Lander Martinez Podemos Euskadiko Idazkaritza Nagusirako hautagai izango da
Elkarrekin Podemoseko bozeramaile eta Podemos Euskadiko Antolakuntza idazkari Lander Martinez hautagai izango da abenduan bere alderdiak EAEn egingo dituen primarioetan. Aipatutako hilaren hasieran ekingo dio Podemos Euskadik Nagua Alba idazkari nagusiaren ordezkoa hautatzeko prozesuari.
Radio Euskadin emandako elkarrizketa batean, Martinezek baieztatu du hainbat alderdikidek proposatu diotela hautagaia izatea: "Jendeak egokia dela irizten badio, behar den tokian izango naiz. Prest nago pauso hori emateko, aurkezteko. Hori dut asmoa. Azkenean, hasieratik ibili izan naiz Podemos Euskadin, oso ondo ezagutzen dut alderdia, zirkuluekin hasi ginenetik, Europako hauteskundeak egin baino lehen duela lau urte hasi zenetik, hain zuzen ere".
Gainera, nabarmendu du xedea dela Podemos Euskadi "sendo" egotea, primarioak gauzatu ostean: "Prest nago horren alde lan egiteko, eta lortzeko pausoa emateko. Erronka da, eta seriotasun handiz hartuko nuke; Idazkaritza Nagusiak ardura handia dakar, baina, era berean, ilusio handia egiten dit", zehaztu du.
Adierazi duenez, berak ez du zertan esan Nagua Albaren "ordezko naturala" izango litzatekeen ala ez, "baina begi-bistakoa da Albak azken bi urteotan egindako lanetik oso gertu izan naizela; ahal dudan guztian lagundu dut, erakunde hau zuzentzeak dakarren lan erraldoian lagundu diot, eta, hortaz, ondo dakit dut zer eskatzen duen karguak".
Martinezek iritziz, Podemos Euskadik bi erronka nagusi ditu aurretik: alde batetik, "alderdia epe luzean eraikitzea"; horretarako, egitura antolatzailea "sendotu" beharko luke; eta, beste alde batetik, 2019ko udal- eta foru-hauteskundeak; izan ere, "Elkarrekin Podemos koalizioa, ahal bada, lehen aldiz errepikatuz", aliantza horrek aukera izango luke udalerrietan marka propioa erabilita aurkezteko.
Hala, Lander Martinezen asmoa da "lurraldean modu oso sendoan instalatzea", xede izanik "alderdiari oinarri sendoak jartzea, eta, gerora, 2020an Eusko Jaurlaritzan egon zitekeen balizko hautagaitza bati bidea erraztea".
Aldeen arteko akordiorik ez da izan
Martinezek gogorarazi du asteazken honetan bilera egin zutela Podemos Euskadiko kide gehienak biltzen dituzten bi aldeek; bileraren asmoa izan zen aztertzea aukerarik dagoen primarioetarako zerrenda bateratua adostea.
Esan duenez, topaketa "giro oso onean" egin zuten, baina ez zuten akordiorik lortu. Alde batetik, egungo Zuzendaritzaren aldekoak daude; beste alde batetik, kritikoago azaldu direnak (besteak beste, Pilar Garrido, Josetxo Arrieta eta Miren Gorrotxategi senatariak).
Martinezen esanetan, segur aski zerrenda bat baino gehiago egongo da; hala ere, saiatuko dira iritzi guztiak "eremu berean" batzen. Onartu du, dena den, "une zailak" izan direla; haren iritziz, "beharrezkoa da denbora igarotzea, onartzea zer egin den ondo eta zer txarto, eta amore ematea", adostasuna erdiesteko.
Lander Martinezek uste du ez dela "inolako dramarik" zerrenda bakar hori ez lortzea; esan duenez, aldeak ez dira erakundearen antolakuntzari buruzkoak ("horretan ados gaude"), baizik eta "detailean".
Zure interesekoa izan daiteke
"Kontrolez kanpo dagoen merkatuan" esku hartzea beharrezkotzat jo du Otxandianok
Euskal Herrian dagoen arazorik larriena eta herritarren kezka nagusia etxebizitza dela nabarmendu du EH Bilduk, eta kritikatu du Jaurlaritzak ez duela egoerak eskatzen duen etxebizitza politikarik ezarri.
Ubarretxenak azpimarratu du "aurrerapausoak" eman direla aireportuen gaineko negoziazioan
Eusko Jaurlaritzaren bozeramaileak eskatu du Euskadik parte hartu ahal izan beharko lukeela 13.000 milioi euroko inbertsioak bideratuko dituen dokumentuan, eta tasei eta estrategiari buruz erabakitzeko ahalmena ere bai.
Alba Garcia: "Harrigarria iruditzen zait EH Bilduk horren arin jotzea euskal eskuinarengana"
Gabriel Rufianek proposatutako ezkerreko aliantzari buruz galdetuta, Alba Garcia Sumarren koordinatzaile nagusiak adierazi du EH Bilduk argi utzi duela hauteskunde-aliantza bat egitekotan EAJrekin elkartuko litzatekeela.
Diez Antxustegi, EAJk PSE-EErekin duen harremanaz: "Politikan ez gaude elkarrekin errietan ibiltzeko; ni ez naiz horrelako borroketan sartuko"
Joseba Diez Antxustegi EAJk Eusko Legebiltzarrean duen bozeramaileak Euskadi Irratiko mikrofonoen aurrean esan du, oro har, egunerokoan PSE-EErekin harremana ona dela. "Egunen batean gustatzen ez zaigun zerbait entzun behar badugu, ba onartu egin beharko dugu, baina gu ez gaude hemen horretarako".
Aireportuetan 13.000 milioi euroko inbertsioa ekarriko duen Aenaren egitasmoan parte hartzen ahaleginduko da Jaurlaritza
Ubarretxenak defendatu du Euskadiko hiru aireportuen inguruko plan estrategikoan Jaurlaritzak zer esana izan behar duela.
Espazio publikoetan burka eta niqab-a debekatzeko Voxen lege proposamenaren alde bozkatuko du PPk
Abascalen alderdiak bultzatutako ekimena astearte honetan eztabaidatuko dute Diputatuen Kongresuan.
Ertzaintzaren aurkako pintaketa gehiago agertu dira Amurrion
Esan sindikatuak gertatutakoa salatu du, eta ertzainei heriotza opatzea "euskal polizien aurkako indarkeria legitimatzen duen mezua" dela adierazi du. Hala, "berehalako eta ñabardurarik gabeko" gaitzespen publikoa eskatu die indar politiko guztiei.
Ubarretxenak astelehen honetan ekingo dio aireportuen eskumena Euskadira eskualdatzeko negoziazioari
Ubarretxenak defendatu du Euskadiko hiru aireportuen inguruko plan estrategikoan Jaurlaritzak zer esana izan behar duela.
Matute (Rufiani ezetz esan ostean): "Beti defendatu dugu ekintza politikoaren batasuna"
EH Bilduk Espainiako Kongresuan duen bozeramailearen ondokoak "ekintza politikoaren batasuna" eta "ekintza elektoralaren batasuna" bereizi ditu, eta esan du "beti" babestuko dutela lehenengoa, eta "eskuin-muturra boterera ez iristeko hainbat ekimen" bultzatzeko konpromisoa hartu dutela.
Berrarmatze nuklearra "apustu arriskutsua" dela esan die Sanchezek NATOko kideei
Municheko Segurtasun Konferentzian egindako hitzaldian, "elkartasunaren, enpatiaren eta lankidetzaren balioetan inbertitzearen alde" egin du Espainiako Gobernuko presidenteak.