko dago".
PP
Carmelo Barrio Alderdi Popularreko kideak, berriz, erreforma fiskalaren aurkako jarrera erakutsi du Radio Euskadin. Bere ustez, aldaketak egingo balira, "zergak igoko lirateke guztiontzat", eta "erabaki hori ez zaio komeni herrialde honi". "Planteatzen ari diren erreforma fiskalak zerga-igoera estali nahi du", gaineratu du.
Zure interesekoa izan daiteke
PPk 26 eserleku lortu ditu Aragoin, PSOEk 19 eta Voxek 13, botoen % 54,5 zenbatuta
PPk irabaziko lituzke hauteskunde autonomikoak Aragoin, 67 eserlekutatik 26 eskuratuta (azken hauteskundeetan baino 2 gutxiago); PSOEk, berriz, 19 lortuko lituzke (4 gutxiago), eta Voxek bere ordezkaritza bikoiztuko luke, 7tik 13ra igarota.
PPk irabaziko lituzke hauteskundeak Aragoin, baina akordioak beharko lituzke gobernatzeko, lehen inkestaren arabera
GAD3k Aragoi Telebistarentzat egindako inkesta baten arabera, PPk 26-29 eserleku artean lortuko lituzke, PSOE bigarren indarra izango litzateke 17-18rekin eta Voxek azken emaitzak bikoiztu egingo lituzke, 13 edo 14 eserleku lortuta.
Aragoin parte-hartzea % 56,29koa izan da 18:00etarako
2023ko bozetan izandako datuarekin alderatuta, % 1,56 hazi da. Guztira, 507.869 boto-emaile joan dira, beraz, hauteslekuetara.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.