Foro Soziala: 'Aieteko ibilbide orria erabat baliagarria da'
Euskal Herriko bake-prozesua bultzatzeko Foro Sozial Iraunkorraren iritziz, Aieten zehaztutako ibilbide-orria erabat baliagarria da ETAren desarmerako eta armategiak suntsitzeko. Hori bai, ibilbide-orri horrek alde anitzeko blokeoak jasaten dituela gogoratu dute, estatu espainiar eta estatu frantziarraren aldetik, batik bat.
Agiri batean gogoratu dutenez, datorren astelehenean, urriaren 17an, bost urte beteko dira "Aiete martxan jarri zenez gero". Nahiz eta "ibilbide-orriak etengabe blokeoak jasan", "ezin dugu etsi", aldarrikatu dute.
Izan ere, Foro Sozial Iraunkorraren iritziz, gizarte zibilak ez du etsipen-jarrerarik erakusten, eta "antolatzen ari da 2013an lehen Foro Sozialean onartutako hamabi gomendioak aurrera atera ahal izateko".
Bost urte geroago, Aieteko Nazioarteko Konferentziak diseinaturiko ibilbide-orria erreferentzia puntu egokia izaten jarraitzen duela defendatu dute. Batez ere, azken zortzi hilabeteotan Foro Sozial Iraunkorra egiten ari den lanketari begira, eta zehazki, ETAren armategien desarme eta suntsitzeari dagokionean.
Ondorioz, ETAren armen, munizioen eta lehergaien zigilatze- eta desegite- prozesua azkeneraino eramateko premia azpimarratu dute, lehenbailehen erabateko armagabetzea erdiesteko.
Hori dela eta, Frantziako eta Espainiako Gobernuei dei egin diete, armak, munizioak eta lehergaiak suntsitzeko lana errazteko, "edo bederen ez oztopatzeko".
Azkenik, urriaren 22an, larunbatean, Aieten Foro Sozial Iraunkorra sarearen aurkezpena iragarri eta "erakunde eta pertsona ugarik parte hartuko dutela" adierazi dute.
Zure interesekoa izan daiteke
Irunen hegoaldeko erronda, saihesbidea eta AP-8 autobidean 3. erreia egiteko beharra defendatu du Labordak
Radio Euskadiko "Boulevard" saioan Cristina Laborda Irungo alkateak esan duenez, urteak behar dira errepideak egiteko, eta erabaki batzuk duela 20 urte hartu behar izan zirela kritikatu du.
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.