Berdintasunean buru diren herrialdeen pare nahi du Mendiak Euskadi
Idoia Mendia PSE-EE alderdiko idazkari nagusiaren aburuz, genero berdintasunari buruz jardutean, Euskadi Europako lehen lau herrialdeen artean kokatzea izan behar da xedea.
Mendiak Bilbon egin ditu adierazpen horiek, Euskadiko Alderdi Sozialistako gazteriak berdintasunaren alorrean ematen dituen 'Berdintasuna Lantzen' sarien banaketan. Aurten honako hauek saritu dituzte: Maite Berrocal gasteizko Udalean PSEko zinegotzi ohia izandakoa, Maria Silvestre Emakundeko zuzendari ohia eta Araski Gasteizko emakumezkoen saskibaloi taldea.
Mendiak defendatu duenaren arabera, "Gobernuko jarduera guztia, ekimen politiko guztia gizonezko eta emakumezkoen arteko berdintasuna bermatzera bideratu behar da, esparru guztietan ekimenak eginda: familiaren barruan, hezkuntzan, administrazioan eta lanean. Azken kasu horretan, bien artean egon ohi den soldata tartearekin amaitzeko eta enpresei "garden jokatzera behartzeko".
PSEko idazkari nagusiak indarkeria matxistari aparteko aipua egin dio; izan ere, 2017 urtea "beren bikoteek edota bikote ohiek erail dituzten emakume kopuru handiena pilatzen ari den urtea izateko bidean doa".
"Genero indarkeriaren aurkako borroka dagokion larrialdi egoerara jaso behar dugu" eskatu du.
Idoia Mendia, saridunekin. Argazkia: EFE
Defendatu duenez, Eusko Jaurlaritzak indarkeria matxistaren biktimei arreta ematean eraginkorragoak izateko neurriak hartu ditu, eta instituzioen arteko koordinazio hobetu du, "edozein Administrazioko edozein leihatila indarkeria matxista pairatu duten emakumeentzat harrera atea izan dadin".
"Sozialistek hauxe nahi dugu: emakume izateak biziraupenezko jarduera izateari utz diezaiola herrialde honetan", aldarrikatu du.
Zure interesekoa izan daiteke
"Kontrolez kanpo dagoen merkatuan" esku hartzea beharrezkotzat jo du Otxandianok
Euskal Herrian dagoen arazorik larriena eta herritarren kezka nagusia etxebizitza dela nabarmendu du EH Bilduk, eta kritikatu du Jaurlaritzak ez duela egoerak eskatzen duen etxebizitza politikarik ezarri.
Ubarretxenak azpimarratu du "aurrerapausoak" eman direla aireportuen gaineko negoziazioan
Eusko Jaurlaritzaren bozeramaileak eskatu du Euskadik parte hartu ahal izan beharko lukeela 13.000 milioi euroko inbertsioak bideratuko dituen dokumentuan, eta tasei eta estrategiari buruz erabakitzeko ahalmena ere bai.
Alba Garcia: "Harrigarria iruditzen zait EH Bilduk horren arin jotzea euskal eskuinarengana"
Gabriel Rufianek proposatutako ezkerreko aliantzari buruz galdetuta, Alba Garcia Sumarren koordinatzaile nagusiak adierazi du EH Bilduk argi utzi duela hauteskunde-aliantza bat egitekotan EAJrekin elkartuko litzatekeela.
Diez Antxustegi, EAJk PSE-EErekin duen harremanaz: "Politikan ez gaude elkarrekin errietan ibiltzeko; ni ez naiz horrelako borroketan sartuko"
Joseba Diez Antxustegi EAJk Eusko Legebiltzarrean duen bozeramaileak Euskadi Irratiko mikrofonoen aurrean esan du, oro har, egunerokoan PSE-EErekin harremana ona dela. "Egunen batean gustatzen ez zaigun zerbait entzun behar badugu, ba onartu egin beharko dugu, baina gu ez gaude hemen horretarako".
Aireportuetan 13.000 milioi euroko inbertsioa ekarriko duen Aenaren egitasmoan parte hartzen ahaleginduko da Jaurlaritza
Ubarretxenak defendatu du Euskadiko hiru aireportuen inguruko plan estrategikoan Jaurlaritzak zer esana izan behar duela.
Espazio publikoetan burka eta niqab-a debekatzeko Voxen lege proposamenaren alde bozkatuko du PPk
Abascalen alderdiak bultzatutako ekimena astearte honetan eztabaidatuko dute Diputatuen Kongresuan.
Ertzaintzaren aurkako pintaketa gehiago agertu dira Amurrion
Esan sindikatuak gertatutakoa salatu du, eta ertzainei heriotza opatzea "euskal polizien aurkako indarkeria legitimatzen duen mezua" dela adierazi du. Hala, "berehalako eta ñabardurarik gabeko" gaitzespen publikoa eskatu die indar politiko guztiei.
Ubarretxenak astelehen honetan ekingo dio aireportuen eskumena Euskadira eskualdatzeko negoziazioari
Ubarretxenak defendatu du Euskadiko hiru aireportuen inguruko plan estrategikoan Jaurlaritzak zer esana izan behar duela.
Matute (Rufiani ezetz esan ostean): "Beti defendatu dugu ekintza politikoaren batasuna"
EH Bilduk Espainiako Kongresuan duen bozeramailearen ondokoak "ekintza politikoaren batasuna" eta "ekintza elektoralaren batasuna" bereizi ditu, eta esan du "beti" babestuko dutela lehenengoa, eta "eskuin-muturra boterera ez iristeko hainbat ekimen" bultzatzeko konpromisoa hartu dutela.
Berrarmatze nuklearra "apustu arriskutsua" dela esan die Sanchezek NATOko kideei
Municheko Segurtasun Konferentzian egindako hitzaldian, "elkartasunaren, enpatiaren eta lankidetzaren balioetan inbertitzearen alde" egin du Espainiako Gobernuko presidenteak.