Sara Majarenas aske uztea eskatu du Eusko Legebiltzarrak
Eusko Legebiltzarreko alderdi guztiek, PPk salbu, Sara Majarenas presoa aske uzteko eskatu diote Espainiako Gobernuari. Sara Majarenas eta haren alaba Izar Madrilen bizi dira martxoaz geroztik, hain zuzen ere, Padre Garralda fundazioak hirian duen harrera etxe batean. Urtarrilean labanaz eraso egin zion haurraren aitak Izarri.
Gerora, Espetxe Zaintzako Jose Luis Castro epaileak bigarren gradua eman zion Sara Majarenasi.
EAJk, EH Bilduk, Elkarrekin Podemosek eta PSE-EEk sinatutako legez besteko proposamena eztabaidatu eta onartu du gaur Legebiltzarreko Giza Eskubideen Batzordeak. Izarrekin Sara etxera plataformako ordezkaritza batek agerraldia egin zuen hilaren 14an Eusko Legebiltzarrean alderdien babesa bilatzeko.
Izarrekin Sara etxerako plataformako kideek Legebiltzarrean azaldu zutenez, Izarrek familiaren ondoan egon behar du aitaren erasoak eragindako "trauma" psikologikoa gainditu eta osatzeko.
Alderdi sinatzaileek haurraren egoerarekiko "kezka" agertu dute, eta bere "segurtasuna" eta amarekin egoteko duen eskubidea bermatzeko eskatu dute. Hori dela eta, haurra amarekin bizi dadila eskatu dute, baina "familiarengandik banatu gabe". Ildo horretan eta, genero indarkeriaren biktima izaera aitortu zaienez, Sara Majarenas euskal presoaren eta haren alaba Izarren eskubideak errespetatzeko eskaria egin dute.
Gauzak horrela, legez besteko proposamena bidaliko die Eusko Legebiltzarrak Espetxe Zuzendaritzari eta Auzitegi Nazionaleko Espetxe Zaintzako Epaitegiari.
Zure interesekoa izan daiteke
Euskal Herria herritarrei ziurtasuna emateko proiektu kolektiboa dela defendatuko du EH Bilduk Aberri Egunean
"Zazpiak bat egin" lelopean, koalizio abertzaleak apirilaren 5ean egingo du urteroko hitzordua Iruñean.
EAJ eta PSE-EE aurrez aurre berriz ere, Donostiako Udalak atxilotuen jatorria argitaratzeko hartutako erabakiagatik
Donostiako Udalak atxilotuen jatorria argitaratzeko hartutako erabakiak EAJren eta PSE-EEren arteko tentsioa areagotu du. Aitor Estebanek jeltzaleen baietza defendatzen duen bitartean, Eneko Andueza ez dago ados eta "akats larria" dela esan du.
"ETAk inposatu nahi izan zuen Euskaditik oso urrun gaudela ikustea da Txerokiren porrot moral handia"
Eusko Jaurlaritzak erdi-askatasun erregimena eman dio Txerokiri, eta astelehenetik ostiralera espetxetik aterako da Garikoitz Aspiazu ETAko buruzagi ohia, eta horren gainean iritzia eman du Eneko Andueza PSE-EEren idazkari nagusiak.
Euskadik LABI aktibatu ahal izango du zibersegurtasuneko gertakari larrien aurrean
Gobernu Kontseiluak inpaktu handiko ziberintzidenteen aurrean erantzun autonomikoa koordinatzea ahalbidetuko duen prozedura onartu du, ziberintzidenteek azpiegitura kritikoei edo herritarren segurtasunari eragiten dietenean.
Nafarroako Parlamentuak Accionaren presidentearen kontra egin du, Belateko ikerketa batzordean ez baita agertu
Jose Antonio Entrecanales Accionaren presidentea bi aldiz deitu dute ikerketa batzordera, baina bi-bietan ordezkariak bidali ditu. Irati Jimenez ikerketa batzordearen presidentearen esanetan, Entrecanales bera deitu dute eta ez Acciona enpresa (pertsona juridiko gisa), eta desobedientzia delitua egin duelakoan Fiskaltzari jakinaraztea erabaki du batzordeak.
Felipe Gonzalezek iragarri du boto zuria emango duela hurrengo hauteskunde orokorretan
Espainiako Gobernuko presidente ohiak ohartarazi du Aragoiko eta Extremadurako emaitzak errepikatu daitezkeela Estatu mailan, eta PSOE eta PP kritikatu ditu proiektu politikorik ez dutelako.
Hauteskundeetarako koalizio bat osatzeko asmoari ekingo diote Sumarrek, Comunsek, IUk eta Mas Madridek otsailaren 21ean
Lau antolakundeen hitzetan, hilaren 21a abiapuntua izango da aliantza komun, elkarbanatu eta ireki bat eraikitzeko datorren hauteskunde orokorretara begira, "sendoa eta denboran zehar fidagarria" izango den eremua. Hortaz, asmoa da hauteskunde testuingurutik haratago, gizarte mugimendu aurrerakoi bat aktibatzea.
Pradalesek 14 lurralde industriali dei egin die beren gaitasunak Europaren zerbitzura jar ditzaten, "etorkizuna bermatzeko"
Imanol Pradales lehendakariak "potentzial berritzaile eta ekonomiko handia" duten hamalau lurralde industriali dei egin die astelehen honetan, Bilbon bilduta, beren gaitasunak Europaren zerbitzura jartzeko, "proiektu europarraren etorkizuna bermatzeko", "arriskuan" baitago mundu "ezegonkor eta zalantza beteriko" batean.
PPk "harresia" ez izateko eskatu dio Voxi, eta PSOE "autokritika" egitea ekiditen dabil
Beste hauteskunde hitzordu batzuetan baino argiago mintzatu da Feijoo Aragoiko bozen biharamunean, eskuin muturrari "2023ko akatsak" ez errepikatzeko eskatuz. Abascalen alderdiak, berriz, ahobizarrik gabe baldintzak jarri ditu mahai gainean: kontseilaritzak nahi ditu, eta politikak errotik aldatzea da bere helburua.
Biktimek eta sindikatuek "egia, justizia eta erreparazioa" exijituko dute martxoaren 3ko 50. urteurrenean
Martxoak 3 Elkarteak eta ESK, Steilas, LAB eta ELA sindikatuek Gasteizko bost langileen hilketaren 50. urtemuga oroitzeko egingo dituzten ekitaldiak aurkeztu dituzte astelehen honetan.