Albak berretsi du Elkarrekin Podemosek ez duela EH Bildu babestuko
Nagua Alba Podemos Euskadi alderdiko buruak larunbat honetan argitu du Elkarrekin Podemos koalizioak ''beti esan izan duela gauza bera'' lehendakari berriaren inbestidura saioan izango duten jarreraz eta, hala, berretsi du koalizioak ez duela Maddalen Iriarte EH Bilduren hautagaia babestuko.
Arratsaldean egin ditu adierazpenok Albak, goizean Iker Casanova EH Bilduko legebiltzarkideak Elkarrekin Podemos koalizioari luzatutako deiaren ostean. Hain zuzen ere, Casanovak bien arteko negoziazioak berehala ekiteko eta, asteazkena baino lehen, Elkarrekin Podemos jarrera aldatzeko eta Maddalen Iriarteren hautagaitza babesteko prest dagoen aztertzeko deia luzatu du Radio Euskadin. Lander Martinez Elkarrekin Podemoseko ordezkariak gonbita onartu du.
Iker Casanovak onartu du EH Bilduren eta Elkarrekin Podemosen botoak ez direla nahikoa Iriarteren hautagaitzak aurrera egin dezan. Hala ere, esan du ''legegintzaldian zehar Elkarrekin Podemosek gehiengoa duten proposamenak bakarrik onartuko baditu, legegintzaldi aspergarria'' izango dugula, ''edo Elkarrekin Podemosen parte-hartze txikiko legegintzaldia''.
Lander Martinez Elkarrekin Podemoseko ordezkariak Casanovaren gonbita onartu du eta negoziazioei ekiteko prest agertu da, baina argi utzi du bere kolazioaren jarrera abstentzioaren aldekoa dela. Edonola ere, zera gaineratu du: ''Baina noski; gauzak aldatu daitezke''.
Asteburu honetan itxi liteke EAJ-PSE akordioa
Josune Gorospe EAJko legebiltzarkideak larunbat honetan adierazi duenez, urratsak ematen jarraitzen dute PSE-EErekin akordioa lortu eta ''Jaurlaritza sendoa'' lortzeko.
Radio Euskadin bertan adierazi duenez, lanean ari dira orain arteko egindako lanak ''emaitza onak'' eman ditzan. Jeltzalearen arabera, lau ildotan ari dira lanean: ekonomia eta enplegua; babes soziala bermatzeko sistemari eusteko eta hobetzeko neurriak; bakegintza eta elkarbizitza; eta estatus juridiko-politiko berrian aurrera egitea.
Eneko Andueza PSE-EEko ordezkariak, bestalde, esan du ''oraingoz'' ez dagoela akordiorik ''erabat'' itxita EAJrekin Gobernua osatzeko, baina ''baliteke'' asteburu honetan ixtea''. Anduezak onartu du autogobernuaren inguruan azken egunetan negoziazioak aurrera egin duela, baina gaineratu du hori ez dela ''gai bakarra''.
Albiste gehiago politika
Espainiak akordioa lortu du NATOrekin, Defentsan % 5 gastatzetik salbuesteko
Aliantzarekin lortutako akordioaren ostean egindako adierazpen instituzionalean, Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".