EAEko gizarteak Kataluniako eredua atsegin du, baina ez luke aplikatuko
EAEko gizarteak Kataluniako eredua atsegin du, baina ez luke Euskadin aplikatuko, Gizakerrek Euskal Irrati Telebistarentzat egindako EiTB Focus inkestaren arabera.
Inkesta urriaren 2tik 4ra bitartean egin zuten telefono bidez. Euskal Autonomia Erkidegoko 1.200 pertsona elkarrizketatu zituzten: lurralde historiko bakoitzeko, 400.
Elkarrizketatuen % 62,9k ez lukete Kataluniako eredua Euskadin aplikatuko; % 21,6k, aldiz, bai.
Inkestako emaitzen arabera, EAEko gizartearen gehiengoak burujabetza handiagoa nahi du: % 43,5ek, autogobernu zabalagoa, eta % 22,6k, independentzia.
Subiranotasun handiagoa nahi dutenen artean, % 60,1ek Estatuarekin ituna adostu nahi dute, eta ia % 25 hausturaren aldekoak dira.
Kataluniari dagokionez, Auzitegi Konstituzionalak erreferenduma bertan behera uzteko emandako agindua ez obeditzea babesten dute euskal herritarren ia erdiak.
Erreferendumaren parte-hartzeak kataluniarren borondatea islatzen ez duela uste dute galdetutakoen % 44k. % 32k, ostera, kontrakoa uste dute.
EAEko herritarren % 60k puntuaziorik txarrena jarri diote Espainiako erregearen jokaerari: 0 puntu.
EAEko herritarren arabera, Espainiako Gobernuak ez du azterketa gainditu, 1,5eko nota jarri baitiote.
Kataluniako Gobernuak nota hobea lortu du, baina ez du gainditu: 4,3ko nota jarri diote.
EAEko herritarren ustez, Estatu mailako alderdi guztiek huts egin dute Katalunian.
Estatuko segurtasun indarrek urriaren 1ean izan zuten jokabidea neurrigabetzat jo dute herritarren ia % 80k.
Kataluniako herriaren mobilizazioak 7,3ko nota merezi duela uste dute EAEko herritarrek.
Fitxa teknikoa
Lagina: EAEn bizi diren 1.200 pertsona (400 Araban, 400 Bizkaian eta 400 Gipuzkoan).
Lagin-akatsa ±2,83koa da, % 95eko konfiantza mailarekin (p=q=0'5, datu orokorretarako).
Lurralde historiko, udalerri, sexu eta adinaren arabera geruzatutako zorizko lagina da.
Inkesten % 23,1 euskaraz egin dira, eta gainerako % 76,9a, gaztelaniaz. Inkesta egindako udalen populazio-tamainagatik haztatutako erabateko emaitzak.
Landa-lana 2017ko urriaren 2tik 4ra egin zen telefono bidezko elkarrizketak eginez.
Inkestek, batez beste, 10,2 minutu iraun zuten; motzenak 7 minutu iraun zuen, eta luzeenak, 25 minutu.
Zure interesekoa izan daiteke
Txomin Letamendi, frankismoan torturen ondorioz hildako gudaria, omendu dute ostiral honetan Ondarroan
Gogora Institutuak frankismoaren biktimatzat aitortu berri du; izan ere, Letamendi, orain 75 urte hil zuen polizia frankistak, Madrilen, torturatua. EAJko kide eta frankismoaren kontrako erresistentziaren ikur izan zen. Haren gorpua berreskuratu ondoren, Artxandan zabaldu zituzten bere errautsak.
Sanchez: "Oso albiste ona da, herritarrengan eragina duten gaiak sustatzeko estrategia indartzen du eta"
Espainiako Gobernuko presidenteak balioan jarri du lehendakariak Makroeskualde Atlantikoa abian jartzeko egindako lana, sinergiak sustatuko baititu parte hartzen duten eskualdeen artean, hala nola azpiegiturak, konektibitatea edota komunikazioak hobetzeko.
Otegi, "harrituta" EAJren eta PSE-EEren isiltasunaren aurrean, PPk "benetako asmoak" erakutsi ostean
Koalizio abertzalearen idazkari nagusiak adierazi du harrituta jarraitzen duela "24 orduren ostean, EAJ edo PSE-EE bezalako indarren isiltasunarekin". Bere arabera, hemen "ez dago arazo bat EH Bilduren eta PPren artean: bloke atzerakoia da Euskal Herriarekin arazo bat duena".
Arabako Batzar Nagusiek 2026ko aurrekontuen proiektua onartu dute, EAJren, PSEren eta Elkarrekin Podemos-IUren botoekin
Datorren urterako aurrekontuak onartu egin dira Elkarrekin Podemos-IUren babesaren ostean, osoko zuzenketa kendu eta Foru Gobernuarekin akordio batera iritsi baitzen, Arabako egoitza pribatuen inguruan ados jarri ondoren.
Gipuzkoako foru gobernuak 2026ko aurrekontuak onartu ditu Elkarrekin Podemosen babesarekin
Gutxiengoan agintzen den koalizio gobernuak (EAJ eta PSE-EE) oposizioko talderen baten babesa behar zuen datorren urteko aurrekontuak aurrera ateratzeko. Legegintzaldiko bigarren aurrekontuak izango dira: iaz PPren babesarekin eta aurten Elkarrekin Podemosekin.
Urdaibaiko Guggenheim proiektua baztertzeko erabakia hizpide izan dute Eusko Legebiltzarrean
Pello Otxandianok esan du eskualdean egindako entzuketa aktiboko prozesua heldutasun ariketa izan dela, etorkizunerako adibide izan beharko lukeena. Lehendakariak, berriz, gogora ekarri ditu ezker abertzaleak bere garaian Bilboko Guggenheim proiektuaren aurka egin zituen adierazpenak.
Eusko Jaurlaritzak "kontuz ibiltzeko" eskatu du, Euskadi "Espainiako eredu politikoarekin kutsa ez dadin"
Radio Euskadin egindako elkarrizketa batean, Euskadin aurkari politikoa ulertzeko eta errespetatzeko dagoen gaitasuna azpimarratu du Ibone Bengoetxeak. Bere iritziz, ordea, "kontu handiz ibili behar da etengabeko polarizazio eta liskar saiakerekin". Ildo horretatik, Jaurlaritza prest agertu da entzuteko, hitz egiteko eta akordioak lortzeko.
Lehendakariak "arduragabekeriatzat" jo du ostegun honetan Eusko Legebiltzarrean izandako polemika
Imanol Pradales lehendakariak EH Bilduk eta PPk Eusko Legebiltzarrean izandako eztabaida gogorra izan du hizpide.
Zein da Atlantikoko Makroeskualdearen helburua?
Atlantikora begira dauden eskualdeak Europar Batasunean duten eragina indartzeko ideiak hamarkadak daramatza mahai gainean. Orain, Bruselak urrats bat gehiago eman du eta lurralde horiek guztiak bilduko dituen egitura komun bat sortzea aztertzen ari da.
Makroeskualde Atlantikoa martxan jartzea "berri pozgarria" da Pradalesen ustez, "Euskadiren pisu politikoa handitzen duelako"
Imanol Pradales lehendakaria pozik agertu da Europako buruzagiek atzo emandako pausoarekin. Izan ere, 2027ko ekainean beranduenez, Makroeskualde Atlantikoa bultzatzeko estrategia garatzeko eskatu zioten Europako Batzordeari.