PSOE abstenitu egingo da Rajoyren inbestidura-saioan
PSOEren Batzorde Federalak atzo, igandea, erabaki duenez, abstenitu egingo da Mariano Rajoyren inbestidura saioaren bigarren bozketan. Hala, hamar hilabeteko blokeo politikoa bukatu egingo da. Javier Fernandez gestio batzordeko presidenteak adierazi zuenaren arabera, erabakiari men egin beharko dio talde parlamentario osoak.
Abstentzioak 139 boz lortu zituen alde, eta 96 kontra. Akreditazioa zuten 237 kideetatik bik ez zuten bozkatu.
Abstentzioaren alde, Susana Diaz Andaluziako presidentea; Emiliano Garcia-Page, Gaztela-Mantxakoa; eta Ximo Puig valentziarra agertu ziren. Dena den, jendaurrean iritzia plazaratzea saihestu zuten.
Lau ordu luzez eztabaidan jardun eta gero, sozialistek Batzorde Federalak aurkeztutako ebazpenetako lehena besterik ez zuten bozkatu, hau da, Elena Valenciano eurodiputatuak bigarren bozketan abstentzioa ematea proposatzen zuena. Aldiz, Euskadiko Federazioak aurkeztu duena, hots, bozketa bietan ezezkoa ematea, bertan behera geratu zen.
Ebazpenaren arabera, talde sozialista osoak bete behar du erabakia. Hala eta guztiz ere, iturri sozialistek esan zuten gestio batzordearen esku geratuko dela, talde parlamentarioarekin adostuta, bozketan diputatu guztiak abstenituko diren ala 11 bakarrik, nahikoak baitira Rajoyren inbestidura ahalbideratzeko.
Fernandezek talde parlamentario osoari eskatuko dio abstenitzeko
Javier Fernandez PSOEko gestio batzordeko presidentearen esanetan, talde parlamentario sozialistako kide guztiei eskatuko die Mariano Rajoyren inbestidura saioan abstenitzeko.
Batzorde Federalaren bilera eta gero, prentsaurrean agertu zen Fernandez, sozialistek Mariano Rajoyren inbestiduran abstenitzea erabaki zutela jakinarazteko. Ondoren, zenbait kazetarik PSCko ordezkariek eta beste hainbat diputatuk berretsi duten ezezko jarrerari buruz galdetu zioten. Izan ere, bileran erabakitakoari jaramon egin gabe, Rajoyri ezetz esango diotela adierazi dute egunotan.
Onartutako ebazpena "aginduzkoa" dela azpimarratu zuen, eta garbi utzi zuen abstenitzeko aukera bakarrik ulertzen duela, eta mezu hori helaraziko diela talde parlamentarioko kide guztiei.
Batzorde Federalaren erabakiaren erreakzioak
Rajoyri "ez" esatearen aldekoak hasi dira lehen iritziak plazaratzen. Susana Sumelzok, diputatu sozialista Zaragozatik, bere iritzia berretsi eta Twitterren jakinarazi zuenez, ezetz bozkatuko du Mariano Rajoyren inbestidura saioan.
Pedro Sanchez idazkari nagusi ohiak, bestalde, igande honetan Ferrazen hartutako erabakiari buruz hausnartu zuen, Twitterren honek ere.
Pablo Iglesiasek jazotakoaren inguruko iritzia plazaratu zuenTwitterren ere:
Zure interesekoa izan daiteke
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.