Odon Elorzak eta PSCk 'ez' bozkatuko dute Rajoyren inbestiduran
PSOEren Batzorde Federalak igandean erabakitakoaren kontra, Mariano Rajoyren inbestiduran PSCk 'ez' bozkatuko duela iragarri du Miquel Iceta Kataluniako sozialisten buruak.
Rajoyren inbestiduraren bigarren bozketan abstenitu egingo dela erabaki zuen igandean Batzorde Federalak, 139 aldeko botorekin (96, kontra).
Miquel Iceta PSCko idazkari nagusiak astelehen honetan nabarmendu duenez, PSCk Kongresuan dituen ordezkariek "ez" bozkatuko dute Mariano Rajoyren inbestiduran, PSOEko alderdikideek "bozkatzen dutena gorabehera".
RAC1 irrati kateari eskainitako elkarrizketa batean, koherentziagatik, "ez dugu beste aukerarik", esan du Icetak.
Icetaren esanetan, prest daude alderdiaren boto diziplina hausteak ekar litzakeen ondorioak onartzeko.
Odon Elorza Gipuzkoako PSE-EEren diputatuak Twitterren egin du iragarpena, mezu honekin: "Diputatu sozialista naizen aldetik, EZ bozkatuko dut, etika arduratsu bategatik eta PSOEren aldaketa proiektuari eta hauteskundeetan hartutako konpromisoari zor diodan errespetuagatik".
Elorzaren iritzian, alderdiaren erakunde gorenak hartutako erabakiak PSOEren aldaketa proiektuaren "sinesgarritasunari kalte" egiten dio, eta militanteekin eta boto-emaileekin hartutako konpromisoa urratzen du.
Hori dela eta, ezezko botoa emango diola iragarri du, PSCk, Susana Sumelzo Aragoiko diputatuak eta Margarita Robles epaileak bezalatsu.
Abstentzio teknikoa
Rajoyren inbestiduran 'ez' bozkatzearen alde agertu dira PSN eta PSE-EE ere. Gaurkoan abstentzio teknikoa ahalbidetzeko eskatu diote biek ala biek PSOEko Batzorde Kudeatzaileari.
Maria Chivite PSNko idazkari nagusiak "azkarra" izateko eskatu dio PSOEren erakunde horri. "Ez dezala alderdia gehiago apurtu, ez dezala haustura hori gehiago azalarazi", esan du. Chiviteren aburuz, "Espainiaren gobernagarritasuna ahalbidetzeko ez da PSOEren 84 diputatuen abstentzioa behar".
Ildo beretik mintzatu da Idoia Mendia PSE-EEko idazkari nagusia ere. Alderdia "ez apurtzeko erantzukizuna" eskatu die batzordeari eta talde parlamentarioari. Haren hitzetan, "ezin zaio PPri PSOEren balio politiko guztia eman, batez ere Rajoy presidente egiteko 11 abstentziorekin nahikoa dela jakinda".
".Albiste gehiago politika
Feijoo: "Gure herrialdea berreraikitzea da nire konpromisoa"
PPren burua berriro hautatu dute alderdiko presidente botoen % 99,24ko babesarekin. Hain zuzen ere, Feijooren lidergoa indartzea eta gobernu-alternatiba gisa agertzea helburu dituen XXI. Kongresu Nazionala egiten ari dira popularrak asteburu honetan.
Yolanda Diaz: "Pedro Sanchezek ez du herrialdea demokratikoki berreraikitzeko neurririk proposatu"
Espainiako Gobernuko Lan ministroak Pedro Sanchezek PSOEren Batzorde Federalean egindako agerraldia kritikatu du, eta, ohartarazi duenez, "aldaketarik ezean", asteazkenean Kongresuko osoko bilkuran egingo duen agerraldian "Alderdi Sozialistaren izenean hitz egingo du Sanchezek, ez Gobernuaren izenean".
Sanchezek hamahiru neurri proposatu ditu alderdi barruko ustelkeria kasuei aurre egiteko
Rebeca Torro valentziarra, orain arte Industriako Estatu idazkari zena, izango da Cerdanen ordezkoa. Ezagunak ziren polemikez gain, orain beste bat gehitu zaie, Salazarrek uko egin baitio bere karguari sexu-jazarpen salaketengatik.
Sanchezek barkamena eskatu die sozialistei "merezi ez zutenengan" konfiantza izan zuelako, baina, "arduragatik" aurrera egin behar dela berretsi du
Pedro Sanchez Espainiako Gobernuko presidente eta PSOEko idazkari nagusiak Batzorde Federalean onartu du une zailak bizi dituela alderdiak, baina, traizioak traizio, "lortu dugunagatik eta lortzeko diugun guztiagatik" lanean jarraitzeko deia egin du.
Donostiako Udalak hiru plaka berri jarri ditu, 1979an ETAk hildako Espainiako hiru polizien omenez
Murtziatik etorri berriak, Donostiara iritsi eta hurrengo egunean hil zituzten. 41, 30 eta 29 urtekoak ziren hildakoak, ezkonduta zeuden eta seme-alabak zeuzkaten. Euren senideak, oso hunkituta, izan dira gaurko omenaldian.
Osasun Ituna hobetzeko "tarte handia" dagoela ohartarazi dio EH Bilduk Eusko Jaurlaritzari
Koalizioaren aburuz, sektoreko sindikatu gehienak kontra dituen ituna ez da batasun akordio bat. Dena den, neurri horiek aplikatzeko orain hasiko den laugarren fasera begira, erantzukizunez jokatuko dutela iragarri du, osasun sistema publikoa bermatu dadin ziurtatzeko.
Francisco Salazarrek uko egin dio PSOEren zuzendaritzari, sexu-jazarpen salaketen ostean
Rebeca Torro Antolakuntza idazkariaren albokoa izan behar zuen Hauteskunde Ekintza eta Analisirako Idazkaritzan. Salazar ez da PSOEren Exekutiba Federal berriko kide izango, eta Pedro Sanchezen aholkulari gisa Moncloan zuen kargutik "behin-behinean" kentzeko eskatu du. Zehazki, Gobernuko Lehendakaritzaren koordinatzaile instituzionala zen.
Andueza: "Euskal sozialistok badakigu egoera zailenetan ondo lan egiten"
PSE-EEren idazkari nagusiak esan du lan egiten jarraitzeko asmoz joan direla PSOEren Batzorde Federalera, "ibilide orri eta norabide berria" ezartzeko prozesuan parte hartzera.
EAEk "aldez aurretik egindako ahalegina" kontuan hartu izana baloratu du Melgosak: "Orain beste erkidego batzuek egin behar dute"
Nerea Melgosa Ongizate, Gazteria eta Erronka Demografikoko sailburua pozik agertu da Ministerioak kontuan hartu duelako Euskal Autonomia Erkidegoak adingabe migratzaileak hartzeko "aldez aurretik egindako ahalegin etengabea": "Orain beste erkidego batzuek egin behar dute", erantsi du.
PSOEk bere Kode Etikoa aldatuko du prostituzioa erabiltzen dutenak kanporatzeko
Pedro Sanchez bere alderdiko Berdintasun idazkariekin bildu da erreformari heltzeko. Kode Etiko berriak PSOE abolizionista dela azpimarratuko du, prostituzioa "emakumeen aurkako indarkeriaren adierazpena" baita.