Udal Legearen negoziazioa 'bideratuta' ikusten du Jaurlaritzak
Soraya Saenz de Santamaria Espainiako Gobernuko presidenteordeak elkarrizketa eta akordioa aldarrikatu ditu administrazioen arteko lanerako metodo gisa, "inposiziorik gabe", baina bakoitzak bere "ahotsa" izan dezan.
Saenz de Santamariak gaur Gasteizen adierazi duenez, Espainiako Gobernuak Euskal Autonomia Erkidegoan (EAE) duen ordezkariak politikan eta arlo publikoan esperientzia du, eta elkarrizketarako nahiz elkar ulertzeko erakutsitako gaitasuna eta foruetako eta Espainiako baloreei buruzko ezagutza baliatzen saiatuko da Gobernu Ordezkaritzan.
Javier de Andresek bere hitzaldian azpimarratu du "legeekiko zintzo" jokatzen duen orok ezin duela arazo gisa ikusi legea betetzea, eta, hain zuzen, lege horiek urratzen direnean sortzen dira "arazoak", gaineratu du.
Hitzaldian, elkarrizketarako deia egin du, eta aurreko legegintzaldian Finantzen Euskal Kontseiluan lortutako akordioa jarri du adibide gisa, oso ezberdinak diren alderdi politikoak ados jartzeko gai izan baitziren, horren hitzetan.
Javier de Andres Espainiako Gobernuak Euskadin duen ordezkari berriak kargua hartzeko gaur Gasteizen egin den ekitaldian izan da Soraya Saenz de Santamaria Gobernuko presidenteorde eta Presidentetzarako ministroa. De Andresek Carlos Urquijo ordezkatuko du.
Aurreko astean iragarri bezala, Iñigo Urkullu lehendakaria ez da bertan izan. Hala ere, Eusko Jaurlaritzaren izenean Josu Erkoreka Gobernantza Publiko eta Autogobernuko sailburua eta Iñaki Arriola Ingurumen, Lurralde Plangintza eta Etxebizitza sailburua izan dira ekitaldian. Gainera, Alfonso Alonso Euskadiko PPren presidenteak ere hartu du parte ekitaldian. EH Bilduk eta Euskadiko Ahal Duguk, berriz, ez dute ordezkaririk bidali.
Udal Legea
Ekitaldia hasi baino lehen, Saenz de Santamaria Erkorekarekin eta Arriolarekin elkartu da, Alonso, De Andres eta Urquijo aurrean zirela. De Andresek kargua hartu ondoren, berriro aritu dira hizketan hedabideen aurrean.
Espainiako Gobernua eta Eusko Jaurlaritza jarrerak hurbildu nahian ei dabiltza.
Bileraren ostean, Eusko Jaurlaritzatik adierazi dute "bideratuta" dagoela Espainiako Gobernuak Udal Legearen aurkako helegitea kentzeko negoziazioa, eta "posible" ikusten duela hori gertatzea.
Zure interesekoa izan daiteke
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.
Pradalesek euskararen ofizialtasuna Europan defendatuko du, Frantziako Senatuan euskaraz egingo duen hitzaldian
Lehenengo aldiz izango da lehendakari bat Frantziako goi-ganberan, eta agertoki sinboliko hori baliatuko du, euskararen ofialtasunaren defentsan babes instituzional zabalagoa eskatzeko.