Otegik 'gerra-logikaren' baitan kokatu du Irastorzaren atxiloketa
Arnaldo Otegiren iritziz, Mikel Irastorza ETAko ustezko buruzagiaren atxiloketa Estatu espainiarraren "guda-logikaren" baitan dago, eta "bakea ez zaiola interesatzen" leporatu dio.
Horrez gain, Espainiako estatuaren terrorismoaren aurkako logika "guda-logika" dela eta ez zaizkiela "dauden arazoak interesatzen" esan du. "Litekeena da guda-logika horrek bakeak baino arrakasta gehiago ematea hauteskundeetan!", gaineratu du.
Bestalde, Arnaldo Otegi Sorturen idazkari nagusia prest agertu da duela bost urte Aieteko Adierazpenean islatutakoa legealdi honetan garatzeko, "gure esku dagoenaren neurrian".
2011n Aieteko Adierazpena onartu zenetik Euskal Herrian gertatutakoa aztertu du gaur goizean buruzagi abertzaleak Bilbon emandako prentsaurrekoan. Bost puntu bildu zituzten dokumentu hartan, eta 2011ko urrian Donostian antolatutako batzarraren emaitza izan zen. Nazioartean ere babes esanguratsua eman zioten.
Adierazpenaren lehen puntuan, euskal gizarte baketsua eraikitzeko ibilbide-orriaren lehen urratsa zehaztu zen Otegiren ustez. Horri esker, ETAk jarduera armatua utzi zuen behin-betiko handik gutxira.
"Espainiako eta Frantziako gobernuek blokeatuta eduki dituzte Aieteko Adierazpeneko gaiak", esan du Otegik, eta EAEn laster abiatuko den legealdi honetan gauzatuko direla berretsi du Bilbon eskainitako prentsaurrekoan.
Garatu gabe geratu ziren urratsei dagokienez, "adiskidetzean aurrera egiteaz gain, biktima guztiak onartu, haiei lagundu eta zauriak sendatzeko geratzen den lan sakona” azpimarratu du.
Halaber, "indarkeria erabiltzen ez duten aktoreak eta ordezkari politikoak" biltzera eta "gai politikoak edo bestelakoak" eztabaidatzera deitzen zituen proposamena ere garrantzitsua dela adierazi du.
Estatu espainiarraren eta frantziarraren borondate ezak baldintzatutako gainerako arazo larrien arloan, berriz, Otegik uste du datorren legealdian "erabat bideratu beharko dela ETAko presoen, errefuxiatuen eta erbesteraturakoen egoera".
Bost urteotan "Espainiako estatuak ez du izan, ezta izango ere, herrialde honetan bakea finkatzeko interesik", baieztatu du.
Zure interesekoa izan daiteke
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.
Pradalesek euskararen ofizialtasuna Europan defendatuko du, Frantziako Senatuan euskaraz egingo duen hitzaldian
Lehenengo aldiz izango da lehendakari bat Frantziako goi-ganberan, eta agertoki sinboliko hori baliatuko du, euskararen ofialtasunaren defentsan babes instituzional zabalagoa eskatzeko.